ساعدوني بنت واعاني من افرازات صفرا وبيضا ومهملتها فوق 10 سنين واخاف افكر بالزواج

[مجنونه هواهـ]

مشالله البنات كفو ووفو

 

[نوسة السعوديه]

- هل لازم اروح لدكتورة امراض نسا ؟
لا مو لازم

- شلون راح تفحص علي !؟ اخاف و استحي حيل
لا ماراح تكشف عليك الا علمتيها الحاله بتعرف على طول

- فيه امل ان هالافرازات تروح مره وحده ؟ ولا لأني اهملتها كل هالسنين بيكون شي صعب ؟
ايه فيه امل

- مع بحثي بالنت كنت اقرا "ديري بالج يمكن التهاب" شنو يعني التهاب ؟ وهل هو شي خطر حيل ؟ هل يأثر على الزواج بالمستقبل ؟ وعلى الحمل والولادة ؟
التهاب :يعني حاجه تلتهب تحسي بحرقه و بحكه زي كذا طبعا مسبب الالتهاب الفطريات لازم تنشفين المنطقه الحساسه قبل تلبسي الكلوت لان الرطوبه تتكون فيها الفطريات
هل هو شي خطر حيل؟ ايه تسبب خطر انها هالفطريات تسبب جرح يعني قرحه اذ ماعلاجتيها بوقت مبكر وتطلع مع الافرازات بلون بني فاذا كان لون الافرازات مخلوط ببني او احمر فهي جرحت عنق الرحم
هل يأثر على الزواج بالمستقبل ؟ اذ عالجتيها خلاص تروح بلا عوده طبعا اذ كنتي تهتمين في نفسك
وعلى الحمل والولادة ؟ اذ فيه حكه اوحرقه تتحرك الفطريات توصل لسداده الي تمنع كيس الجنين من السقوط وتقرط فيها لحد ماتفتحها وبالتالي يصير ولاده مبكره


-وليش يقولون "ديري بالج او انتبهي او لحقي على نفسج اذا التهاب" هل هو شي صعب علاجه ؟
علاجه مو شي صعب فيه عشبه اسمه العنزروت بس هي طعمها مر فلازم تضيفي منها اي عشبه انا اخلطها ويا الماش يطلع طعمها مقبول
وبعد الاحيان اكل عشبة رجل الاسد هاذي العشبه تعالج لجميع امراض النساء من افرازات مهبيليه او عدم انتظام الدوره او ارتخاء الرحم او البطن بعد الولاده او الاجهاض المتكرر او النزيف الداخلي او الام الدوره او الالتهاب الداخلي للمهبل بس طعمها مقبول
وكل دوره اشرب منها
وانتي اختاري انا مره اجاني التهاب خارجي وامي ماخلت عصار ماعطتنياه فيالنهايه مسحه من خل التفاح المركز حسيت يحرق شوي بس تحملت وربي انها راحت بلارجعه ومعروف خل التفاح يقتل جميع البكتريا لان ايام زمان كانوا الاطباء يستخدمونه معقم للعمليات

 

[pinks]

انشالله

مشكوره وماقصرتي

العفوو ولو و طمنينا علييج :eh_s(7):

 

[manar-al-hala]

حبيبتي لا تحاتين. وايد

شوفي حسب كلام دكتوره امريكيه

ان الرحم ينظف نفسه بنفسه

اشرح لج

يعني لو المنطقه جافه راح يدخل الرحم بكتيريا

او فطريات عشان جذي يقوم الرحم بتظيف نفسه

عن طريق هذي الافرازات ،

متى تكون الافرازات مو طبيعيه !!!

حسب علمي تكون الافرازات مو طبيعيه

اذا كان لها ريحه

او كان لها لون اصفر او اخضر

او كانت كميتها كبيره جدا

عيل شنو الحل ؟

لازم تروحين الطبيبه

وان شاء الله ماراح تفحصج داخلي

حتي لو افحصتج الفحص راح يكون عباره

عن قطنه مثل عود الاذون تمررها ع اللي تحت وتاخذ العينه ع المختبر

المهم قوليلها انا بسوي الفحص لنفسي من دون لا تشوفج

واذا طلع التهاب انتي بنت فماراح يعطونج تحاميل ان شاء الله
ويمكن يعطونج دوا شراب او حبوب تعالج الالتهاب خصوصا اذا كان
داخلي ،،،

ويعطونج غسول طبي انصحج تروحين دار الشفا

واذا ماتبين خاص روحي الحكومه وتركي عنج الحيااااااا

الافرازات ماتروح 100٪ بس بشرط ماتكون لها ريحه او لون
ولاتحاتين انها يوميه

احمدي ربج انها موجوده تحمي رحمج
واذا ع الريال لا تحاتين المرا الناشفه حيل مايحبونهاااا

وبالتوفيق يا رب ،،،




،،..

