ساعدونا نالف كتاب

[دعودي]

هااااااااي بنات كيفكم ان شاللله بخير :eh_s(7):

بنات ابيكم تساعدوني بليززززززز

أنا وصديقتي نبي نالف كتاب اوك
بس موعارفين كيف نبتدي فيه ونفكر انو يتكلم عن البنات ومشاكلهم وحلول وشخصيات البنات
وكيذا يعني بس مو قادرين نرتب افكارنااا ومحتااسين كيف نبتدي
ورح نتكلم عن مشاكل ومواقف مرينا فيها أوبنات نعرفهم مرو فيهااا وكيذا
ياليت تساعدوني :eh_s(22):

ونفكر نتكلم بل ((عاميه)) شرايكم ؟؟؟

وياليت لو عندكم افكار بعد ومواضيع تفيدوناا :eh_s(15):

 

[سمسمة كويتية]

انشالله البنات يساعدونج
بس اذا بالعامية أنا مو رفيجتج

 

[ليلو جبريت]

وانا مع سمسمة

كنت بساعدج لو بالفصحى


هاتي يدج سمسمة خل نطلع من الموضوع

 

[دعودي]

اوك انا ماقلت بكتبه بل عاميه اقولكم افكر شرايكم هههههه اوك شكلي بكتبه بل فصحى

 

[7ikayat]

تأليف أي كتاب عبارة عن مجهود ومثابرة وأسلوب وحبكة وخلق وتطوير شخصيات وعلاقات!
صراحة حاسة الموضوع ماخذته مزح او تسلية والموضوع مو بسيط بتاتا!
والعامية اسوا شي ممكن الكاتب يبلش فيه ويستمر عليه.. الفصحى أولا وأخيرا!
بعدين صدقيني ملينا من فكرة مشاكل البنات وحلولها, والكاتب مو من المفترض انه يطرح حلول اساسا!
على العموم موفقة انتي ورفيجتج ​

 

[بهبهانيه]

اب اب

 

[كراميلا مرة]

اولا لازم في فكره اساسيه للكتاب
وافكار فرعيه ولها اساس علمي
وفيه مراجع مفيده للموضوع اللي بتكتبين عنه
واهداف وفوائد واشياء كثيره
بكتب كتاب مو كلمة سهلة يبي لها دراسه كبيرة وتخطيط

وانا بعد ماأييد العاميه
كتبي بالفصحى افضل وارقى
واتمنى لج التوفيق

 

[غيدآء]

السلام عليكم

انتي بالاول محتاجه انج تصقلين الموهبه بالكتابه ان وجدت ..مو اي شخص يقدر يكتب لازم تعرفين اسس الكتابه وليش تبين تكتبين وشنو تبين توصلين من خلال كتابتج!

لابد لج انج تقرين بالاول وتتعرفين وتدرسين اسس الكتابه واللغه..!

وبعدين الكتابه بالعاميه...ماشوف منها فايده كثر الكتابه بالفصحى...كافي انج تستفيدين انتي وتفيدين القراء بالثروه اللغويه الي بالروايه او القصه او بالكتاب نفسه اياً كان !


اذا حابه تكتبين بالعاميه ممكن يفيدونج كاتبات القصص بقسم القصص بالمنتدى لانه اغلب كتاباتهن بالعاميه واغلب قصصهم عن بنات والنوع اللي انتي تبينه!

 

[عيون روحي]

صح انا اتفق كع البنات للاسف العامية تفقد الرواية من تشويق بالذات لو دخلت المصطلحات الجديده مثل يمقن و يمقن لا و تيب و خلاس



عالعموم انتظرو هالجمل قريباً في مكتبة جرير ههههههه

 

[عادت ذكرياتي]

تأليف الكتاب مو شي هين أو بالسهولة هذي يبيلها تخطيط ودراسة آنا صارلي سنوات وأنا أكتب وأيمع كتاباتي وأرتبها وللحين بتروى قبل لأصدر شي للقراء لان لازم تفكرين العمل الادبي يكون منه فايدة ... وإنتي برايج عملج له فايدة مرجوة ؟؟؟؟؟


الإجابة لج حبوبة

 

[أنثى اليمامة]

ترى ما هو هدفك من كتابة الكتاب ؟ وهل يصاحب الرغبه بكتابته موهبة ؟

​

 

[فـلـ 50 ـس]

دعودي احييج انتي و رفيجتج على هالفكرة

اعتقد ان تدوين الذكريات طغت و سيطرت على حماسكم

عشان جذي اشوف الافضل و الاسهل انه تكتبون المواقف اللي صادفتكم منفصله يعني على شكل يشبه المذكرات


و هذا كـ خطوة اولى

سخروا نفسكم لهالخطوة حاليًا و لاتنشغلون بالخطوات اللي بعدها


​

 

[:: Diva ::]

حبيبتي تعرفين الخريطه الذهنيه ؟
في البدايه تكتبين الفكره الرئيسيه للروايه
و الفكره تندرج منها احداث فرعيه
و الشخصيات و كيف ترتبط ببعضها



أجلي فكرة الكتابه الى الوقت الي تشوفين نفسج فيه قريتي عدل
و استفدتي من الروايات و الكتب و التجارب السابقه
جربي سوي روايات تتدربين عليها و نشريها شوفي ردود الافعال
حضري دورات و محاضرات رابطة الادباء و غيرهم من فعاليات

تالي ان شالله لو شكلتي موهبتج و الشغف فيج زاد ما نقص
توكلي على الله ..
سواء بالفصحى او العاميه .. الاثنين لهم جمهور
انا لي كتاب بالفصحى و روايه سردها فصحى و حواراتها عاميه
و لي اعمال ما انتهت الى الان ان شالله ربي يقدرني و اخلصها بالوقت


اي سؤال انا حاضره
و الله يوفقج