ساعدوني تكفووون اول رمضان لي متزوجه

[نسمات 26]

البنات ما قصورا وان شاء الله راح تستفيدين منهم

ومبارك عليج الشهر الفضيل

 

[ام زهقانه]

روحي انتي عندهم يكون احسن لج خلي يوم العزيمه امك عندج تطبخ وقولي انا ههههههههههه

 

[هيراس]

الجود من الموجود اللي تقدري عليه سويه
وبعدين تقدرين ترتبين نفسك قبلها بوقت مثل المقالي والحلي سويها من الليل
تكون جاهزه للقلي وسوي طبق رئيسي و2 صينيه لزانيا او بطاطس ومعجنات
وبكذا بترتاحين ويسهل عليك كل شي واذا تبين اسرع سوي الحشوه حق الصينيه من الليل
او سويها ودخليها الثلاجه وسخنيها في اليوم الثاني وبكذا بيخف عليك الشغل وممكن تستبدلي المعجنات بالباف باستري اسرع
اتمني اني افدتك

 

[Snow-White]

سهالات ان شالله. جهزي شغلج مبجر ولا تحاتين

 

[سكوتي بذوقي]

مدام هذا اكلهم يعني مو كثير

وترى سهل تجهزين كل شي قبل

الشوربه تسوينها الظهر وتسخنينها يعني عادي

السمبوسه لفيها قبل بيوم خليها بالفريز وطلعيها لما تقومين من النوم بتذوب

دخليها الثلاجه لوقت القلي

الطبق الرئيسي اكيد سهل لما تطبخين المروق وتخلينه وقبل الإفطار تكبين العيش او المكرونه أي طبق راح تسوينه يعني

الحلو نفس الشي بالليل سويه وخليه بالثلاجه

ترى مو صعبه

الله يوفقك ويسعدك اختي