ساااعدوني باختيار الالوان حق غرفة المعيشة........

[درابيل]

السلام عليكم خواتي

هاليومين بإذن الله بغير لون غرفة المعيشه
وببالي احط غنفات بسيطة ستايل امريكي

بس لووووون الغنفات احتمال اخليه بترولي او رمادي غامج عشان ما يتوصخ لان عيالي اسم الله عليهم صغاار :bbbiu:

الحين المشكله انا عارفه ان هاللون يقمت و كئيب

فأبي تنصحوني اي لون ادخل معاه بالكوشيات او الاكسسوارات؟؟

شنو لون الصبغ ؟؟

والستاير ؟؟

بس عفيه لحد يقوللي بنفسجي لانه صار مستهلك

واللي عندها اقتراح بلون للغنفات غير الرمادي تتفضل :eh_s(10):

بلييييز محتاجة رايكم لاني محتاااارة :eh_s(4):

 

[Mnoo-q8]

بالعكس الرمادي حلوو ولون ماتملين منه وتقدرين تتحكمين فيه الصبغ انصج تحطين ورق جدران فضي قلتر بابيض يعني يكون النقشان لونها فضي وبس

 

[درابيل]

اممم حلو عجبتني فكرة السلفر وشفت اشكاال للول بيبر تشووووق


بس ما احتاج ادخل لووون فيه حياه بالسالفه ؟

 

[Fstani]

الصبغ لون اخضر فااتح

 

[درابيل]

اممم ممكن اخضر
مشكووورة على المسااعدة
بس شخصيا ما افضل الاخضر

 

[ام يزن-2]

خدي كنبات من ايكيا عمليه والتلبيسة حقتها تخريجيها وتتغسل كمان تقدري تاخدي تلبيسة لون فاتح او تفصلي عليها وتحطيها ادا جاك ضيوف وكمان في جلستها مريحه

 

[درابيل]

مشكورة ام يزن
فكرة التلبيس عمليه صح

بس تعقدت بالالوان

 

[أم شيخه]

ليش ما تحطين كنبات جلد في منهم الوان وتنظيفهم وايد سهل وخصوصا ان عيالج صغار

 

[درابيل]

الجلد احسهم يعطون جو مكتب ،،يذكروني بالدواام: )

 

[كتكوته22]

وايد حلو الرمادي القامج وتقدرين تلعبين بالكوشيات فوشي واصفر او بنفسجي عاد عندي صوره قنفات رماديه قامجه بمجلة امبوريم يننون ولاعبين بالكوشيات حدها ذربه والالوان مريحه حق العين بس حسافه ما اعرف انزل صور جان نزلتها ��والول بيبر روحي ابيات او حولي تحتارين شنو تنقين من كثر ما اهم حلوين

 

[درابيل]

مشكورة حبيبتي وصاجة الاضافات البسيطه من كوشيات وغيره ممكن تكسر قتامه اللون الرمادي
نورتي الموضوع

 

[الأميرة]

اختي جمعت لج هالصور عجبوني وان شا الله يعجبونج

تفضلــــي

 

[MyLittleBerry]

http://www.q8yat.com/t1006354.html

شوفي هالموضوع

في افكار رهيبه

 

[طالبة1990]

الكوشيات لحمي او زهري فاتح وابيض

يعني عددي الالوان لا تعتمدين على لون واحد

حطي درجات الوردي واللحمي والموف

والصبغة نفس الشي خليها لون واحد مطفي

وحلو الزهري الفاتح او اللحمي او البصلي او الموف

بس الزهري اشرررح واهدى


وحطي ع الطوفة براويز ايكيا البيضا

وداخلها صور بدرجات الرمادي اللي عند ايكيا

 

[درابيل]

الاميرة تسلم ايدج عالصور ماااا قصرتي
وخواتي كويت بترفلاي و الطالبه مشكوووورين حبايبي استفدت من مشاركاتكم

نورتو موضوعي

 

[mj2012]

خلي لون الصبغ ابيض
و الكوشيات حمرا و بيج راح يطلع حلو
تقبلي مروري
موفقة

 

[بدويه ستايــل..]




 

[درابيل]

مشكورة حبوبة mj2012

اخت بدويه شكرا عالمشاركة مع ان الكلام مو طالع عندي

 

[أدريانا.]

وش رآيك اوفوايت

حيل راقي مع طقم دولآب لصحون وطآولةة لونةة بني غآمق مع رف ومع رسمهة ة

 

[درابيل]

شكرا حبوبة عالنصيحة



بنات منو عندها اقتراحات بعد