ساعدوني بتجهيزي لعـرسـي ):

[عبوور21]

نصيحه ابدي بنتاتيف الحين لان لي قرب العرس بس فضي نفسج لشغلات الكبيره مثلن الحين لبس الشقه و قمصان النوم والارواب و سوالف هاذي لحد يقولج تو الناس الوقت بسرعه يمشي ولا العروس حوستها واجد

الله يوفقج حبيبتي

بدلة العرس و بدلة المسائية و المكياج و المصورة خليهم على صوب يمكن تطلع موضه جديده او شىء يهبون فيه

حاليا ابتدي جهزي بلبس البيت و البجايم و الملابس الداخليه و جناط اللي يعجبج لين تلقين نفسج مكتفيه من التجهيز

عطورات و مكياج مايبيلهم وقت بسرعه تخلصين منهم

مكياج مثل ما قالو البنات يمدحون منار احلى و بستكي

بالنسبة للصناديق تلقين اكاونتات بالانستقرام يأجرون

و بالتوفيق حبوبه

مشكوووورين حبايبي ماقصرتووووو فديتكم :eh_s(17):

 

[عبوور21]

[/INDENT]

عبور حبيبتي أبدي من الحين
أنا مفكرة مكياجي اسويه عند الطاف وشعر سميه
وضروري تحطين جناط مع صناديق الدزة لإنج بتحتاجينهم اذا بتطلعلج سفرة
وبالتوفيق حبيبتي

حبيبتي البوكسات تحصلينهم بسنتربوينت الشويخ يهبلون
مكياج مثل ماقالوا لج البنات الطاف يمدحونها حيل
بلشي الحين التناتيف بجايم البيت قمصان فلاتات عطور فرنسيه وشغلات ماتتغير موضتهم

مشكووورين اسعدني مروركم :eh_s(17):

 

[سـٌگر معـقـود]

الله يتمم لج على خير حبيبتي


اول شي متى تبلشين
انتي استلمتي مهرج ؟ اذا اي استغلي هالفتره معارض حق العيد وهالسوالف
سويلج بدل

بخصوص تبييض الاسنان .. نصيحه روحي الهادي تبييض قوالب
ب60 دينار تقريبا يعطونج القالب والابر ويقعد معاج لبعد العرس
قبل اي مناسبه تحطينه 6 ساعات 3 ايام ورى بعض جنج رايحه عياده مبيضتهم


المكياج اتفق وياخواتي قلبا وقالبا ساس نو نو الطاف الخلف حلوه وتطلع الفندق او تروحين بيتها
والشعر سميه او حنان اليقنت يجننوووون بس حنان اغلى او اذا تبين صالون عندج بريجيت المارينا ( مرات ) يطلع توب

المصوره وايد خيارات بس انصحج مو معرفي ولو تاخذين هالحريم اللي بالانستقرام مصورات اتوقع بيطلع وار لان شادين حيلهم
يبون يسون لهم سمعه عكس المحلات المعروفه ماهميتهم الشغل اي شي ومعتمدين على الاسم

والصناديق شكثر اماكن تأجر وتبيع وهم بالانستقرام في اكثر من مكان متخصص بهالشي



ونصييحه .. لاتبدين بالتنانيف على قولتهم .. من واقع تجربه اول شي بديت فيه تناتيف
وليما قبل العرس باسبوع ماخلصت هالتناتيف لانها ماتخلص !!!

لاتضيعين فلوسج على بجايم ولبس عملي ابدي بالثقيل .. النفنوف الابيض الشبكه الساعه الدبله المصوره المكياج >> عشان تحجزين موعدج مبجر
عقب مجوهراتج عقب جناط الماركه وجواتيهم
عقب البدل الكشخه والعبي والعطور والمكياج اخر شي لايخرب

تااالي .... اللي يزيد روحي اشتري فيه بجايم وقمصان وهالسوالف
لان اكيد بعد العرس بتطلعين السوق وتلمين بجايم وقمصان

عشان تحسبين ميزانيتج عدل وتشوفين جم تحتاجين وتضبطين امورج
لان صعبه بعد العرس تشترين جناط وجواتي او بدل اذا قصرو عليج لان يبيلهم ميزانيه
فخلي الرخيص اخر شي تتدبر


والله يوفقج حبيبتي ويتمم عليج

 

[الغلا مشاري]

الله يتمم لج ع خير ي رب ..
انا مع ( سكر معقود ) التناتيف عمراها ما تخلص انا وديت اجهازي البيت زوجي وللحين ما خلصة التناتيف مع اني بديت فيها اول شي وطارت فلوسي عليها وخليت الشغلات الكبيره وتوهقة ..
فا ابدي احجزي من الحين بس ثوب العرس قبل العرس ب ٣ شهور او شهرين احجزي لان كل شهر مو ديل جديد
نصيحه تحسبي الكل مناسبه بعد عرسج جهزيلها لان ما راح تفضين لمن تكونين عند زوجج

سوي جلسات ليزر للجسم اهم شي حق العروس
عشان ما تتوهقين كل ما طلع الشعر تنحرجين عند ريلج وبعض الصالونات يستعبطون مدام شعر لسى صغير ما يشيل شيره عاد نطريه يطول وماتقدرين تلبسين ع راحتج

وبتوفيق ان شاءالله

 

[بـ سـ كـ وتـ ة]

موفقة يا رب والله يسهل عليج

إذا جسمج زين وراضية عنه اخذي كل اللي تقدرين عليه

أما إذا ناوية تضعفين أو تمتنين نطري ورا رمضان

وبالنسبة للصناديق إذا تبين شي عملي وناعم وينفعج في شقتج بعدين ان شالله

في صنايق كرتون وايد حلوة وقوية في أبيات وفي ايكيا

تبييض الأسنان دكتور محمد الصفي يقول أفضل شي القوالب

وبالنسبة للمكياج والتسريحة البنات أبخص آنا كلش مالي بهالسوالف هههه

 

[شندوخه]

اول شي تسوينه ابتدي اشتري ذهب
الشبكه والسوالف الثانيه

اخذي فكره عن بدل العرايس البيضه اللي السوق بس لاتشترين الحين

جهزي العطور والميك اب البجامات وقمصان النوم\ابتدي تريتمنتات لشعرج وانصحج بصالون بودي اند سول والله خدمتهم حيل حلوه واسعاره معقوله
موجود بمجمع خوله جبال مجمع الحمرا

ابتدي بالقمصان الناعمه والخفيفه

وخلي اخر شي دراديع البيت وبدل الاستقبالات والبدله البيضه
لان مني لي شهر 11 راح تنزل كولكشنات وايد

 

[lolwah]

الحال من بعضه بس الفرق اني ماشريت ولا عووووووود

مادري متى ابلش ! ظروفي ماتسمح لي شهر 8

 

[اهذريبك~]

مكياجج و التسريحه سويه عند باباراتزي روان الركيبي يجنن شغلها ومرتب
الحين جهزي بجايم و بدل و شغل البيت و اذا شفتي شي و عجبج اخذيه
و لا تكثرين عطور و ميك اب اخذي اللي يكفج لان بسرعه ينتهي الميك اب
و اخذي لج 4 جناط ماركة و ساعه غالية مع ساعات ماركات حلوة

 

[FoFa stylish]

والله المفروض من الشتا اللي طاف باديه سوالف الشتوي لان عرسج بصير شتا و الحين كله صيفي اراح تحصلين شي ثقيل و بجامات
بس جهزي باللي موجود شوي و اذا نزلوا الشتوي طيري اشتري بجامات و جم دراعه شتوي