ساعدوني ابي معلومات عن لندن واماكن حلوة؟؟؟

[كلي طيبة]

السلام عليكم
بنااات هالصيف بساافر لندن وابي منكم مساعده
ابي اسماء مطاعم اسلامية واماكن ترفهيه و أسوقة بليييز ساعدوني
ابي اماكن استانس فيها مع اليهال
؟؟

 

[krkosha]

اختي اجورود (شارع العرب) ترس مطاعم عربيه اللي جربتهم وحبيتهم(البلد-حلال-مروش)
وعندي رقم مطعم لبناني يوصل لي الفندق اذا تبين احطلج رقمه

ودام اليهال معاج لا اطوفين المتاحف (مدام توسو-متحف الطبيعه-العلمي) وبعض الاماكن السياحيه يكون معاها دخله حق الفور دي لا اطوفينهم

والسوقه حبيبتي لندن كلها سوقه بس اللي لازم نروحين لهم وياويلج اذا مارحتي لهم هارودز-سلفرج-ويست فيلد وشارع الاكسفورد كله سوقه وكافيهات
وعندج بعد محلات جناط سفر واقفال حق الجناط بشارع العرب يمكن تحتاجونهم
واي سؤال من عيوني

 

[كلي طيبة]

حبيبتي ثنكس ممكن ادزيلي عناوينهم وارقامهم على رسايلي الخااصة اذا ماعليج امر
وابي مدينة العاب حق اليهال ايقولون في مناك مدينة العاب حلوه

 

[krkosha]

وشوفي الامكان السياحيه الحلوه المتاحف ولندن اي والنوادي واذا عندج صبيان روحو مباريات واعطيج رقام ديلر يبيعون تذاكر مباريات وهم قععدو بالحدايق الهايدبارك وااايد حلوه حتى لوتقضون فيها نص يوم تسوى
واتوقع الحين لندن زو فتحوها لان قام يدفى الجو

 

[الدلال]

عندج الثورب بارك
ليغو لاند
مصنع الكادبوري
لندن آي
لندن زوو
متحف بالبكاديلي بليف اور نت
الهايدبارك
ريجنت بارك
ووايد اشياء

 

[@ام يوسف@]

للرفع

 

[اسرار70]

السلام
الدلال الله يعافيج مصنع كادبورى وين موجود بالضبط ويستانسون فى اليهال
والثورب بارك شنو فيه

 

[الدلال]

مصنع الكادبوري موجود في بريمنجهام, تروحين له بالقطار
والثورب باؤرك مدينة ملاهي

 

[om l3yal]

حبيبتي دخلي هني وراح تلقين الاجابة على اغلب اسئلتج
http://www.q8yat.com/t819063.html

 

[ترانيم القصيم]

ما أعرف يا عسل ^_^

 

[عبير-الشرق]

عندج قريه برايتون حلوه الاكواريوم صج قديم بس فيه اسماك غريبه تحجزينها من المكاتب اللي باجور رود وسفاري بارك راح يستانسون فيها اليهال وايد والاوت ليت اكبر واحد باوربا وفيه ماركات وايد واذا بطولون تروحين رحله 3 ايام الي الريف الاسكوتلندي وقريه بلاك بول بره لندن وعندج سوق شبربوش فيه اشياء رخيصه والتمشي بالبيكاديلي لندن فيها اماكن سوي سيرج عشان تستفيدين اكثر لما تشوفين التقارير