ساعدوني الله يفرج هم كل وحده تدخل علي . :(

[بنت_الكووويت]

السلام عليكم بنات شلونكم ؟
بقولكم قصتي مع زوجي وياليت تساعدوني

شنوووو اسووووي انا ضاااايعه شوي


قصتي بدت من بداية عرسي يتني تهديدات من حبيبة زوجي وصارت مشاكل والمشكله انها بنت خالت امي ( هذي هي الكارثة )

وصارت مشاكل وحلفلي زوجي ان مايكلمها بعد
وصدته اكثر من مره صارلي 3 سنوات متزوجة وصدته يمكن 7 مرات
وهم يرد ويحلفلي خلاها والحين قبل يومين صدته بعد
ويحلف يقول مالي ذنب وانا اظطوف اقول الله بيهديه والمشكله اني احبه ..
وبنات تخيلو من كثر المشاكل اللي تصير منها طلقني مرتين والسبه اهي
وانا خايفه الحين قعدت في بيت اهلي
وفوق هذا يقولي انتي مومحترمه وانتي العوبه وانتي اللي فيج ومع هذا انا زين متحملته بنات والله كبرت 20 سنه من تزوجت قمت اهمل نفسي ومن القهر صار فيني االمعده وانا حامل على ولادة الحين ومايسويلي ولاشي لما اطلب منه شي مستحيل يسويلي ولا اييبلي ومفارقته الرومانسيه وحقي كزوجو مقصر معااااااااااي حيييييييييييييييييييييل والبيت فندق بدخل بنام ويطلع ولما يطلع مايبيني اسال عنه ... ولا يصرف علي تكفووووون ساااعدووووووني الله يخليكم ويرضى عنكم



وصج الكارثة الكبيرة الايفون اهو سبب المشاكل والنكات اللي يحطها كلها عن مفارق واهي تحط نكها رد له انا بمووووت من القهر ...

ومع هذا ماسكه عليها صور خذيتها من تلفونه مفصخه وصور الله يستر عليها شرايكم افضحها انا ودي اكلم امها بس اخاااااااااااااااف امها مره مريضه وكبيره حيل بالسن اخاف يصير فيها شي وخواتها كلهم الله يستر علينا وعليهم سمعتهم بالحضيض


بلييييييييييييييييييييز ردو علي والله رح امووووت وانا تخيلو بدخل التاااسع واللي فيني مكفيني تكفووووون يابناااااااااااااااااات

 

[NoNoSha Al-3oba]

من صججج 3 سنين ساكتة !!!!!!!!!
كلمي امج بالطقاق تصير لها ما تصير بالطقاق
و كلمي امهااا بالطقاق مريضة بتموت
خل يدرون عن وصاخة بنتهم
خرابة البيوت هذي
حاجي اخوانج قوليلهم لا تسكتين
دامه يحبها ليش ماخذج ؟ ولا انتي ام العيال جدام الناس و اهيا الحبيبة
اهيا شتبي ما تفكر ولا ما عندها مخ اللي خان ام عياله يخونها
و بالنسبة لصورها روحي و طرشيها لاخوانها خلي خياسها يطلع
خلي خياسها يوصل لاخوانها ، وة مو محترمه ليش احترمها
وحدة بايعه شرفها ليش تسترين عليها تلاقينها مثل اللي تسويه مع زوجج مع 10 غيره
لها عين تهدد خرابة البيوت اللي ما تخاف ربها
واااااااااااااي قهرتني حسبي الله عليها
والله انقهرت انتي حامل حرام اللي ببطنج يتربى و اهوا متشتت
والله حححححححححرام
و السبة خرابة البيوت هذي
خلي اهلها يدرون عن خياسها يمكن يحطون لها حد
و ما عليج منها اهتمي بنفسج و بلعنه
سكتي زيادة عن اللزوم
حسبي الله عليها و الله يسخر زوجج لج يا رب

 

[(حكاية قلب )]

يختي كل شي اتحملة من الريال الا الخيانة
اشلون انتي مستحملة عنده 3 سنين وصابره
خله يولى الحب اهم شي كرامتج حبيبتي
الله يعينج

 

[PinkArtiSt]

السلام عليكم
سمعي وجهة نظري و نصائحي و اخذي منها اللي يعجبج وترك اللي ما تقتنعين فيه :

- تقدرين اتواجهين زوجج بالصور وبالحوار الهادئ اذا تحسينه يتفهم الكلام وتكلمينه بالطيب انج
مو قادرة تتحملين --> ادري المواجهة صعبة بس حالتج تستدعي انج توثقين بنفسج و تواجهينه.

