ساعدوني باختيار لون للتوزيعات

[nazek_q8]

السلام عليكم

شلونكم بنات..
هذا اول حمل لي.. وفيني بنوته.. ربي يحفظها

وحابة استفسر من خبراتكم في توزيعات اللي تناسب موالليد البنات
شنو اللون المناسب غير الوردي الفاتح؟؟

انا فكرت بالفوشي مع الذهبي او الفضي؟؟ وابي ارائكم

واذا عندكم صور لستاند التوزيع لا تبخلون علي فيها؟؟

 

[د.شريفة]

شوفي الخاص

 

[nazek_q8]

حلو بيت الستروبوري


مشكووورة

 

[زيـنـه]

الفوشي حلو ..و البنفسجي بدرجاته فاتح او غامج .
مع الابيض او الذهبي او الفضي .

و تولدين بالسلامه ان شاء الله

 

[SILVER ROSE]

سوي احمر بابيض

 

[TooToo]

الله يهون عليج حبيبتي انشاءالله --

البني الغامق مع الوردي الفاتح ايهبل

وهذيل اشكال اتينن اخذي افكار منها

شوفي هالشريطه باللونين البني والوردي اتهبل التحطينها بصينية الكاكاو

 

[supermarket]

حطي برتقالي مع الكحلي

او الحكلي مع الاخضر

 

[A.Designer_90]

بيبي بنك مع أوف وايت

يطلع إينن

 

[أوشال]

بني + وردي عجيب بيطلع صج فخم ويديد

 

[Alia style]

اختارى لون الوردى الفاتح الى مايل للحمى مع الافوايت يجنن

سويته حق اختى بولادتها

 

[fashion girl]

فوشي وفضي .. حلووين ..

والبنفسجي الفاتح مع الابيض ..

 

[شندوخه]

اول شي توزيعتج تعتمد على شنو لون كفرج ماذكرتيه لنا

 

[دلوعة امها]

ماقصروا البنات كفو ووفو عسى الله يبارك لهم ان شاءالله

 

[أم بدير]

البني والوردي عجيب
والذهبي بالبني والأوف وايت هم عجيب
والبرتقالي مع الفستقي حلو بعد
وايد ألوان بس هم كل هذا يعتمد على ستايل التوزيعات​

 

[maridos]

حبيبتي الله يسهل علييج ويهون أمرج
انا اقول الوردي الفاتح مع الرمادي لوون حدة عصري خصوصاً وحنا مقبليين على new year 2008 وهل لون يفتحلج مجاول واايد حق سوالف الفناتق

 

[nazek_q8]

ماقصرتوا مشكوورين وافكاركم وايد حلوه
الحين انا احترت مادري شختار

انا عندي اهم شي التوزيعات لان الكفر سهل احصل اللون

وقلت يمكن احمر مع ذهبي ..يعني اخلي التوزيعات احمر وذهبي.. وكفري وكفر الياهل ذهبي؟؟ شرايكم

 

[شندوخه]

الاحمر والذهبي حلو لون دافي وخاصه انه الحين شتا
توكلي على الله خوش لون وخلي الاماعين ذهبيه بعد

 

[glow 'n' show]

انا اقووووول فوشي و اخضر فاتح او فوشي و برتقالي---
وعندج البنفسجي و الاصفر---
مادري بس انا افضل الاالوان الفاقعة

 

[glow 'n' show]

هم الاحمر والذهبي حلو

 

[nazek_q8]

انا اموت باللون الفاقع بس يمكن اختار عنابي وذهبي

ومشكورة على ردج