ساعدوني بنات بآرائكم بخصوص الجامعه ورأي زوجي

[لمست ود]

السلام عليكم
كيفكم ياحريم
حابه استشيركم بشغله
انا ادرس بالجامعه خلصت تحضيري ودحين سنه اولا فيزيا
طبعا الترم الاول الي هوا هذا اعتذرته لاني حامل وتعبت مرة وحتكون الولادة وقت الاختبارات
والترم الثاني زوجي يقولي اعتذره كمان وارجع السنه الجايه اكمل
لان راح اكون نفاس والدنيا برد والنونوو صغير
وماما تعبانه من اخواني الصغار ومدارسهم ولو راح اخلي النونو عندها وهوا صغير كل يوم اخاف اتعبها وماعندها خدامه وانا كمان مااقدر اجيب خدامه
يعني يكون النونو كبر شويه لارجعت السنه الجايه
وحتي صحباتي قالولي التخصص صعب اجلسي بالطفل يكون محتاجك وتعالي السنه الجايه اريح لك


ايش رايكم انتو بالموضوع
ادعولي الله يسهل ولادتي ويقومني بالسلامه انا والنونو

 

[ناتشوو]

واضح ماعندج خيارات غير هالشي
طالما صعبة امج تاخذه
( وانا احييج ع هالشي لاني مااحب استغلال الامهات
والخالات والعمات لحضانة الاطفال)
وصعبة تجيبين خادمة
الا اذا في حضانة تحطينه فيها
لان حتى عقب مايكمل سنة
يبيله احد يكون عنده

عالعموم الله يهون عليج
والخوف ان تحلى لج القعدة وتتركين الدراسة
ع الاقل شهادتج لاتفرطين فيها

 

[sh_mashael]

عادي سمعي كلام زوجج

و اجلي الدراسه لي السنه الجايه

بالتوفيق

 

[iLLuMinaTion]

ابب

 

[سيماا]

الله يعينكك يارب ويسهل عليك بس اهم شي لاتتركين الدراسه لان الشهاده اهم من اي شي
وبالتوفيق لكك حبيبتي

 

[ناتشوو]

لمسة ود وليس لمست ود

 

[لمست ود]

هع جزاكم الله خير

 

[لمست ود]

للرفع

 

[!amorra!]

الله يعينج التخصص وايد صعب فيزيا راح تهلكين بالدراسه


بس النونو صغير وماراح يأذيج راح يكون كله نايم

حطيه عند امج حاولي فيها

والا وقفي دراسه

والله يوفقج ويسهل ولادتج يارب

 

[لمست ود]

لا صعب اوقف دراسه لاتحطموني اهئ اهئ انا اللي محيررني اعتذر الترم الثاني وارجع السنه الجايه ولالا
نشوف راي باقي البنات

 

[ناتشوو]

السالفة مو سالفة راي بنات
سالفة ظروفج
عندج مكان للبيبي اثناء فترة الدراسة ؟
تقولين امج ماتقدر
وخادمة ماعندها
وانت ماراح تجيبين خادمة
فمافي خيارات جدامج كثيرة

اذا عندكم حضانة فأحسن شي
تحطينه فيها
والله يعينج

 

[مولاي الفرج]

لا قوليله حرام يضيع علي هالكورس

كل رفيجاتي ولدو لا وقيصري بعد وداومو بعد اسبوعين

ترى التساهيل من رب العالمين

وحتى لو ماعندج امتحانات هم بتضطرين تخلين الياهل عند امج

لو انج موظفه

لان محد يأمن عالخدامه

 

[قطوووة]

اذا أمنتي مكان للبيبي كملي دراستج

 

[shayto0oNa]

خو توقفين الكورس الثاني ولا حامل ؟!! انا اقول اذا في حضانه تودينه لها احسن لان حرام تضيع منج سنه وماتدرين تييج ظروف غيرها وتوقفين قيدج ثاني مره ؟؟

الله يساعدج ويوفقج يارب

 

[shayto0oNa]

خو = خوفج

 

[رنيم الروح]

شوفي الي يريحك والي يناسبك بس نصيحه الترم الثاني لا تاجلينه واذا فيه حضانه تبع الجامعه حلووو واذا بتتركينه عند امك زين وخاصة انه هالفتره يكون البيبي مايتحرك ولا يبي مراكض وراءه وبعدين بعض الناس عندهم قدره ماشاءالله تبارك الله ومنهم بنت خالتي السنه الي طافت كانت حامل وتعبانه عندها نزول ونزيف مع هذا كملت الترم وولدت قبل الاختبارات بيومين وراحت اختبرت واخذت امتياز

 

[BeNt PaRiS]

حطيه عند امج الصبح و روحي الجامعه

و انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي راده مريه و اخذيه

خوش حل

 

[لمست ود]

جزاكم الله خير

 

[Canon~]

انا اقول لا توقفين السمستر الثاني

لان البيبي توه صغير واغلب وقته نايم فمارح يزهق اللي بتحطينه عنده


عكس السنه الجايه اكيد بيكبر يحبي ويمشي وجد يبي له مراقبه وتعب


والله يوفقك حبيبتي

 

[لمست ود]

امينيزاك الله خير