ساعدوني حريم خواني قلبو خواني علينا,,,,,بالمكر والحيله

[معجزات]

اختي الغالية لاتدوخين راسك بالقيل والقال وبي اسوي فيهم جذي ودورولي خطط انتي صرتي مثلهم المفروض يطلعون عنكم كلن في بيت له وكلن يرتاح انتم ترتاحون وهن يرتاحن وصدقيني بتصيرون حبايب البعد زين وسالفة طبخت ولا ماطبخت هذي سواليف دايم نسمعها اذا كانو حريم الاخوان ساكنين بالبيت والحريم بينهم دايم غيره ؟؟؟

هلا فيج اختي ارياف الظاهر انتي فاهمه على كيفج انا ابي خطط ترد لي خواني فقط لا غير

ومالي شغل في حريم خواني ,,,,,,, فهمتي:eh_s(4)::eh_s(4):

 

[Tom ♥ Jerry]

.,،


قطع الله يعينكمـ .، مشكله و الله !

حياتي حقري و طنشيهم و كبري راسج
هذول فيهم نقص !

 

[** باربي **]

اذا تجبون اخوانكم وتبون سعادتهم وتبون ابيوتهم ما تنهدم

لو كانوا حريمهم مو زينين قولوا عشان خاطر اخونا نتغاضى ونطوف ولا نشوفها

لجل عين تكرم مدينة

وصدقيني لا تداحرونهم وايد بالنهاية اخوانكم عايشين معاهم طول العمر وامهات اعيالهم

يعني لا تزيدون المشاكل عشان لا تصير قطاعه بينج وبينهم وبجذي حتى اخوج باجر بالزور تشوفينه

انتوا الي تبون منها مو اهي ..اهي ماخذه اخوكم مو انتوا ماخذين خوها ..!! فكرو عدل

 

[نفهمها صح]

مع
معجزات
كان فيه وحده تسووي المشاكل وغيره وحقد فيها موو طبيعي علي خوات زوجها الحيين يووم طلعت بيت
تبي ترجع العلاقه مع خوات زوجها
لكن اهم رافضيين
لانه.. انظر ووو منها كثيير
وخلج رسميه معهم حتي اخوانج يبوون بسلووبهم القديم حياهم مع حريمهم الله معهم
والمفرووض ميدخلوون
والاشكال محبها​

 

[hellen]

الله يكون بعونج حبيبتي بس انا اقووووووول اذا بتستخدمين نفس اسلوبهم ما راح ينفع
المسلم الهين اللين عند الشدائد انا اقووووووول اذا ما قدرتي تكبينهم وخري عنهم وحقرينهم وواذا اخوانج صاروا ناشفين معاج
ولا اسلوبهم موشي ردي عليهم بابتسامه جذي تثبتين انج الاحسن
وموفقه حبيبتي

 

[شيهانة مطييير]

عندنا وعندج خيــــــــــــــــــــــــــــــــــر
نصيحة:لاتحتكين معاهم عامليهم برسمية,, عشان ماتروح لرجلهاا وتقول اختك قالت واختك فعلت..عاد يقوم يصدقها
من تجربة عايشتها <يازين اخواني قبل وياحي ترابهم الحين قلبو 180درجة
وحده من حريم اخواني غيرت اخوي علي كثر مايحبني كثر مايكرهني الحين حسبي الله عليها
ودي اسوي شي يقلب اخوي عليها بس موعارفه الطريقه
ماقووول الا( الله لايوفق كل وحدة تغير تصرفات رجلها على اهله)

 

[روح ولهانه]

الله يعينك عليهم

 

[توكلت على الله 22]

قولي

حسًبي الله ونعًم الوكيًل

 

[♥ SWeeRa ♥]

الله يعييييييييييييبنكم

 

[يارب استرني]

لا حول الله

 

[sakura-san]

ماعندج إلا حل واااااحد

وعقب :eh_s(9):​

 

[atc666]

لاتعطينهم ويه زيادة وخري عنهم دايما اقول حق خواتي مرت الأخو العلاقه بيوم الزوارة وبس مافي بعدها علاقه ضحك وغشمره يوم واحد بالأسبوع ويخب عليهم لأنه ماتدرين الشيطان شاطر وممكن تفرق بينج وبين اخوج.

 

[لبنه بالزعتر]

مالج الا ربج حبيبتى

 

[عديمه احساس]

خيتووو نصييحه خلي علآآآقتج رسمييه معاهم ولا تطيحيين الميانه حيييل وابتعدي عن القييل والقآل..

وبخصوص اخوآنج .. خلج زيينه معاهم وعطي حريمهم سسسسكب.~

وهالله هالله بالكلآم والاسلووب الحلوو تكسبينهم ان شاء الله

والله يبعد عنا وعنــكم جمييع المشآكل وعقبآل مانعييش بحب وهنآ دنيآ وآخــره..

