السلام عليكم
انا بنت مو متزوجه عمري 23
هالمشكله مأذيتني حيل من ناحية اني حتى ما اقدر افكر تفكير بالزواج ولا ارضى ان استقبل احد اذا كلمو امي وبغو يخطبوني
ايام الدراسه كنت اقول لما اتخرج وابي اركز بدراستي ولما تخرجت الحين صرت اقول بعدين لما اشتغل واستانس بمعاشي ولاحقه عالشقا بس المشكله ادري بنفسي اني كبرت وخلاص لازم استقبل العالم مو ارفض على طول واسكر الباب.. بس انا اللي صج مخوفني
اني اعاني من هالافرازات من زمان اذكر من ايام المتوسطه حتى ما اذكر متى بالضبط قبل الدوره او بعدها بس من كثر ما كنت احاول اشيل هالموضوع من بالي ومن كثر ما كنت احاتيه بنفس الوقت احاول اتجاهله واتناساه ..
احس مع الوقت زادت هالافرازات حيل .. انا على طول اكون حاطه الفوطه الصحيه "كير فري" لأن مع السنين زادت وصارت هالافرازات تأذيني ودايما طول اليوم تكون المنطقه رطبه وتنزل هالافرازات ..
هالافرازات ساعات وانا قاعده احس ان شي ثقيل نزل علي "مابي الوع جبدكم بس تعرفون لما تكونون قاعدين وشعور اللي توها نازله عليكم الدوره تحسون فيها" اي جذي .. بس اهي كلها افرازات بيضا وصفرا .. وساعات صفرا غامجه ..
مستحيل اقدر اتزوج او حتى اقابل اي واحد يبي يخطبني وانا جذي لأنه شي مو طبيعي مو افرازات خفيفه ومره وحده كل جم يوم .. لا شي يومي وعلى طول ..
ولما ابحث بالنت ما افهم شنو الموضوع .. الاغلبية اللي يعانون منها متزوجات او حوامل .. ما القى نفس حالتي واغلب اللي يعطونهم غسولات وجذي يرتاحون اسبوع اسبوعين بعد العلاج وترجع الافرازات ..
- هل لازم اروح لدكتورة امراض نسا ؟
- شلون راح تفحص علي !؟ اخاف و استحي حيل
- فيه امل ان هالافرازات تروح مره وحده ؟ ولا لأني اهملتها كل هالسنين بيكون شي صعب ؟
- مع بحثي بالنت كنت اقرا "ديري بالج يمكن التهاب" شنو يعني التهاب ؟ وهل هو شي خطر حيل ؟ هل يأثر على الزواج بالمستقبل ؟ وعلى الحمل والولادة ؟
-وليش يقولون "ديري بالج او انتبهي او لحقي على نفسج اذا التهاب" هل هو شي صعب علاجه ؟
الله يخليكم ساعدوني حالتي حاله
انا بنت مو متزوجه عمري 23
هالمشكله مأذيتني حيل من ناحية اني حتى ما اقدر افكر تفكير بالزواج ولا ارضى ان استقبل احد اذا كلمو امي وبغو يخطبوني
ايام الدراسه كنت اقول لما اتخرج وابي اركز بدراستي ولما تخرجت الحين صرت اقول بعدين لما اشتغل واستانس بمعاشي ولاحقه عالشقا بس المشكله ادري بنفسي اني كبرت وخلاص لازم استقبل العالم مو ارفض على طول واسكر الباب.. بس انا اللي صج مخوفني
اني اعاني من هالافرازات من زمان اذكر من ايام المتوسطه حتى ما اذكر متى بالضبط قبل الدوره او بعدها بس من كثر ما كنت احاول اشيل هالموضوع من بالي ومن كثر ما كنت احاتيه بنفس الوقت احاول اتجاهله واتناساه ..
احس مع الوقت زادت هالافرازات حيل .. انا على طول اكون حاطه الفوطه الصحيه "كير فري" لأن مع السنين زادت وصارت هالافرازات تأذيني ودايما طول اليوم تكون المنطقه رطبه وتنزل هالافرازات ..
هالافرازات ساعات وانا قاعده احس ان شي ثقيل نزل علي "مابي الوع جبدكم بس تعرفون لما تكونون قاعدين وشعور اللي توها نازله عليكم الدوره تحسون فيها" اي جذي .. بس اهي كلها افرازات بيضا وصفرا .. وساعات صفرا غامجه ..
مستحيل اقدر اتزوج او حتى اقابل اي واحد يبي يخطبني وانا جذي لأنه شي مو طبيعي مو افرازات خفيفه ومره وحده كل جم يوم .. لا شي يومي وعلى طول ..
ولما ابحث بالنت ما افهم شنو الموضوع .. الاغلبية اللي يعانون منها متزوجات او حوامل .. ما القى نفس حالتي واغلب اللي يعطونهم غسولات وجذي يرتاحون اسبوع اسبوعين بعد العلاج وترجع الافرازات ..
- هل لازم اروح لدكتورة امراض نسا ؟
- شلون راح تفحص علي !؟ اخاف و استحي حيل
- فيه امل ان هالافرازات تروح مره وحده ؟ ولا لأني اهملتها كل هالسنين بيكون شي صعب ؟
- مع بحثي بالنت كنت اقرا "ديري بالج يمكن التهاب" شنو يعني التهاب ؟ وهل هو شي خطر حيل ؟ هل يأثر على الزواج بالمستقبل ؟ وعلى الحمل والولادة ؟
-وليش يقولون "ديري بالج او انتبهي او لحقي على نفسج اذا التهاب" هل هو شي صعب علاجه ؟
الله يخليكم ساعدوني حالتي حاله
