ساعدوني بتجهيزي لعـرسـي ):

[عبوور21]

السلام عليكم شلونكم شخباركم انا تمام الحمدلله ههه
ببدى بموضوعي ع طول عرسي شهر 11 الياي ومادري متى ابدى تجهيز يعني ناس تقولي الحين وناس تقول بعد رمضان ومحتاره ،،
سؤال ثاني شنوو ابدى فيه وشنو الي اخليه اخر شي ؟؟
انا الحمدلله بشري مهتمه فيها بس بسوي لأسناني تبيض عشان الكاميرا والتصوير ؟؟
مكياج عرسي يمكن اسويه >> بـ ساس << شرايكم فيه ومنو مسويه عندهم وعند منو مسويه <<
بعدين ابي ملابسي بشنو اوديهم بينت اهل ريلي جناط ولا بوكسات واذا بوكسات من وين اشتريهم لاني ابي شي حلو وناعم مابي شغل دفش ؟؟
و مكياج صباحيتي وين اسويه وشنو تنصحوني البس ،، بالصباحيه انا اودي اشتري فستان بس بنظام بدله يكون حلو وراقي وبنفس الوقت ناعم ؟؟
ابي رقم مصوره تكون حلوه للعرس ؟؟
وابي احسن اتليه حق بدل العرايس ابي اجار وتكون اسعارهم مناسبه وموديلاتهم حلوه وراقيه ؟؟


بس اذا ناسيه شي ذكرووني بليييييز !!!

بلييييز بنات ساعدوني مالي غيركم:eh_s(16):

الي ماعندها رد بليز ترفع الموضوع بسس :eh_s(7):

 

[^جود^]

هاييييي
الله يعينج علي حتى هني طالعتلج ههههههههه
بقيت اقولج على المكياج سويه عند الطاف الخلف والشعر عند سومية الحين كل العرايس عندهم يسون مكياجهم وشعرهم والمصورة معرفي على مدح البنات والباقي ان شالله البنات يساعدونج

 

[^جود^]

هاييييي
الله يعينج علي حتى هني طالعتلج ههههههههه
بقيت اقولج على المكياج سويه عند الطاف الخلف والشعر عند سومية الحين كل العرايس عندهم يسون مكياجهم وشعرهم والمصورة معرفي على مدح البنات والباقي ان شالله البنات يساعدونج

 

[beealh]

الله يوفقج ويتمم عليج ساس وايد قوي ودفش عندج الطاف الخلف حنان النجاده وهنادي بو رحمه مكياجهم قمه حق عرايس والشعر سميه و حنان الجنت روعه انا حاجزه حق عرس اختي الشهر الياي هناك نفانيف العرس بكل مكان وفي اكاونت ودنق درس بل انستقرام يبيعون لج مستعملين لبسه اولى ورخاص جيكي عليهم بين فتره وفتره تسوي معارض امممممممممم انا وديت اغراضي بجناط ملوت دبنهامز بس الحين هابين بل بكسات حق الاغراض والعطور الجواتي تكرمين والملابس كلهم معلقين و مغلفين بجياس ملابس اسرع حق الترتيب مكياج الصباحيه لازم ناعم بحكم انج حاطه قوي بلعرس انصحج ب صالون لاشز اليرموك عند زمزم مكياجها ناعم ويهبببببببببببل و تسريحه سيبيل امممممممممممم شنو بعد مصوره عندج هذول اقوى مصورات انصحتني فيهم هنادي بو روحمه وشوفي الصور عندهم قبل لا تحجزين
66664438 المصوره جميلة سعادة
975565566 المصوره سناء
67040267 المصوره ندى

 

[عبوور21]

مشكووورين حبايبي ماقصرتوووو ،،

وييين الباقي ساعدوووني متى ابدى بالتجهيييز عطووني افكار

 

[مـهـاآ]

ااب

 

[Moonyadel]

الله يوفقج ويسعدج انا لزواجي رحت صالون *** البنفسج لبرنامج العناية قبل العرس شغلهم روعة ونفسيتهم حلوة مع الزباين برنامجهم ب ١٥٠ بس لما رحت عندهم عرض ب ١٢٠ والحلو ان برنامجهم فيه شغلات وايد وعرفت ان هالفترة جايتهم مغربيات متخصصات للعرايس انصحج كلميهم وشوفي عروضهم

 

[سمآآ]

اب لعيونج

 

[mi corazon]

ربي يتمم لكم على خير عرايسنا

حبيبتي نصيحة .. اي من الحين بلشي لقطي السوالف الحلوه والتنزيلات عندج دبنهامز وايكونيك مسوين تنزيلات روحي شوفيهم

