ساعدوني :: (تم تعديل العنوان من قبل الاشراف )

[عيون ملكيه]

بنات


والله ضيقتو خلقي من الزواج

والله لوعتو جبدي من كل شي


والله مواضيعكم تخرع



اللي طايحه على زوجها يخونها مع الخدامه و اللي مع رفيجتها و اللي مع اختها و اللي مع زبال الفريج


شي يقشعر منه البدن

شي مو طبيعي

صراحه خوفتوني من الزواج !!!!

و كل وحده تقول مو مقصره !!!!

انزين شنو الخلل شنو العيب

وين الخطأ ..

انا رافضه احاجي زوجي بالرغم من انه يرسلي مسجات يبي يحاجيني

و اخر مره اهداني الاي فون و قال حق اخته ابي احاجيها بس شغاله معاه عالمسجات ما ابي اتعرف عليه

و امس قالي اما تخليني ازوركم و نقعد مع بعض و اما ازوركم بالعيد غصبن عليج ...

صراحه لمن فكرت فيها العيد بيكون ما بقى على عرسي شي و بكون بقمة القباحه يعني ماراح اشيل شيره و لا راح اتحفف و لا راح يكون مزاجي و مودي مزاج دلع و غنج


ألحين شورو علي شنو البس شنو اقول شنو اسوي بالمره خايفه و مو عارفه اتصرف ترا و لا مره كلمته كله بالمسجات يسلم ارد السلام اشلونج الحمدلله بخير بس هذا حدي معاه !!!

 

[++MesK++]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني



؛
؛

موضوعج فيه اجزاء وايد

بالاول ( لوعنا جبدج من الزواج )

بعدين سألتينا : شنو الخلل؟

بعدين >>> شنو اسوي و البس و اقول ووووووووووو

الجزء الاول : بس بقولج ان كل شي قسمه و نصيب

و ان خليت خربت

يعني مو كل الرياييل يخونون حريمهم

مثل ما ( مو كل الحريم تخون رياييلهم)

يعني الموضوع متساوي ... تشوفين وحده تنام مع عشيقها و اهي على ذمة زوجها <<يعني كل الحريم جذي ؟

الجزء الثاني : مافي خلل بالموضوع الخيانه مو شرط تكون من تقصير الزوجه

يعني تشوفين وحده مثقفه و حلوه و مسويه زوجها يا دهينه لا تنكتين <<< و زوجها يخونها

و تشوفين وحده ( و هذي صج اعرفها بالواقع ) :

مالها خلق شي .. مالها خلق زوجها ولا عيالها و طول الوقت نايمه ولا طالعه

و ما تهتم بنفسهااااااااا كلللللللللش لا لبس لا مكياج لا استشوار ( انا اقصد بالبييت )

يعني تقعد جدام زوجها شكلها مقرف مافي فرق بينها وبين زوجها

و زوجها احلا منها وااايد

و والله ان زوجها يحبها و يتمنى تقوله امش خنطلع نتمشى !!!!

و وضعه المادي قوي و كله يقولها امشي نسافر تقوله : مالي خلق !!

جد والله لا تنصدمين

المسأله مسألة حظ ونصيب

و تشوفين وحده تخون زوجها و تلعب عليه و اهو مسكين يموت فيها و ما يطالع غيرها

و الجزء الاخير من موضوعج : انتي حره كل عايله لهم عاداتهم اذا ما تبين تشوفينه هذا شي راجعلج

؛
؛

 

[شهرزاااد]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

بصراحة انا ما الومج انا قبل ما كنت ادش قسم الحياة الزوجية صارلي اسبوع ادشة تقريبا وانا متزوجة من سنة وكل ما شفت بلاوي البنات احمد ربي على زوجي وبعدين فية بنات يبالغون غير الجذب
حبيبتي كل حياة زوجية فيها مشاكل بس اشياء عادية..ما الومج انتي للحين ما عاشرتية وعرفتية
بس خليج على طبيعتج بدون تصنع وونصيحة ابدي حياتج الزوجية بكل صراحة وبدون جذب
والزواااج والله حلو باجر وراح تتعلقين بزوجج ويصير حياتج كلها
ادعي ربج انه يسخرة لج ويسعدكم واهم شي صلاتكم اللي يكون قريب من ربة ماراح يعصية اذا خايفة سوالف الخيانة
الحيااااة حلوة ولا تضيقين خلقج

 

[فـلـفـلـهـ]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

لوعنا جبدج بالزواج ؟؟؟؟؟؟؟؟؟؟؟؟؟

يعني الحين سوالفنا بالمنتدي عن الزواج لوعت جبدج ؟؟؟؟؟؟؟؟

حبيبتي تري إحنا حريم ورا النت وسوالفنا بالنت نفسها سوالفنا بالدوامات

لاتوهمين عمرج انج ماقاعده تسمعين هالسوالف الا بالنت !!