 

[Babystyle]

وانا هم نفس المشكلة وابي اتزوج شنو اسوي

 

[أحلى البشر]

راجعي طبيبه

 

[caramella <3]

نفس المشكله بس الافرازات الصفره اخف منج و بصراحة البنات ما قصرو ربي يعطيهم و يرزقهم من حيث لا يحتسبوووووون

 

[حلآآآتي غير]

اذا جربتي شي وفادج قوليلنا عنه

والبنات مااقصروا الله يعطيهم العافيه

 

[مجنونه هواهـ]

انشالله البنات بفيدونج دشي موضوع عيادة سكر فتافيت وااااايد حلو وارتحت له وانشالله هي بتعطيج الجواب الاكيد ان كان شي يخوف ولا شي ما يخوف انتي دشي لها اذا بغيتي ادشين كلميني عشان ادز لك الرابط

 

[..~Goolz]

انا ما قريت الردود
بس هذي علامات انج ما تهتمين ما ودي اقول اسم هالشي عشان ما اخوفج (=

بس اهتمي بدورتج ضرووووري من الدوره اليايه وترى مشكلتج كلنا نعاااني منهاااااااااااااااااااا بصراحه
يعني اهيا صج مشكله بس المفروض ما تخليج تفكرين ما تتزوجين شدعوه عاااد ؟؟


وترى لو قبل زواج ب3 شهور راح ينفع معااج لا تخااافين
والافرارازات حالها

وهالخلطه رووعه ع مدح اكثر البنات جربيهااا اذا عندج مشاكل بالمعده قولون او غيره وما تحبين الحوار خفيفي الفلفل والمسمار
برب اجيب الخلطه وارجع

 

[..~Goolz]

باااااااااااااك

الخمس الفنجايل حل للمويات والرطوبه والافرازات

طريقه مجربه ومضمونه


ويقصد بالفنجايل

فنجان القهوه

طبعا الطريقه تكون مع اهتمام

يعنى ماتجى الوحده


تسوى الطريقه

وتهمل جوانب ثانيه

وتاكل ممنوع

وتجى تقول ماستفدت ....


الطريقه حل رائع ... اذا صاحبها اهتمام

بالاكل

والابتعاد عن الممنوع

والحرص بالدوره والنفاس

ولا تجى وحده تلهم اللهوم وتشرب عليه عصير

الهمى واشربى عليه حليب دافى او شاى اعشاب


طريقه الخمس الفنجايل


محلب

كمون

عويدى

رشا د حب

فلفل اسود

هذه خمسه

والكميه فنجال واحد نفس الفنجال نفس الحجم

من كل نوع

تطحن المقادير ماعدا الرشاد حب

وتجمع بعلبه

ويكون لهوم مرتين باليوم


صبح وليل

وتكون النتيجه بدوره ونفاس جيده

طبعا يفضل يكون الهوم على جوع

يعنى الصبح قبل تفطرين

وبالليل قبل تتعشين

ويكون اخر ايام دوره ونفاس

اذا دورتك خمس ايام استخدميه اخر ثلاث ايام

طبعا الخمس الفنجايل طعمها شين ومر وحار

بس اللى تبى الفايده تتحمل ...

ملاحظه مهمه ...


اللى معها بواسير ... لان البواسير تجى مع الولاده غالبا

تحط

نصف فنجال عويدى

ونصف فنجال فلفل اسود

عشان البواسير ...


واللى معها مويات وماتجيها دوره ...ترضع مثلا

تعطى نفسها مده علاجيه اسبوعين

وتستخدم الهوم

وتعتبر نفسها بدوره او نفاس

وتحرص على نفسها من البارد والخربطه بالاكل ...

الخمس الفنجايل

طريقه من واقع تجربه شخصيه ناجحه

واتمنى من كل وحده تجيها الدوره مو حامل

تجربها ...

وتجى تقول لنا النتائج

مانبى شكر

نبى نتائج ...


الخمس الفنجايل

لو استخدمت وسط نظام كامل

من حرص على اكل بر

ومشروبات ساخنه

وابتعاد عن الممنوع

واهتمام


بتعطى نتائج ممتاز ...

وبتحسين المنطقه عندك صارت جافه وناشفه وبالتالى ضيقه..

وخفت المويات بشكل كبير


اذا استخدمتى الخمس الفنجايل صح...
الطريقه مافيها شي يخوف او يدمر على المدى البعيد.. والنتائج ممتازه ان شاء الله ..



موفقين خير
م/،ن قشر قهوه

 

[حلآآآتي غير]

يعطيج العافيه تكفيني الذكرى.

حياتي الطريقه تصلح للبنت ولا حق المتزوجات؟

 

[..~Goolz]

اي تصلح للبنت