من الحين شنو تجهزين؟ بقول لج جهزي الاكسسوارات - الملابس الداخليه أخذي اللي يعجبج شوي شوي لان لو مره وحده راح تركزين عالكميه ويمكن الوقت ما يسعفج ف تييبين اللي تبين واللي ماتبين

بعدين لما تبلشين مبجر احسن علشان كل ما يبتي شي تفتكين منه وتسوين اللسته اليديده وممكن تكتشفين أشياء ثانيه مو في بالج

ف نصيحه من الحين كل ما رحتي السوق يبي شوي

قمصان نوم ، نفانيف البيت الشخاليع والبجامات ... مو كلهم قتلج اللي يعجبج بس



بخصوص الميكب انصحج روحي للخبيرات وخري عن الفنادق انا سويت عند حنان دشيت وأختي في ساس


تحسين يمسحون ملامحج ويسوون ملامح يديده عكس ملجتي سويت في بيتي بوب الخبيره كويتيه الكل مدح ميكبي ناعم وجميييل ونظيف

انتي حجري من الحين عند الخبيرات الثقه .. ماعرف اساميهم بس البنات ماراح يقصرون .. اي وشوفي بعد مكياج خبيرة باباراتزي بنت الركيبي


بس وقف مخي الحين

موقفه حبيبتي

 

[mi corazon]

اي تذكرت روحي لقطي من معرض العطور عطور عربية وبخور ومشعل لبيتج

 

[$كشوخه$]

ابدي من الحين تناتيف .. ملابس اليوميه بناطلين توبات والخ

طلعيلج كم تصميم واشتريلج قطع وخيطي لج بدل يطلعون ارخص والشغل ع ذوقج

انا اقول ابدي من الحين الاشياء البسيطه .. يعني ملابس الشقه اليوميه ما تتغير موضتهم وحلو تاخذينهم بوقت التنزيلات عشان لا تتوهقين بعدين باللي ناقصج حزة الحزة

موفقه :eh_s(17):

 

[عروسة اكتوبر]

جهزي من ألحين بجايم زقمصان بس بدل ودراريع بلشي فيهم بعد رمضان احسن وقت

 

[عبوور21]

مشكوووورين ما قصرتوووو ،،

ويييين الباااقي

صجج ماجاوبتوني !!
منين اشتري البوكسات الي احط فيهم ملابسي الي بوديهم حق بيت اهل زوجي

 

[شوق الوليف]

عسى الله يوفقج يا عبووور انتي نفسي عرسي شهر 11 بالنسبة للبوكسات انا راح ااجر باذن الله شوفي هالاكاونت بانستغرام @bo_boxQ8

 

[حظ من عنده انا]

الله يوفقج

اختي بعد زواجها قريب خلصت كل شي باقي التناتيف

البركسات فيه حسابات بالانستغرام ياجرون

 

[Royof]

نصيحه ابدي بنتاتيف الحين لان لي قرب العرس بس فضي نفسج لشغلات الكبيره مثلن الحين لبس الشقه و قمصان النوم والارواب و سوالف هاذي لحد يقولج تو الناس الوقت بسرعه يمشي ولا العروس حوستها واجد

الله يوفقج حبيبتي

 

[نور آلكويت ~]

عبور حبيبتي أبدي من الحين
أنا مفكرة مكياجي اسويه عند الطاف وشعر سميه
وضروري تحطين جناط مع صناديق الدزة لإنج بتحتاجينهم اذا بتطلعلج سفرة
وبالتوفيق حبيبتي

 

[قلبي99]

حبيبتي البوكسات تحصلينهم بسنتربوينت الشويخ يهبلون
مكياج مثل ماقالوا لج البنات الطاف يمدحونها حيل
بلشي الحين التناتيف بجايم البيت قمصان فلاتات عطور فرنسيه وشغلات ماتتغير موضتهم

 

[قلبي99]

حبيبتي البوكسات تحصلينهم بسنتربوينت الشويخ يهبلون
مكياج مثل ماقالوا لج البنات الطاف يمدحونها حيل
بلشي الحين التناتيف بجايم البيت قمصان فلاتات عطور فرنسيه وشغلات ماتتغير موضتهم:eh_s(7):

 

[7lawah]

بدلة العرس و بدلة المسائية و المكياج و المصورة خليهم على صوب يمكن تطلع موضه جديده او شىء يهبون فيه

حاليا ابتدي جهزي بلبس البيت و البجايم و الملابس الداخليه و جناط اللي يعجبج لين تلقين نفسج مكتفيه من التجهيز

عطورات و مكياج مايبيلهم وقت بسرعه تخلصين منهم

مكياج مثل ما قالو البنات يمدحون منار احلى و بستكي

بالنسبة للصناديق تلقين اكاونتات بالانستقرام يأجرون

و بالتوفيق حبوبه