- اذا اتحسين انه ما يسمع لج ، تقدرين اتكلمين احد (عاقل) من الأهل ، مو شرط الأبو والأخوان
لأنه تاخذهم العصبية ويخربون كل شي ، وتخلين هالشخص واسطة بينج وبينه
ويفضل أنه لو عنده أخت تكلمينها اذا علاقتج بها زينة.

- تقدرين تتصلين بأي شيخ أو عالم دين طيب ، وتعطينه رقم زوجج وتخلينه يفهمه
انه اللي قاعد يسويه غلط ويبين له حقوقج عليه.

- تقدرين تتوجهين الى الله الرؤوف الرحيم بصلاة الليل وتدعينه بنية خالصة ان الله يبعد
عن زوجج هالبنية ويرزقها بزوج ثاني.

- اتمنى لج التوفيق وان شاء الله اكون فدتج

 

[fofogirl]

لحظة اخاف اذا فضحتيها الخوف انه يطلقك ويروح لها بصراحه مدري شنو انصحك فيه بس الله يعينك

 

[دلوعة صلوح]

لا حول الله .. الله يعينج والله هالنوعية من البنات مايخافون ربهم حسبى الله ونعم الوكيل فيهم.

 

[أم الفناتك]

يبه الريال بايع هدديها اهي والله لو انا مكانج العب بحسبتها تهديد ٢٤ ساعه ما اخليها اتعيش براحه لا اهي ولا ريلي اذا اللي ناقص بعد طرشيلها الصور اللي عندج قوليلها اذا تبين غيرهم انا حاظره ازيدج والتوبكات حطي شي يقهرهم اثنينهم هذا اللي عندي والله يعينج

 

[roobee]

حبيبتي خليهاااا تولي
مادري ليش تخافين عليها وتسترين عليها
وعلى زوجج،،،،
واهما قاعدين يطعنوونچ ٤ سنين
للحين مااااصحيتي،،،،،
خليه يولي
افضحيهم وشيلي قشچ ورحي لاهلج الله يخليهم
لج؟،،،،،
شنو فايده الاهل الا بهالمواقف لازم يوقفون معاج

والچلبه الي تكلم رجال متزوج
لا وادز لها صورها واهي مفصخهااا
تسترين عليها ليش ؟ اذا اهيا ماخافت من ربها
بالي قاعده تسويه،،،
والله لو انا منچ جان من زماااااان حاله هالمشكله
ومدري ليش صاااابره عليه
وهوا مطلقچ مرتين يعني باااايعج
وانتي لااازقه فيه،،،،
بس باقي طلقه وحده وماراح تحلين له،،،
خلاص تغدي فيه قبل مايتعشى فيچ



دزي صورهااا لها بتليفونهااا ودزي لاخوانها
وكل اهلها،،،
وروحي اقعدي عند اهلج
لان اكيد اهلها بسطرووون زوجج ويادبونه
وانتي انحاااشي
ومتى ما تاب وتأدب
خلي اخوانج يتفاهمون معاه ويحطون شرووط
وبسسس



تكفين سوي الي قلتج عليه
وعلمينا اشصااار مع هالحيوااانه،،،

 

[ماما_عودا]

جليله حيا وحقيره
ماتخاف الله قلوا الريايل تناشب وحده متزوجه ولااا تصيرلها بعد!!!
لا تكلمين امها.. السالفه طولت ولا اكو فايده فدخلي رياييل بالسالفه.. كلمي احد من اخوانج او خوالج اعمامج اللي يكون بس تدرين حكيم وقريب منج وقوليله يوصلها لي اهلها لأنه دام اهيا وخواتها رايحين فيها فالمسكينه امهم ماراح تقدر تسوي شي والبنت راح تتبجبج وتشيش ريلج عليج

 

[amami al-kuwai]

حبيبتي وين كرامتج

قولي له بالعربي يا انا يا المرحاض اللي تعرفها

وقولي لامج احسن

وبعدين انتي غلطانه من البدايه اهملتي نفسج وقعدتي تراقبين

من راقب الناس مات هماً

اول شي جربي الطاف وضبطي بعمرج واهتمي بنفسج وحبيها
ترى كل ما اقره عن وحده تشكي من خيانة زوجها تقول منه اهملت نفسي

واذا مانفع معاه عطي امج خبر وخيريه بينج انتي وعيالج او المرحاض

 

[أم 19]

حتى لو مابتكلمي اهلها هدديها اهي نفسها البنت دقي عليها وقولي لي معي صورش وكذا يمكن تخاف وتبعد عن زوجش والمفروض انتي ماسكتتي من البدايه نفس حالتي سكتت والحين صار الشي الاعظم ونفسش حامل ولايدري عني الله يفرج عنش يارب

 

[ضمة شوووق]

ولبش متحمله 3 سنين وليه يحلف لك مايعدهاا وطحتي عليه 7 مرات ......!!!!!!!!

