سااعدوني مادري شنو أدخل مااعرف ششي ~ساعدوني.

[يارب وفقني ~]

السلام عليكم ورحمة الله وبركاته ~

بنات بغيت اسألكم جم سؤال وأتمنى أتمنى تفيدوني~

حطيت الموضوع اهني لأن اغلبكم دشيتوا الجامعه وكلياتكم اللي تبونها فأكيد عندكم خبره~

ابي أعرف كل الكليات الغير مختلطة ~

وشنو تخصصاتها وشنو تطلع بعدين يعني شنو راح تكون وظيفتها ؟~

وسؤال بعععد ~

لو أبي اصير إدارية بمدرسة بأي كلية أدش وشلون راح تكون دراسة هالتخصص هل صعبة ولا سهالات ؟~

بنات الله يعافيكم ساعدوني لأن ماعندي احد من قبل داش الجامعه وماعندي احد اسأله ~

على فكرة أنا علمي يعني ابي اعرف التخصصات اللي تدخل علمي ~

شكرآ مقدما ~

:eh_s(17):

 

[sweet Bunny]

رد : سااعدوني مادري شنو أدخل مااعرف ششي ~ساعدوني.

انشالله يفيدوونج
up
up
up

لعيونج :*

 

[FoFa stylish]

رد : سااعدوني مادري شنو أدخل مااعرف ششي ~ساعدوني.

شوفي العلمي الاغلبية يدشون طب و هندسة و علوم للتحويل

بس بما انج قلتي ادارية بمدرسة
عندج العلوم الاجتماعية
علم النفس : اخصائية نفسية
علم اجتماع : اخصائية اجتماعية
علوم سياسية : فرص العمل للشباب ما انصح البنات فيه
و مكتبات : امينة مكتبة بس

تبين مو مختلطة الجامعة كلها خلط بس الشريعة مو خلط الشباب مبنى و البنات مبنى

عندج التربية الاساسية مو مختلطة و تصيرين مدرسة و فيه بدنية و فنية و موسيقى و علوم الاسرة و المستهلك و هذول ملوت الثانوي الاختيار الحر

اذا تبين التربية تقدرين تدشين كلية التربية و تدرسين و تتوظفين و تكون نسبتج اخر السنة سنة التخرج 85 اقل شي خبرة 3 سنوات و تاخذين ماجستير و تترقين عاد وكيلة او رئيسة قسم

هذا اللي قدرت عليه و اي سؤال انا حاضرة

 

[اسيل الصمت]

رد : سااعدوني مادري شنو أدخل مااعرف ششي ~ساعدوني.

ما قصرت الاخت
يعطيج العاففية

موفقه

 

[[[ عيون جابر ]]]

للرفع

 

[يارب وفقني ~]

رد : سااعدوني مادري شنو أدخل مااعرف ششي ~ساعدوني.

يعطيكم العافية بنات ~

وبالأخص فوفا ماقصرتي حبيبتي ~

انزين قريت قبل شوي عن معهد السكرتارية . شنو يطلع هالمعهد ؟ يعني ممكن يطلع سكرتارية بالمدرسة ولا لأ ؟

وشلون تخصص رياض الاطفال حلو ولا لأ ؟

ويعطيكم العافية ~

 

[يارب وفقني ~]

رد : سااعدوني مادري شنو أدخل مااعرف ششي ~ساعدوني.

ومكتبات شلون دراستها بعد ؟~

 

[English.Teacher]

رد : سااعدوني مادري شنو أدخل مااعرف ششي ~ساعدوني.

علوم اجتماعية

 

[انوار الكون]

رد : سااعدوني مادري شنو أدخل مااعرف ششي ~ساعدوني.

الله يهداج اذا نسبتج زينه دشي الجامعه لادشين معهد

دشي علوم كمبيوتر وبتوظفين ان شاء الله بالمدارس
او مثل ماقلتي رياض اطفال انا رفيجاتي فيه يدرسون

والمكتبات حلوه اذا تحبين الحفظ وحيل يمدحون الدكاتره الي يدرسون مواد هتخصص

بس اذا نسبتج مادخلج جامعه
نصيحتي دشي المعهد العالي الاتصالات وملاحة وراح تمشين دام انتي علمي بتخصص الاكترونات
وبعدها من تجيبين نسبة 1.67 % راح يعطونج بعثه على حساب الحكومه وتدرسين سنتين او 3 وتاخذين الشهاده الجامعيه
بس انسي سالفة معهد السكرتاريه ولاتضيعين نفسج
موفقه خيتو

