ساعدوني زوجي حارمــــــني الامومه شسوي

[محبوبه25]

رد : ساعدوني زوجي حارمــــــني الامومه شسوي

اي شي من شنو مو مستعد
ليكون اهو اللي بيحمل
و لا اهوو اللي بيولد
لا يا قلبي انتي مو لعبه عشان يقولج شي
و بعدين يغير كلامه
وهذا مبين لا الحين مستعد ولا بعدين
دامه بهالعمر مو مستعد ؟؟
مادري بصراحه بس يبب ريلج
مو مقنع كلش ماقنعني

 

[المغترهـ]

رد : ساعدوني زوجي حارمــــــني الامومه شسوي

تعالى لاتبكين ولاشي ولا تنزلين ولا دمعه لان من اهم حقوقك انك تنجبي طفل

اسمعى تقربي لله عز وجل واسجدى له ولحى بدعاء لله عز وجل والله لو ياخذ شنو اذا ربي كاتب لج يكتب لج

 

[اختكم بالله]

قولي حق امه يمكن تقوله و تقنعه او يمكن يتفشل على اللي يسويه

وكل شوي ذكريه قولي فلان او فلانه ماشالله ماشالله الله رزقهم بولد او بنت يمكن تاخذه الغيره او يمكن يغير رايه

قولي حرام اللي تسويه الله مايرضى المال والبنون زينة الحياة

الله يكتب لج انشالله وتحملين يارب وماتعدي هالسنه الا وانتي حامل
قووووووولواااا آمييييييييييييييييييييين

 

[@ دهن العود @]

مادري شقولج بس ع العموم الله يهديه ويسخره لج ويغيير رايه ..

 

[مليت من الاسامي]

حملي
وقولي له قضاء وقدر

 

[ضايعة بدنيتي]

رد : ساعدوني زوجي حارمــــــني الامومه شسوي

لاحول ولا قوة الا بالله

الله يهديه لك بس لازم تجلسين معه جلسة صراحة وتكونين حازمة معاه وقولي له قرر اذا تبي تواصل حياتك معاي على طول واذا الاستقرار ولا لا . لاني انا ابي طفل يقول لي ماما . وربي يسخره لك ان شاء الله بصراحة كلامه غريب لمتى بيأجل انا ظنيت انه توه ببداية العشرينات اذا هذا هو كلامه . الله يعينك حبيبتي

 

[اشتياق]

امره غريب ليش متزوج؟؟

في براسه شر!الله العالم او فيه العيب ويداري!

 

[ريتااجي]

رد : ساعدوني زوجي حارمــــــني الامومه شسوي

حبيبتي قولي له هذا من حقي

من حقي اني اشوف عيالي من حقي احس بالامومة

لمتى اشوف يهال غيري واتحسر عليهم

وإلا هوه شكله مايبي يتحمل المسؤولية مو مسالة ماني مستعد

هوه اللي بيحمل يعني والا هوه اللي بيتعب

وربي يهديه

 

[اكسبلانكا]

غريبه والله
عالعموم الله يهديه يارب ويرزقكم بالذريه الصالحه عاجل غير اجل يارب العالمين

 

[جيكره(و)تتغلى25]

والله لو انا منج احمل اقطعي المانع واحملي انا عمري25 وعندي 3 ربي يحفظهم ومتندمنه اني بوقف الحمال العمر يركض بسرعه والعيال يكبرون بسرعه


اقطعي المانع وحطيه فامر الواقع



يمكن عقيم؟؟؟؟؟؟؟؟؟ اذا ماحملتي لمدة3شهور خليه يراجع

 

[star_tete]

انا انصحج يااختي

مثــــــــــلي عليه


سوي روحج حزينه ومضايقه خل يشوف نفسيتج تعبانه...حيل ومكتئبه خل يتعب هــو من نفسيتج لين يطخ
قولي له ان الناس بدت تعايرني ان العيب مني وانج متحطمه نفسيا منك ومنهم قولي انج متعذبه حيل وبالعه مووووس

وان الشك بدا يصير في قلبج انه مايحبج وان مايبي شي منج....