لو اناا منك امسك اخو البنت واعلمه والي يصير يصير بيطلق خل يطلق الخاين

انتي بنت باول شبابك الف واحد بتمنااك

واذا ام البنت مريضه تسكتين ليه !!!!!

علميهاااا وش تحترين

افضحيهاا الحقيره لو فيهاا ذرة خير ماكلمت واحد متزوج

 

[فوفو البنوته]

اقولج صج صج؟ لو اني منج اخذ كل الصور من جهاز زوجج
وبعدين ادور رقم اخوها ورقمها وادخلهم للايفون واقولها
عبالج انا هينه سكت مرة مرتين عن تهديداتج عشان الله
مو عشان حلات عيونج
بابا هيه عبالج ما اعرف سوالفج انتي وخواتج؟؟
تره عندي جم صورة اسويها برودكاست لاخوج
اخليج تذوقين الطق على اصوله وانواعه
تحبين تنذلين ويهددونج على الشي مثلا؟
ريال وتركج وتزوج غيرج والحين ابشرج اني قريب بولد
احلى عيال من احلى ريال>>جذي تقهرينهااا لانج تملكين شي هي ما تقدر تملكه
واقولج تره مو من حلاتج تدزين صورج وانتي مفصخه
اذا ما عندج ملابس سهله تره اشتريلج واتبرع لج بالقدم ملوتي

وكل شوي سوي نفسج تدزين برودكاست بس بالصج حقها اهيا بس
كتبي ادعيه ان الله يسخرلج زوجج ويخليه لج واشعار وبيوت عن انج
تملكين احسن زوج وتحبينه وميته فيه
بتحتر حتى لو انها ما تحبه صج بس بتحترررررررررررر
ودزي بيوت غزل وحب عن زوجج
والطلاق اخر حل




اما العلاج حقه اهوا واجهيه قولي له تحب ادز لغيرك صوري وانا مفصخه؟
ولا اكلم غيرك وتجكني 7 مرات ب3 سنين؟
يعني حس بشعوري شوي كل الي اقوله لك اهوا هذا
يعني الحين تفضل وحدة ما خافت ربها ودزتلك صورها مفصخه
علي انا ام عيالك؟ دامك تحبها ليش تتزوجني؟

قولي له كلام يحسسه بذنب بسس لا تقولينه بطريقه تنرفز

 

[فوفو البنوته]

اوله قصه هاذي ولا رد شفيني انا هالايام قصص مو ردود

 

[ماركة انثى‘]

اشلون انتي مستحملة عنده 3 سنين وصابره خله يولى

 

[غزل الديره]

الله يعينج وعيشي حياتج الي يبيعني قولج كرامتج ولا تخلينه يززع ثقتج

 

[Heart.LesS !!]

من رايي اتهددينهم اهم الاثنين
اهي هدديها باهلها واهو هدديه انج بتعلمين اخوانها نفس الشي

والله حبيبتي الحين الكره فملعبج استغلي الوضع رقصيهم خليهم من الخوف والحسره ماينامون
رقصيهم على اصبع وااااحد
ندري انج اتحبينه لو ماتحبينه جان ماصبرتي عليه
بس اذا تبين الواقع اهو مايحبج لو يحبج جان ماطلقج مرتين وانتي شدراج ان هالطلقتين مايو الا بسببها
اشدراج اهي شمخربطه بالحجي عليه وخلته يكرهج وشقايله له
صدقيني انتي قاعده تعطينهم اهم الاثنين مجال انهم يدوسون عليج ويلعبون فيج ريلج اتحبينه اوكي بس اتحبينه واهو حتى ابسط حقوقج مايعطيج
الله يكون بعونج

 

[+دلوعه عطيه+]

ربي ياخذ كل وحده تبا تاخذ واحد متززززززززززوج

قلوو رجاجيل


ودام كذا ياروحي اتفاهمي معه ماجاء بالطيب

قولي له انا مااتحمل اذا انت متحمل

وكلميها قووولي لها تخاف ربها

مشكله ان كانت البنت داشره وماوراها اهل يربونها


سبحان الله وربي نفس حال بنات اعرفهم

يبون بس متزوجين عشان يقهرووووووون ازواجهم عمى يعميهم

ياااااااااااااااارب

باااااااااارب

ياااااااااارب

وانا ساكنه جنب بيتك الحرام

ان تصرف هالبنت عن زوجها

وتكره فيها

وياجعله مايشووف غيرك

 

[Mjnont '3lay]

الله يفرج كربتج ويعينج ويوفقج للخيار الصحيح

 

[جبار حبك 305]

الله يكون بعونج حبيبتي

انا حاسه بمعاناتج ماره فيها معني مو متزوجه

الله يهديهم كلهم يارب