 

[مزن الكويت]

اهلين حبوووبه
شوووفي اذا تبين الكليات مومختلطه عندج كليه البنات الجااامعيه بس مادري شنو
تخصصات الموجودة دشي علي تجمعهم اول صفحه تلقين عنها كل شي
طبعا هاالكليه بس حق العلمي
وعندج تطبيقي بس والله حرام ادشين معهد سكرتاريه واخر شي معاشج ولالالالاشي
ليش مادشين كليه العلوم الصحيه فيها واايد اخصصات حلووة تصرين صيدلانيه وتحاليل وتخصصات وااايد
وطبعا عندج التطبيقي كله مووووومختلط
وموووفقه حبوووبه

 

[FoFa stylish]

رد : سااعدوني مادري شنو أدخل مااعرف ششي ~ساعدوني.

يعطيكم العافية بنات ~

وبالأخص فوفا ماقصرتي حبيبتي ~

انزين قريت قبل شوي عن معهد السكرتارية . شنو يطلع هالمعهد ؟ يعني ممكن يطلع سكرتارية بالمدرسة ولا لأ ؟

وشلون تخصص رياض الاطفال حلو ولا لأ ؟

ويعطيكم العافية ~

السلام معهد السكرتارية اي سكرتيرة بالمدرسة بس حرام يصير معاشج 650 او اقل و انتي علمي انا اقول ظلم فشيلي هالفكرة من بالج

تخصص رياض الاطفال حلووو بس تعرفين في بعذ يقول تأخذ من معاشج و يروح على الوسائل بس اعرف واااااايد بتخصص رياض الاطفال اذا انيت تحبين اليهال و مستعدة لهم حلوووو بتمشين و انصحج تروحين لمنتدى مال معلمات رياض الاطفال عندنا بمنتدى كويتيات روحي فوق عند المعلمات و تلقين قسم معلمات رياض الاطفال و سمعي رايهم

و اقدر اقولج تبين معاش حلووو و ادارية علوم اجتماعية عندج خدمة اجتماعية اخصائية اجتماعية
او علم نفس بعلوم اجتماعية اخصائية نفسية تخصص حييييييييييل حلووو و معاشهم يهبل بس ما يفرق عن المدرسة و تصيرين ادارية

 

[نــوره]

^^^^^^^^^^^^^

مآآقصصرت

 

[روح الدنيا]

ماقصرو


و اي سؤال بعد لا يردج الا كيبوردج ماشاءالله البنات راعيات فزعه

 

[يارب وفقني ~]

رد : سااعدوني مادري شنو أدخل مااعرف ششي ~ساعدوني.

8888

اي والله صاجة راعيات فزعه فديتهم ~

..

يعطييييييييكم العافية حبايب قلبي كلللكم ~

والله جد ماقصروتووو حيل فدتوووني ~

مشكورين واذا ابستفسر عن اي شي ثاني برد ان شاء الله .. أدري غثيتكم بس مالي غيركم بعد الله ~

 

[FoFa stylish]

رد : سااعدوني مادري شنو أدخل مااعرف ششي ~ساعدوني.

8888

اي والله صاجة راعيات فزعه فديتهم ~

..

يعطييييييييكم العافية حبايب قلبي كلللكم ~

والله جد ماقصروتووو حيل فدتوووني ~

مشكورين واذا ابستفسر عن اي شي ثاني برد ان شاء الله .. أدري غثيتكم بس مالي غيركم بعد الله ~

لا شدعوة اختي شنو غثيتينا احنا بالخدمة

 

[يارب وفقني ~]

و اقدر اقولج تبين معاش حلووو و ادارية علوم اجتماعية عندج خدمة اجتماعية اخصائية اجتماعية
او علم نفس بعلوم اجتماعية اخصائية نفسية تخصص حييييييييييل حلووو و معاشهم يهبل بس ما يفرق عن المدرسة و تصيرين ادارية

هذا اللي قلتيه فوفاا ,

الاخصائية الاجتماعية جم معاشها ؟ وطريقة دراستها حلوة ولالا ؟ وبأي كلية ؟

وكلية العلوم الاجتماعية مختلطة ولالا ؟ .. واذا صرت اخصائية يصير احوّل ادارية ولا اهم الاثنين نفس بعض ؟

اللي تعرف ترد عليّ ومشكورين وربي ماقصرتو