ساعدوني بنات بآرائكم بخصوص الجامعه ورأي زوجي

[اندرويديه]

يا خبيبتي والله اخذيها مني شوفي حضانه وحطي ولدج في حضانات من الاشهر ياخذون البيبي لا تتهاونين .. انا قعدت وهلكت بالدراسه ست سنين تعععععب وشقى اسحب كورس للولاده ولا عيالي تعبانين بس ما اخذ كورسين حرام هذي سنه الي سحبتيه خلاص راح بس لا تتعودين بتضيعين وقوانين الدراسه ما ترحم ولا تعرف ظروف واعذار

 

[عتيبيه ذوق]

سمعي كلام زوجج ووالدراسة لاحقه عليها ... ربي يوفقج ويتمم عليج

 

[soft.eye]

سمعي كلام زوجج الدراسه ماراح اطير بتلحقين عليها ان شاء الله

 

[Laidy n3ooma]

انزين والسنه الجايه من بيمسك البيبي ؟؟؟

لازم تحطين حل وتبدين دراسه بكرا بيجونج 2 و3 شراح تسووين

 

[لمست ود]

الله يزاكم خير

 

[latkt7as]

احسن لج اجلي

عشان تقدرين تركزين بدراستج

ومايروح تعبج عالفاضي

 

[لمست ود]

جزاك الله خيرر

 

[لمست ود]

اب





رفع

 

[لمست ود]

اااااب

 

[لمست ود]

اببب

 

[ناتشوو]

لمسة ود

شنو قررتي؟
عندكم حضانة مناسبة؟
ولا بتجيبين خادمة؟

 

[هالة الصباح]

لا اختي الله سبحانه ارحم بعبادة وولدج محتاج لج أكثر من الشهادة ادري الشهادة مهمة بس راح تندمين بعدين اذا ولدج احتاج لج فترة رضيع مو قادرة توفقين بين ولدج وبيتج خيار وايد صعب بس ريحي شوي حق مصلحتج اجلي الدراسة بعد سنه راح تعرفين شنو التعب مافي خدامة وامج ما تقدر تمسك والتخصص يبيله مخ انا ما احبطج بس في اولويات وهو هذا الطفل والله يوفقج في قرارج

 

[الاحساس]

والله البنات قبل معانا بالجامعه يولدون وبعد اسبوعين يداومون
صج تعب بس كلها كورس وتعطل

 

[Alias]

ودي البيبي حضانه واذا ما عندج ميزانيه وقفي

 

[a7la_7b]

اجلي دراستج سنه بس انتبهي لاتفكرين تتركين دراستج لانه الشهاده شي مهم بهالزمن

 

[لمست ود]

ناتشو للاسف مااقدر اجيب خدامه وزوجي موراضي عالحضانه بس باقي تقريبا شهرين علي بدايه الترم الثاني ان شاالله اكون قررت قرار صحيح
جزاك الله خير ع اهتمامك ياعسل
تسلمو يابنات
ادعًولي الله يهون ولادتي ويجعلها برد وسلام علي

 

[ناتشوو]

زين
حتى عقب سنة
وسنتين
وثلاث
بيظل طفل صغير
ومحتاج احد معاه طول الوقت
اصلا بيزيد حركة ع خير
ويبيله احد يلاحقه وقت اكثر
فشنو بتسوين ؟
وليش مو راضي ع الحضانة؟
فهميه امج ماتقدر تستقبله
والخادمة مايقدر يجيبها
ادن الحضانة انسب حل


الله يهون عليج
وييسر امورج يارب

 

[لمست ود]

امين ياربتسلمي ياقمر علي اهتمامك

 

[manoooram]

الله يعينج يا قلبي
تخصصج صعب حبيبتي والله يوفقج ان شالله
اذا في مجال وديه الحضانة و كملي دراستج
واذا صعبه الله المستعان وقفي هالكورس وكملي اللي بعده
وانتي بالأخير أخبر منا بظروفج يا قلبي
موفقة

 

[لمست ود]

الله يسعدك ياعسل