ساعدوني الله اخليكم

[البدايه 23]

بنات انا ابي منكم نصيحه انا اعاني من ضعف وخربطة هرمونات وزوجي عنده ضعف ولزوجه صار لي سنتين وشوي متزوجه وما حملت كل انواع العلاج جربت حتي عند ردادات رحت وبصراحه ودي اجرب التلقيح الصناعي ابي منكم تنصحوني اسوي يما ان انا وزوجي عندنا ضعف وعند منو اجرب ومشكورين

 

[عروسة]

بعد عمري
الله يرزقج الذريه الصالحه عاجلا غير اجل يارب ياكريم
كثري استغفار ياقلبي وادعي ربي بني ادم مابيده شيء كل شيء بيد رب العالمين
وراجعي عند كذا دكتوره واللي كلامهم مكرر سوي اللي يطلبونه منج وان شاء اللخ تلقين الصالح والخير لج ولريلج...

 

[ثلاثينية]

لا يضيق خلقج حبوبه ... دايما قولي الحمدلله على كل حال
والله سبحانه وتعالي مو بخيل انه يرزقج بالذريه ..بس كل شي خيره من رب العالمين

 

[البدايه 23]

مشكوره عروسه حبيبت قلبي والله فيني ضيقه تخيلي دورتي كل شهر اجدم اسبوع اوعشره ايام مادري ليش الله كريم

 

[أناقوقش]

الله يرزقج يارب

اقري على نفسج واقري سورة البقره واستغفري بنية الحمل

الله يقر عينكم بالعيال إن شاءالله

 

[البدايه 23]

مشكورين يالغاليات

 

[ZajiL]

انتي نفس رفيجيتي بالضبط
بس اهي مافيها شي بس ريلها عنده مشكله
وقررت تسوي تلقيح صناعي وبدت عند دكتوره بالسلامه اسمها دعاء متخصصه بتاخر الانجاب
وماشاء الله نجحت من اول محاوله الحين عندها بنوته عمرها 3 شهور
الله يرزقج الحمل يارب ويفرح قلبج

 

[lailalaila]

الله يرزقج الذريه الصالحه

 

[SaL7oFaH]

الله يرزقج بالذريه الصالحه يارب ومتى ما الله كتبلج الذريه راح تيي بس عليج بالدعاء

 

[اطياب طيبه.أم عبدالله]

الله يرزقج الذريه الصالحه حبيبتي

 

[أحلى عيون]

اختي الغاليه اعتقد ما يسوون حقج تلقيح صناعي لانه التلقيح اذا كانت الحرمه منها الضعف اما الضعف بالرجل فعلى طول اطفال انابيب

والله يرزقج يا رب وعليج انتي وزوجج بالاستغفار يوميا مع قرائة سوره البقره بثلث الليل الاخير وربي يرزقج يارب

 

[Miss M]

والله مادري ماعندي خبره اختى تأخرت بالحمل وراحت عند دكتوره بس والله مادري شنو سوت لها

الله يرزقج ان شاءالله الذريه الصالحه تامة الاخلاق و الخلقة يارب
ومالج الا الدعاء

 

[^^ام ميمي^^]

حبيبتي انا سويت التلقيح الصناعي مرتين وما صار الحمدلله وسويت حقن مجهري والحمدلله نجحت العملية


سويتها اول مره عند منصور العرف والمره الثانية عند عالية الفضلي والحقن عند عالية بعد

 

[cute cat]

والله ماعندي فكره

 

[^^ام ميمي^^]

اختي الغاليه اعتقد ما يسوون حقج تلقيح صناعي لانه التلقيح اذا كانت الحرمه منها الضعف اما الضعف بالرجل فعلى طول اطفال انابيب

والله يرزقج يا رب وعليج انتي وزوجج بالاستغفار يوميا مع قرائة سوره البقره بثلث الليل الاخير وربي يرزقج يارب

اسمحيلي حبيبتي المعلومة اللي ذكرتيها غلط لان ممكن يكون العيب بالرجل ااذا كان عندة صعوبة بالقذف البعيد يعني لما يقذف ما يوصل فيظطرون يسوون تلقيح صناعي وممكن اذا كانت في الحيوانات المنوية نسبة كبيرة مشوهه فيسوون تلقيح صناعي علشان يشيلون المشوهين

 

[الجوهره70]

الله يرزقش ويرزقنا يارب والله كريم كثري من الدعا

 

[Million.star]

انتي نفس رفيجيتي بالضبط
بس اهي مافيها شي بس ريلها عنده مشكله
وقررت تسوي تلقيح صناعي وبدت عند دكتوره بالسلامه اسمها دعاء متخصصه بتاخر الانجاب
وماشاء الله نجحت من اول محاوله الحين عندها بنوته عمرها 3 شهور
الله يرزقج الحمل يارب ويفرح قلبج

مرحبا.....

انا بعد ادور دكتوره شاطره للتلقيح الصناعي..
ممكن تعطيني اسم الدكتوره اللي قلتي عنها و رقمها؟؟
مشكوره وايد .
تحياتي....:eh_s(7):

 

[دنياالوله]

الله يرزقج
عاجلا غير آجل
حبيبتي لازم تستشيرين الطبيب
وراح يبدي معاج خطوه خطوه
واهم لازم يسون لج تلقيح صناعي روتين
بس الافضل تسوين حقن مجهري احسن لج
لان الضعف منج ومن زوجج
والله يوفقج

 

[المهذبه]

كلكم عندكم ضعف سوي وتوكلي علي الله