ساعدوني الله يفرج همكم

[أم خاودي]

السلام عليكم

بنات خواتي حبيباتي مشكلتي أنه زوجي مايحترمني كل مافي قاعد يزودها معاي مادري شنو الحل برايكم وشلون أتصرف معااااه تخيلو وصلت في إنه وحنا طالعين قاعدين أنتناقش بموضوع ماعجبه رايي قام وتل أذوني جدام الناس وكله يسبني أنا ماتعودت على جذي والله وهذه ألي حارني نفسي تعز علي لسانه زفر حيل ​

 

[باااربي]

الله يعيييييييييييييييينج مادري شقولج ... بس اتوقع لو انا يصير لي جذي احقره وماتناقش معاه كلللللللش اصير حدي ثقيلة بالحجي
لين يحترم نفسه
الله يهديه بس

 

[دنيتى زوجي M]

لاحول ولا قوة الا بالله العلي العظيم

الله يهديه ويسخره لج يارب العالمين

رررررررفع

 

[sharshora80]

رد : ساعدوني الله يفرج همكم

حبي الله يهدي لج
ادعيله بالهدايه واذا عندج منه عيال مالج الا تصبيرين اما اذا لاء والله فكي عمرج منه مو حلو اعيالج يكبرون بجذي جو

 

[حبيبتي إختي]

رد : ساعدوني الله يفرج همكم

زين حاجيه قولي له يحترم نفسه ويتعامل معاج باحترام ...يعني هذا كله بينعكس باجر على نفسيتج ونفسية عيالج
بس لا تسكتين عنه حتى لو اضطريتي تدخلين احد كبير بينكم ابوه مثلا او شخص تعرفين انه رجلج يحترمه ويوجبه

والله يهديه ويسخره لج

 

[*ريما*]

رد : ساعدوني الله يفرج همكم

الله يهدية

 

[njoom1]

رد : ساعدوني الله يفرج همكم

الله يعيييينج عليييييه

 

[اشتياق]

دامه جذي احشمي نفسج عنه
لحيه احشمها ولحيه احشم نفسك منها
ولاتناقشينه ولا تكلمينه ولا تشيلينه من ارضه خليه يزابد ليمى يقول بس
وانتي لج الحشيمه والكرامه وبس

 

[& أم جمال &]

الله يعينج عليه

 

[قل علها خيره]

رد : ساعدوني الله يفرج همكم


تدرين ليش تمادى لأنه لقاج مرحبه وعاااادي عندج وتعدينها له

قوووومي إنفضي نفسج وحطيلج إعتبار ماقووول زعلي وروحي لاهلج وكبري السالفه لا ,,,
بس من يتصرف نفس هالتصرف علميه إن نفسج عزيزه عليج صيري وحده ثانيه تغيري معاه جذريا أحقره , كلام ماأتكلم معاه كللللللش , أسلوب ماكو إسلوب , اقراضه وحاجاته أجهزهم له أكله بلعته جاهزه لايلقى عليج شي وووووبس غير جذي لا ***

خليه يقعد بينه وبين نفسه يحس بتصرفاته جود الله يهديه لج @@

ومثل ماقلتلج لااااازم إنتي تتغيرين معاه بعد ع الاقل فتره صغيره بس وشوفي !!!

 

[أيامي حلوة]

رد : ساعدوني الله يفرج همكم

لساكته يدوسونها , وأم لسان طويل يحشمونها والله دنيا عجيبة .

حطي حد وقوليلة انا ماراح استحمل اهانات اكثر من جذي وما لك خيار الا ان تتعدل بالكلام والاسلوب معاي وتحترمني كانسانه اولا بيني وبينك وثانيا جدام الناس . اذا تبي على غشمرة اوكي ولكن انا ماراح اسمح بالاهانة .

 

[noorq8]

ممممم ماقدرت ماأعلق ..............


حبيبتي هو طاق الباب وخااااطبج !!!



والا طلعتي له مع وجبه امسح واربح ؟؟؟؟




وين أهلج ؟؟
اليوم يتل اذنج باجر يتفل بوجهج ,ساعتها بتقولين أنا غلطانه من البدايه ماوقفته عند حده .

الله يعينج

 

[ياليل مااطولك]

بختصار ذكرية بقول رسولنا الكريم صلى الله علية وسلم خيركم خيركم لااهلة ----==وذكرية بقولة رفق با القوارير

 

[فطومه]

اتوقع لوانا مادرى ماسكت له بلغى ابوج وخل ابوج يتل اذونه جدامج وخل يقوله ماعجبنى رايك ومن سوى سويله

 

[Tom ♥ Jerry]

رد : ساعدوني الله يفرج همكم

.


آمبيه شنو هاذا استغفر الله :/ الله يعينج عليه !
بس الصراحه تجبني تطلعين معآه جدآم الناس مره ثانيه ! دآم هاذي سوالفه !
لمآ يخف و يدري بالغلط الي يسويه !
كلميه مره مرتين ! قوليله لآزم يكون بيني و بينك آحترآم !
على الاقل جدآم الناس ! :/ كل مره و كل بنت لها كرآمه ! مآله دآعي تتعدآهآ
و انا بنت ناس مو يايه من الشارع وراي ظهر و وراي آهل !
مآله دآعي سوالفك ! زوجج مبين آنه عصبي يمكن زياده عن اللزوم :/ !
و من النوع الي اذا عصب مآ يشوف جدآمه يطقج عآدي جدآم الناس !
آنتي تجبني تخلينه يعصب ! حآولي تخلينه على طول ريلاكس !
و مآ تعكرين مزآجه

و لا تنسين الدعاء عسى الله يهديه لج يارب =*

 

[كارلوفي فاري]

دامه جذي احشمي نفسج عنه
لحيه احشمها ولحيه احشم نفسك منها
ولاتناقشينه ولا تكلمينه ولا تشيلينه من ارضه خليه يزابد ليمى يقول بس
وانتي لج الحشيمه والكرامه وبس

انا معاها شتبين تتجادلين وياه واي شي يقول قولي اي اي ليما هو يمل من روحه ويعرف انه دقرج بس هم لا تنزلين فسج له القصد بس انج تحسسينه انه انت انسان صعب التفاهم معاك عاد انتي وشطارتج بتوصيل هالرساله والله يعينج