وبالنسه حق سؤالج وين الخلل بالعلاقه والعيب ؟ أقولج انه الخلافات ملح العلاقه

وبدون هالخلافات العلاقه بتلوع جبدج صج وبتصير فاتره ..

طلعي لريلج واستانسي وعيشي وتزوجي .. تري سوالفنا شي طبيعي بالعلاقه الزوجيه

 

[آبله صغننه]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

؛

امممم موضوعج احس حااط فيه 3 قضايااا

حبيبتي من صجي لا تدشن هالقسم اذا صج البنات لوعوو جبدج لانه كثر ما تقرين المشاكل لا تشكين انه زوجج نفسهم فخليج بعديه احسن

واذا عاللبس والكلام البنات انشاااءالله يفيدونج

؛

موفقه

؛

 

[وسن 11]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

وانتي شحقه تتصورين حياتج بتكون صوره طبق الاصل من اللي تقرينه ليش ما تتخيلين العكس ؟؟؟؟؟؟؟؟؟؟؟؟؟؟؟
وليييييييييييييييييش التشائم ؟؟
انتي جذي وبطريقتج هذي بتخلينه يشوف انه ماراح يكون سعيد معاج والسبب اسلوبج ومعاملتج معاه
تفاعلي معاه بس بذرابه ودلع


ولبسي وتعدلي قدامه صدقيني راح تتغير نفسيتج وطريقه معاملتج معاه دامه المسكين ما سوي شي




اتمني لج حياه سعييييده

 

[تعويذه الحب]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

حبيبتي مالج شغل بالمشاكل الزوجيه مثل ما فيه مشاكل تضيق الخلق هم في سوالف فرفوشيه

واكثر من موضوع انطرح واذا على الخلل وين فأنا اقول الزوج والزوجه مع بعض لان محد كامل

عموما حبيبتي دامج اول مره بتقعدين معاه لبسي فستان ناعم قصير مني جيب يكون لونه فاتح وحطي مكياج خفيف وتبخري وتعطري

وحبيبتي اذا عالسوالف فراح تطلع بروحهاااااااا لاتحاتين وبعدين انتي لازن تتعرفين عليه وتتعودين عليه من الحين

 

[SOKAR MALE7♥]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

الحل عندي لاتدشين هالمواضيع او بالمرة لا تدشين القسم هنيه فيه اقسام بالمنتدى اذا دشيتيها ماودج تطلعين منها وهالمنتدى مو بس فيه الحياة الزوجية اقسام تهبل وبس

 

[kookiz]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

حبيبتي لاتزعلين مني بس شكلج تحبين تعيشين بتراجيديا فطلعي روحج من هالحال مصيره ريلج بيشوفج انتي حلاله ومايصير تسوين اللي تسوينه شوفيه اللحين اذا وقت اعيد مابتشوفينه ومو كل الرياييل سواسية ونصيحة موضوع فيه خيانة لاتقربين منه ولا مواضيع المشاكل اذا نوعج تعميين هالمشاكل على كل الرياييل بالعكس جذي تضرين روحج وبتعيشين بشك ماله اساس

 

[حبـ admant ـك]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

اذا المواضيع مولعه جبدج لا تدشين القسم عشان ماتتعقدين اكثر

عن مشكلتج هالشي راجع لج واهو من حقه يجوفج وانتي من حقج تجوفينه
على الاقل تتعرفين عليه قبل العرس

 

[ديانا سبنسر]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

من عيب ابتلى قولي حمد الله والشكر وبعدين اللي يشكون كلهم خواتنا ويبون يفضفضون واحنا نساعدهم وهذا انتي طالبة مشورتنا ترضين نعيب عليج ونطنشج

 

[tmtmt]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

؛
؛

موضوعج فيه اجزاء وايد

بالاول ( لوعنا جبدج من الزواج )

بعدين سألتينا : شنو الخلل؟

بعدين >>> شنو اسوي و البس و اقول ووووووووووو

الجزء الاول : بس بقولج ان كل شي قسمه و نصيب

و ان خليت خربت

يعني مو كل الرياييل يخونون حريمهم

مثل ما ( مو كل الحريم تخون رياييلهم)

يعني الموضوع متساوي ... تشوفين وحده تنام مع عشيقها و اهي على ذمة زوجها <<يعني كل الحريم جذي ؟

