ساعدوني الله يخليكم plzz

[fatma-84]

السلام عليكم
اللي تقدر تفيدني لا تبخل علي نفسيتي حيل تعبانه
انا حامل بالشهر الاول وقبل جم يوم ياني عوار بفخذي وصوب مبيضي اليمين حسيتا متصل مع بعض رحت الطبيب قالولي الاسيتون عالي وقعدت ارجع وانتوا بكرامه ومن كثر الترجيع نزل علي شويه دم قالولي عادي انشاء الله ماكو شي ياتني دكتورتي قالت لي اسوي تحليل هرمونات وطلع زين ولازم اعيده بعد 48 ساعه وقالولي لازم انام لان بعد الاسيتون عندي مرتفع
اليوم لما عدت التحليل طلع هرمون الحمل نازل عن التحليل الاول انا اهني انصدمت

قالت لي الدكتوره ماابي احكم يمكن التحليل غلط ولا في شي عيدي بعد 48 ساعه يوم السبت وانا من ساعتها ضايق خلقي واحس فقدت الامل احس مستحيل التحليل غلط او ان نزلت النسبه وبعدين تصعد
علما انا حامل بعد سنتين وعن طريق الانابيب
اللي تقدر تفيدني ارجوكم

 

[أسيل]

هلا حبيبتي..............................................
انشاااااااااااااء الله ان التحليل غلط ويرتفع الهرمون والله يتمم عليج فرحتج لاتحاتين ولا تشيلين هم اذا في الامر خيره ربج راح يكتبه واذا مافيه خيره لج راح يصرفه عنج وتاكدي ربج مايكتب لج شي الا اذا كان فيه الخير خلج مؤمنه بربج وحبيت أسألج متى سويتي التحليل اول مره وعقب كم يوم من الترجيع لأن النتيجه الاكيده بأذن الله اللي بعد 14 يوم من الترجيع لانه اذا قبل اكيد راح يطلع حمل لأن المنشطات اللي ناخذها فيها نسبة من هرمون الحمل علشان جذي يطلع حمل عرفتي شلون بس ماقلت لي وين سويتي العمليه؟؟؟؟..........

 

[.>حــــــــ(و)ـــراء<.]

الله يهون عليج و يثبت حملج

 

[fatma-84]

اهلين اسيل
انا سويتها عند فوزيه القطان وحللت يوم 12 من الترجيع سويت تحليل دم لانه مضمون

 

[WaChoCha]

حبيت ادعي لج حبيبيتي
يا رحيم هب لها من لدنك ذرية طيبة تقر بها العيون ... وثبت حملها

وان شاء الله يوم ما تبشرينا بولادتج

 

[درابيل وحليب]

ادعو الله انه يثبته لج و يقر عيونج بشوفته
حاولي انج ما تتحركين من الفراش كثر ما تقدرين و لا تحاتين كل الي كاتبه الله بصير و عليج بالدعاء و الصدقة

شوفي حبيبتي هذي النسب الطبيعية لهرمون الحمل


اسبوع-1 بعد التلقيح= 5-50ملى وحدة دولية (عادة حوالى 25)
اسبوع2= 5-50
اسبوع3= 5-50
اسبوع4= 10-425
اسبوع5=19-7340
اسبوع6=1080-56500
اسبوع7-8=7650-229000
اسبوع9-12=25000-288000
اسبوع13-16=13300-254000
اسبوع14-17=4060-165400
اسبوع25-40=3640-117000

 

[شاي اخضر]

ان شاء الله بإذن الله العلي القدير يثبت حملج وتقر عينج بشوفة ضناج سليم متعافي ماعليه حبيبتي اقعدي استغفري وادعي ان الله سبحانه يرضيج بقدره مهما كان ... وريحي عمرج اهم شي النفسيه تكووون مرتااااحه وموفقه ان شاء الله

 

[Coffee-Girl]

الله يهون عيج

 

[Swan]

الله يتمم عليج ان شاء الله

 

[كويتيه مذهله 87]

ان شالله ماكوو الا العافيه لا تحاااتين ترى كثره التفكيير يأثر

خليج ريلاكس وادكتوره طمنتج والحمدالله ان شالله مافيج شي

 

[هتووف]

طمنينا عليج انشالله خير

 

[أحلى حمامة]

طمنينا عليج وربي يتمم حملج