سسبحآنك اللهم وبحمدك .. اشهــد ان لا الــه الا انت .. اسستغفرك واتووب اليـــك

 

[عصير ليمون]

الله يعينك ويعين كل وحده مثل حالتج

والله يا قلبي جربت مثل حالتج أخوي كان يحبني ويحترمني حييييل ليش أنا الكبيره مثل أمه
بس حسبي الله عليها قلبته علينا خلته حتى ما يواطن يطالع فينا ،، لا حول ولا قوة إلا بالله
ولا تيأسين حبيبتي ما في شي يضل على حاله ،، كل يوم هو في شان ،، سبحانه مقلب القلوب
إدي ربج إنه يرد أخوج ويعيد الصلة بينكم ،، وقولي يا ربي أنا ما دعيتك بقطع صلة ولا بمضره
اجمع بيني وبين أخوي بالخير ،، واحسني الظن بالله ،، سبحانه هو وحده قادر ،،، يسمع دبيب النملة في الليلة السوداء في الصخرة الصماء ،، لا تيأسين من ربج ،، لا تحطين في بالج الانتقام منها ،، لكن أطلبي لهم الهداية ،، وقولي : اللهم اسلخ سخيمة قلبي وقلب أخواني وحريمه
يعني يسلخ الكره والحقد اللي بقلوبهم ،،، استجمعي كل الأدعية اللي تقربك من الله
يقول الله في الحديث القدسي / عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
شنو أحسن من ربي هو المنتقم هو اللي ياخذ حقج وإنتي قاعده على سجادتج ساجده عابده مستغفرة ،،،

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))​

صدق الله العظيم ، و هل أصدق من الله قيلا​

لكن ما لج إلا الله ربي حسيبها ،، وإحنا الضعاف ما لنا إلا الله نلجأ له ،، خليها الله ياخذ لك حقك منها أو منهم وشوفي عاد شلون إذا ربي حبيبي صار هو المنتقم ،، وإنتي رح تتجازين على اللي سويتيه ،، لا تيأسين لو تمر عليج سنه ،،احتسبي هالأذي اللي يجيج منهم عند الله ،، وقولي يا رب
أحتسب كل ما يجيني من ضرر لوجهك تعالى ،،، صدقيني إختي رح ترتاحين إنتي ،، وأهما رح يتعبون لأنهم متطمنين معتمدين على أزواجهم لكن إنتي معتمده على الله الواحد القهار اللي ما تنام عينه ،، العادل في كل أمر ،،،
عليج بالصلاة وقراءة القرآن ،، وقولي اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك0"


صدقيني مريت بنفس حالتج تدرين بعدين شصار فيها اللي عندنا
إخوانه كلهم طلعوا من بيت أهلها تفرقوا ،، سبحان الله ا لمنتقم
وكل ما شاف حالهم يقول هذا بسبب اللي سوووه في الناس الطيبه اللي ما يستاهلون
اللهم لا شماته ،، لا والله ما نتشمت لكن سبحان الله سبحان الله
ما في أحد يتكل على الله ويخذله ،،
اعتمدي على ربج بس ،، ناجيه واستغفريه من كل ذنب اقترفتيه ،، ترى كل اللي يصير
لنا من ذنوبنا ،،

الله يعينج والله حاسه في حالتج لكن اصبري واحتسبي ،، وعلى قدر أهل العزم تأتي العزائم ،،،
والمؤمن مبتلي ،، في ماله وبيته وأهله وعياله ،، وهذي الدنيا أخذ وعطا

واستغفر الله العظيم وأتوب إليه ،،،،،،

 

[ورود خذلتها العاصفه]

حطي لهم سم بالاكل وافتكي ​

حبوبة اخوانج تكسبينهم بالطيب والاخلاق الزينة مو بالخطط والمشاكل
احسني الظن بالناس وابعدي عن القيل والقال

بترتاحين ​

:eh_s(9)::eh_s(9)::eh_s(15)::eh_s(15):

 

[كتكات احمر]

اقولكم شي

الله ياخذ الاخوان وحريم الاخوان

مو كفووووووووووووووووو

لا تتعبوووووون نفسكم

بهالزمن الوصخ كلن يفكر بنفسه وبسسسسسس

 

[طالبة متوهقة]

لا تنه عن فعلا و تأتي بمثله .. عار عليك اذا فعلت عظيم

تركيهم عنج ولا تفكرين تسوين مثلهم و تنزلين لي مستواهم
وكلي امرج لربج و اهو بياخذ حقج ..

 

[kuwait_queen82]

حسبي الله ونعم الوكيل على كل مره اخو اتسبب مشكل بين الاهل
الله يعينج و نفس ماقالو البنات مالج غير اذكار الصباح و المساء و تجاهليهم و لاتعطينهم اكثر من حجمهم

 

[۩۩ الجـــــود ۩۩]

شوفى دامهم فارغات ورواعى قيل وقال طبع ما يتغير احقريهم ولا كنهم موجودات
اخوانج بالاحترام تكسبينهم
وكما تدين تدان بيجى لهم يوم ويمر عليهم كل شى