الجزء الثاني : مافي خلل بالموضوع الخيانه مو شرط تكون من تقصير الزوجه

يعني تشوفين وحده مثقفه و حلوه و مسويه زوجها يا دهينه لا تنكتين <<< و زوجها يخونها

و تشوفين وحده ( و هذي صج اعرفها بالواقع ) :

مالها خلق شي .. مالها خلق زوجها ولا عيالها و طول الوقت نايمه ولا طالعه

و ما تهتم بنفسهااااااااا كلللللللللش لا لبس لا مكياج لا استشوار ( انا اقصد بالبييت )

يعني تقعد جدام زوجها شكلها مقرف مافي فرق بينها وبين زوجها

و زوجها احلا منها وااايد

و والله ان زوجها يحبها و يتمنى تقوله امش خنطلع نتمشى !!!!

و وضعه المادي قوي و كله يقولها امشي نسافر تقوله : مالي خلق !!

جد والله لا تنصدمين

المسأله مسألة حظ ونصيب

و تشوفين وحده تخون زوجها و تلعب عليه و اهو مسكين يموت فيها و ما يطالع غيرها

و الجزء الاخير من موضوعج : انتي حره كل عايله لهم عاداتهم اذا ما تبين تشوفينه هذا شي راجعلج

؛
؛

مــــعــــاها

 

[دنيتى زوجي M]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

الحل مادشين قسم الزوجيه

لان البنات يحطون مشاكلهم يبون حل مو لعب وعياره

هذا بلاء من الله

 

[ريم @]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

مستحيييييييييييييييييييييييل انا او اى عضوه بالمنتدى

اذا زوجها قالها تعالى نطلع نتمشى باخذج انتى والعيال

للسينما ونمر المطعم وتالى نروح للبحر ونضحك ونسولف

او انه يجيبلى هديه او قعد يقولى نكت اويقولى وين تبينا نسافر

او او او انى اجى للمنتدى واكتبه تدرين ليش لانه

نخااااااااااااااااااااااااااااااااااااااااااااااااااااااااااااااااااف من الحسد

ولانبى نفتح عيونهم علينا ولانه لو كتبته ماله داعى نهائياااااااااااا


لكن لو تواجهنى مشكله مع زوجى او حمولتى او رفيجتى او اختى

على طوووووووووووووووووووووول اكتبه بالمنتدى تدرين ليش

لانه ابى حل لمششكلتى

فهمتى حبيبتى يعنى مثل مافى حزن ومشاكل اكيد الف بالميه فيه فرح ووناسه

 

[جـــواهر]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

يعني وحده مرتاحه مع زوجها شحقه تكتب موضوع تقول بنات انا مرتاحه مع زوجي طيب الله يهنيج شنسويلج ؟؟

المنتدى للبنات اللي عندهم مشكله يبون المشووره .. ف طبيعي تلاقين المواضيع تقث ...

عااادي طنشي كلن ياخذ نصيبه بهالدنيا ..


وبالنسبه لزوجج نصيحه لاتعطينه وجه عشان ماتصير مشاكل قبل الزواج ..

خليج رسميه معاااه ... خلي كل شي لبعد الزواج ؟؟

 

[::كيك وعسل::]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

موشرط اللي يصير لغيرج
يصيرلج
@@

 

[دنيا رديه]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

اصابعج ماهي سوى ياغناتي

 

[هاديهـ&مطيعهـ]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

لو خليت خربت حبيبتي هذي مشاكل بنات بنسبة 5% من باقي بنات الكويت وعلى قولة البنات مو كل وحجه مرتاحه بتكتب موضوع وتقول آنا مرتاحه لا تدخلين القسم لأن صج يضيق الخلق من المشاكل اللي فيه وأصابع ايدج مو سوى دام ريلج طلب يقعد معاج وأهلج راضين مافي مانع انج تقعدين معاه وتتعرفين عليه أكثر والله يوفقج بحياتج يارب

 

[om-7many]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

لا تعليق ******البنات كفو ووفوو *******

 

[غلا ستايل]

رد: متزوجات مواضيعكم تسد النفس واي كله خيانات و طق مطاقق ونجره و اهمال تعالو ساعدوني

يا قلبي يا عمري انتي القسم يتناول المشاكل الزوجية حلها
مستحيل نكتب يومياتنا في شغلات تصير حلوة بيحاتنا وشغلات تضيق الصدر
الحياة سكر ومر مو كل شي حلوو يا حلوة
عطيه خطيبج او ريلج ويهه حرام عليج
بس مو وايد ثقلي عليه