ساعدوني بخبراتكم و تجاربكم يالغاليين .....

[لازوردي]

السلام عليكم

بنات انا شاريه كفر وايد حلو من تروفاليو بس لما استخدمته طلع يابس واااايد و يطلع صوت جنه قرطاس شسوي علشان يصير لين مع انه ماركته معروفه و سعره غالي و انا منصدمه ليش طلعت خامته جذي
بلييز شسوي علشان الخامة اتصير لينه ؟؟؟؟


و حده قالت لي نقعيه بالكومفورت لمدة يومين بس بشنو انقعه و اهو كبير 200 في 200 متر حجمه ..... همممم شسوي علموني ؟؟؟​

 

[الغاليه نونو]

اذاااتقدرين تودينه المصبغه يظبطونه لج ويصير اشزينه ياقلبي اناااا جربتها قبلج
واذااا بالبيت بتنقعينه بتتأذين
لازم يكون عندج بانيوووو نظيف حييييييييل وسله كبيره مالت الملابس تحطينه عقب التنقيع بالسله وتخلينه مايل علشان ينزل الماي اللي فيه وتالي تشرينه

حووسه بالبيت
جربي تحطين كومفورت بالبخاخ وترشينه كل يوم وشوفيه يمكن يصير طري شويه جربي قبل لاتروحين المبصبغه غلاتي

 

[لازوردي]

يا بعد عمري يالغاليه مشكوره على الرد و ماقصرتي حبيبتي و انشالله راح اجرب خطتج ​

 

[الاسطورية]

عاد انا ماخذه منهم كفر من نعومته ودي بس انام بس مرات في انواع موحلوه
ماعندي فكره

 

[رقي]

ماعندي فكره والله

 

[العود الأزرق]

أنا ما عندي فكره بس أتوقع كلام ((الغاليه نونو)) ممكن يكون صحيح ومفيد .

 

[اعييز]

الكوووومفووورت عجييييب حق الملابس يلينهم غصبن عليهم
ولا تخترعين عقب ماتغسلينه ترى بيلين .. بس الحين يالله من فضلك لأن يديد جذي


وجربي طريقة ماما نونو

 

[لازوردي]

مشكورين يا بنات و ماقصرتوا و الله لا يحرمني منكم يالغاليين​