مثلي عليه يمكن لعل وعسى والله يصلحه لج​

 

[أم فتوته]

رد : ساعدوني زوجي حارمــــــني الامومه شسوي

آنا مع مي بالكلآم إلي قالته

وبعدين انتو الاثنين كبآر حلاته الضنى بايدج ألحين وسأليه ليش ماتبي مو عذر مو مستعد نفسيا لي متى ..
والله يهدي انشالله ويرضى وتفرحين بشوفة ضنآج آمين

أم فتوته

 

[sawaranza]

قوليله انا مو صغيره متى تبيني اييب لما اصك ال 35 !!! اصلن كل ما يبتي ياهل وانتي بسن صغير احسن لج .... انزين قولي حق امه تحن عليه

 

[الشهد كله]

سامحيني حبيبتي على ردي ،،،،،

أهو شكو بالعيال ؟؟؟؟؟؟

بيربي ولا بيسهر ولا بيرضع عشان يرفضهم ؟؟؟؟؟؟

منو اللي بيحمل انتي ولا أهو ؟؟؟؟؟؟؟

شنو يعني مابي عيال وهو لا مو متفرغ حق العيال وهو الحين 33 سنة وانتي 28 سنة ؟؟؟؟؟؟؟؟

حسبالج الولادة الحين نفس بعد الثلاثينات ؟؟؟؟؟؟؟

لا يا بعد قلبي بعد هالسن تطلع روحج يالله يطلع الياهل حسباله سهاله ؟؟؟؟؟؟؟؟

حبيبتي قعدي معاه قعدة صراحة وقولي له أبي عيال عندك استعداد وامسكني بالمعروف ولا تسريح بإحسان

3 سنوات زواج جان عندج 2 وتفكرين بالثالث !!!!!!!!!

بدون بجي بدون دموع انتي معاج حق بكل كلمة تقولينها ، اليوم لازم تقعدين معاه .....

انتي اشدراج شنو فيج من بلاوي وموانع طول هالفترة اللي واثق من نفسه إنه ما يبي عيال ؟؟؟؟

يعني فيكم شي يخليكم تعالجون قبل الخلفة .......

الله يعينج عليه إذا هذا أوله​

 

[أم@الحلوين]

حبيبتي لازم تقعدين معاه وتكلمينه
3سنين وما يبي أخاف فيه شي ؟؟

 

[منورة الكويتية]

رد : ساعدوني زوجي حارمــــــني الامومه شسوي

بصراحه ريلج غريب عجيب !!
ليش مايبيج تحملين لاا ويحرص بعد!!
شنو مو مستعد واهو بهالعمر اذا مايابهم الحين متى بيبهم
الله يهدييه ويسخره يارب

 

[عيون مها]

الله يعين


ويفرج همج

 

[!! شوق !!]

حبيبتي لازم تحملين لانه لو لاقدر الله احتجتي علاج او شي ترا هالامور تطول .. يعني انتي ماتظمنين انج تقولين بحمل تحملين على طول ..

 

[روحي تحبه غصب]

انا انصحج يااختي

مثــــــــــلي عليه


سوي روحج حزينه ومضايقه خل يشوف نفسيتج تعبانه...حيل ومكتئبه خل يتعب هــو من نفسيتج لين يطخ
قولي له ان الناس بدت تعايرني ان العيب مني وانج متحطمه نفسيا منك ومنهم قولي انج متعذبه حيل وبالعه مووووس

وان الشك بدا يصير في قلبج انه مايحبج وان مايبي شي منج....

مثلي عليه يمكن لعل وعسى والله يصلحه لج​

صاجه وقوليله انج تسمعين كلام ومعاير وانج ساكته وموقادره تردين

وان في وحده من معارفكم ليمن قلتي لها انكم متفقين وانك مومستعد نفسيا قعدت تضحك علي وقالت لي انك بس تبيني للوناسه

وماتبي تعيل مني واكيد انك ماتحبني

و صرتي تغارين من اللي حواليج

واقنعيه بس بطفل واحد اذا ماكان يبي حياته تتغير

الله يحنن قلبه عليج ويسخره لج

 

[noorq8]

رد: رد : ساعدوني زوجي حارمــــــني الامومه شسوي

ياااليت اتمنى بس للاسف هو اذكى مني يستخدم وسائل حمايه
عذرا عا الوصف يعني انا ما اخذ حبوب اهو محرص على نفسه عشان مايمديني العب عليه
شايفه شلون حريص عشان ما احمل

الله سبحانه وتعالى يقول (ان كيدهن عظيم) حبيبتي وينج وين كيد النسا ,بقولج سالفه حقيقيه عندي زميله مثلج ريلها قال ياهلين وبسسسسسسسسسسس وفعلا يابت اثنين وكبروا ووصلوا الثانوي بس هي تبي بيبي وهو ماخذ احتياطاته على قولتج ويستخدم الواقي تدرين اشسوت لما قط الواقي بالزباله خذته و.... عارفه الباجي والشهر اللي وراه الا هي حامل ويوم استغرب قالت يمكن الواقي مسرب شي هههههههههه خليج ذكيه وغلبيه .