أول شي لازم تحسبي مساحة الغرفة وارتفاعها
علشان تحددين الالوان ونو تحطين
كل ماكان اللون فاتح يعطي وسع وكل ماغمجتي بيحدد الغرفه
وغرفة الاستقبال غرفة جمالية اكسسوارت بالبيت
يعني مو للراحه والضيوف اللي بيقعدون فيها مايطولون عن ساعه
يعني ضيوف نادر اييون أو قليل
فالاثاث اللي بيكون لازم يكون فخم بالاضافه الى الراحه
برتبلج الاشياء اللي لازم تفكرين فيها او تختارينها بالترتيب
اللون (( من بعد ماتشوفين المساحه ))
الأثاث
يمكن بتستغربين ليش الاثاث قبل الديكور
لأن الاثاث له شكل معين وديزاين معين ماتقدرين تختارينه ساده في ساده
واللعب بالديكور والاكسسوارات
الديكور
وايد اشكال ممكن تضيف جمال لللغرفة
(( بانوهات (تحتاج إضاءه) – ديكور السقف – رسم للطوفه او السقف - ورق الجدران ))
الاضاءه
اهم شي الاضاءه
شوفي محلات الديكور لما اتيين تختارين شي
لما يوصل البيت تحسينه مختلف بسبب الاضاءه
لها دووور كبير
الستاير
أختاري شي عكس
يعني إذا الاثاث مشير وتبين تحطين ديكور بانوهات ......
أخذي الستاره ساده
احنا مسوين ستارة مخمل ساده وخذينه نقشة الكوشية عطيناها المحل طرز النقشة على اطراف الستارة وحطينا الهدب طلع شكلها روعه وكلاس الكل سأل من وين حسبالهم جاهزه
اهم شي إنج ماتتسرعين
وكل ماتحطين لج شي تأني باللي وراه
ولاتحطين كل شي مع بعض
لاتقولين لقطه وعجبني
ممكن تضيفين لمسات جمالية إذا كانت الغرفة حييييييييل كبيرة
ممكن تسوين ركن تراثي إذا كانت مبطله على باجي الصالات
أو اذا حابة تفصلينها
وهذي صور لفكر
ماراح تحصلين صورة فيها كل شي او انج تنسخينها بالضبط مستحيل مايصير لازم تشوفين شنو تحتاجينه وشنو اللي يناسبج
وانا بالنسبة لي مهم الريسبشن
يعني اذا ماعندج فلوس تصرفين وتطلعينها باحلى صوره
لا تستعيلين ويمعي شوي شوي لين تقدرين تفرشينها
وإذا ماعندج خلفية بالديكور وشلون طريقة الترتيب والتنظيم
محلات الديكور عندهم مصممين ديكور
موفقه يارب إن شاءالله مااكون ناسية شي
هني وايد أحب هالثريا أنصح الناس بهالنوع لانها تصلح لكل مكان وفي النعم منها حق غرف النوم ،، وعجبني ديكور السقف
وهني بانوهات
البانوهات ديكور بالطوفه يكون منقوش بورق الجدران وتحطين صورة او لوحه وتحطين اضاءه
في اضاءات خاصه للبانوهات
مو كل الغرفه تترسين البانوهات لووول لأ بس جم بانو والباجي يظلون فاضين كافي الورق الجدران اللي فيه
شوفي شلون الاضاءه تحلي القعده تبرزلج الغرفة حتى لو ماكان فيها شي لو اثاثها ساده وعادي
طبعا هذي شكلها ديوانية بس عادي ممكن تصير استقبال
أحلى شي عندي الأوف وايت يشرح القلب
ممكن تاخذين افكار من هالصور
إذا حابه تفصلين بين الصالات او بتسوين حركة بمدخل الغرفة
بعض ديكورات السقف
