ساااعدوني بنات ماليزيا

[منيرره]

بنات عندي سؤال للي سافرت ماليزيا جم خذيتو معاكم وفي احد جرب الشيكات السياحية وجم مسموح أدخل معاااي


بنات هيلب بليززززززززز

 

[أم عبد الله]

حبيبتي انا توني رادة صارلي يومين الديرة صايرة غالية فإخذي معاج فلوس راهيه علشان تشترين من غير مشاكل أنا آخذ كاش عن نفسي صرفت 1000 كويتي معاي طبعا صرفت العملة بالكويت هني أرخص هناك أغلى ال100 دينار هناك تطلع 1200 رنغت فاحسن لج الصرف هني وفلوسج معاك ولله الحمد الديرة أمان طبعا هذا الملبغ من غير تكاليف الأكل والسيارات والرحلات يعني صافي لي والديرة هالسنة فيها اشياء وايد حلوة وألحين ميغا سيل . فالخصومات لحد شهر 8 على ما أعتقد فياليت تلحقين عليه شفتي مع السيل الديرة صايرة غالية فما بالج إذا رحتي والسيل خالص؟؟؟؟:0bee2e8d89:
يارب أكون ساعدتج ولو بالقليل

تروحين وترجعين بألف سلامة:klhfl:

 

[عاشقة السفر]

أنا جربت الشيكات السياحية وما أنصحج فيهها كلش كلش .. ليش لأنه مو أي مكان ياخذها هذه شغلة والشغلة الثانية لو يتيي بتصرفين الشيكات السياحية راح ياخذ عمولة من الصرف يعني فرضا فرضا لو قلنا 100 دولار فرضا 1000 رينغت بس إذا إستخدمتي الشيكات السياحية بتطلع 900 رينفت

 

[منيرره]

ام عبدالله 1000 حق جم يوم واذا بروح بينانج عادي أحط الفلوس بالفندق تعرفين هناك بحر ياليت تفيديني

 

[M!$$.3NoNa]

حبيبتي ليش شكيات سياحيه ؟؟؟

كلش مالها دااااااااااااااااعي !! اخذي افلوسج في يدج احسن لج بالف مره والديره اماااااااااان الحمدلله ..

وبخصوص الصررف والله مادري شقولج !

كل وحده وصرفها انا اصرف واييييييييد والله

واشتري كل شي ابيه ومابيه ومن غير مبالغ 600 دينار الـى 700

عيشتني احسن عيشه والله وزادت ( بس حق السووق في يدي )

ورديت وياي ب150 دينار !!

للعلم هل لفلوس مقسمه على تايلند وماليزياااا تخيلي !! هههههههههههههههههه

والحمدلله شريت لي كل الي ابيه واكثر وحتى صوايغ خالاتي وامي خذيت وكله من مجمعات راقيه والله مو بسطات هههههههه

غير المكيب الي طخيت طخ حق عمر جدام والله ..

وشوفي انتي شلي يناسبج !

بس لو اروح مره ثانيه ماليزيا راح اودي وياي نفس المبلغ ومتاكده اني ماراح اضيع اهناك ..

موفقه

 

[منيرره]

انزين بنات اذا انا رايحه مع زوجي وبنروح نتسبح بحر وهالسوالف أحط الفلوس بالفندق بالسيفي بوكس عادي

 

[بنت شوشو]

السلام عليكم حبيبتي انا توني راده من ماليزيا تاريخ 15 اي شي تبين تعرفينه واماكن سياحيه قوليلي

 

[بنت شوشو]

عادي يا قلبي حتي الجوازات وكلش مهم حطيه عندهم

 

[نوفه الحلوة]

انا كن رايحه شهر العسل هناك بشهر اربعه حدها رخيصه والحين حزة سييل يعني ماراح تكلف واايد واذا على السياحه تشوفينهم ينطرونج بالمطار ويعرفونج على كل شي تبينه سواء سووق ولا تتمشين حوالينها بس نصيحه لاتخلين كل الفلوس بمخباتج ولا بجنطتج وزيعهم بينج وبين اللي مسافر معاج بكل مخبا في هدومج حطي شوي ولا تطلعين بليل ورا التسع بليل لانهم يخرعون شوي في نهم يبوقون اما الصبح الديرة حدها امان وحييل طيبين انا انصحج اذا تبيين تستانسين روحي جزيرة بينيج وفندق فندق باى فيوبيتش حدا عجيب واللي احلا انه على البحر ولا فيه جت سكي و يركبونج برشوت ب 120 رنقت حدا وناسه حتا ما ودج تطلعين برا الفندق

 

[ام فطوووم]

ومنكم نستفيد
يالله بعد قولولنا شنو الشغلات الحلوه مابقى على سفرتي شي
باذن الاسبوع الياي اي معلومه عندكم لاتخشونا علينا

 

[haneen]

انا سافرت شهر 4 .. وكلفتني السفرة الفنادق والحجوزرات كلها 1000
ومصرف ايدنا 1000 طبعا هالالف كل شي اكل وتنقلات ورحلات وصوايغ وتشري

انا عندي الديرة وايد رخيصة مو شوي


والله يوفقج وتروحين وتردين بالسلامة