ساعدوني ابي اروح المانيا

[توتة الحلوة]

في هامبورج فندق إليت سويت وميونيخ فندق بايخ ما أتذكر إسمه

 

[umsarona]

مشكوره توته.................. يعني الي ف هامبورغ حلو ؟؟؟؟؟؟؟؟؟؟؟

 

[توتة الحلوة]

انا نسيت اللي في هامبورج إسمه سويت هوتيل والفندق حلو بس عقب ما قعدنا فيه إكتشفنا إن ما فيه ريوق بس الصبح يحطون كرواسان وقهوة لأن الغرفة فيها مطبخ تحضيري صغير يعني ما أعتقد ينفع تروحين له بس ممكن تسألين المكتب السياحي عن فنادق موقعها زين ...وعلى فكرة هامبورج فيها مسلمين والشارع اللي كان فيه فندقنا لقينا محلات ايرانية وتركية كل شي فيها حتى لقينا مسجد إسمه مسجد الإمام علي (ع) هناك .

 

[umsarona]

مشكوره توته .... جزاج الله كل الخير اختي

 

[سيدة الكويت]

توته يا الحلوه

عفيه شوفى جم تبعد برلين عن ميونخ ....؟؟

والى سوقها ما يسكر ؟؟ اى منطقه ؟؟برلين ولا ميونخ؟

 

[توتة الحلوة]

شوفي سيدة الكويت انا دشيت على موقع محطة القطار مالت ألمانيا واخترت الرحلة من برلين لي ميونيخ وطلع عندي الوقت تقريبا 6 ساعات ...وبالنسبة للسوق فميونيخ لأن زحمة وفيها سواح أكثر تلقين السوق يطول شوي عن باجي المناطق( مع إني وايد حبيت سوق برلين وخصوصا مجمع Ka De We )...بس يعني مو لي وقت متأخر نفسنا بس تلقين الكافيهات والمطاعم يقعدون ما يسكرون ....بس اللي يبي يسافر أوربا لازم يستغل الطلعة من الصبح حق السوق والأماكن السياحية مو يطلع متأخر الظهر لأن الوقت هناك ياخذج وما تحسين بنفسج ..