ساعدوني ...شخصيتي انسحابية

[الفاتنة]

يا بنات طالبتكم انكم تساعدوني

احس انه شخصيتي انسحابية ...يعني اي احد يغلط علي ما راد علية حتى لو اني متاكدة اني على حق واعرف الرد بس تحوشني نفاضة في ايدي وخفقان سريع في قلبي

وتلقيني آآكل في عمري واقعد يوم او يومين مريضة ومكسلة ومالي خلق شيء ...


مليت من حالتي كل من قام يستصغرني ...يدرون اني ما ارد عليهم


ساعدوني الله يخليكم ...


مناشدة من اخت لكم

 

[ميني كويتيه]

تشجعي حبيبتي لا تخلين اللى يسوى و الا ما يسوى يتجرا عليج!!

انا بعد نفسج كنت اتوهق و اتوتر و ارجف بس لازم انتعود

عن نفسي قمت اتكلم من دون ما اجهز شنو يقولة يعني اللى بقلبي على لساني جذي ما اتوهق
اما اذا بسوي بروفة و ارتب الحجي اتوتر ما ادري هاذي طريقتي ؟؟

و انشاللة البنات يساعدونج


قوي قلبج<<<<<<شربي ريد بول

ههههههههههههههههههههه

 

[شيهانه]

واااااااي يا حبيبتي انا كنت مثلك .. استحي واخاف ومافيني ثقه بنفسي بس لي متى ؟؟؟؟

اللي يخلي نفسه سبوس تلعب فيه الدياي

واذا ماكنت ذئبا .... عليك الثعالب -----------هههه عاد ترضين ؟؟؟؟؟؟


انا اقولك انتي مو اقل منهم لاهم احسن منك ولا شي ليش ما تردين بيزعلون خل يزعلون بالطقاق الناس الي ما من وراهم الا المقثه ماتبينهم الزم ما عليك كرااااااامتك ...

صدقيني الناس لا شافتك ضعيفة بتجرأ عليك ويتسلطون عليك الحمد الله والشكر في ناس مو صاحيه تحب المشاكل ولسانهم طويل .. لا تخلين نفسك لهم ضحيه يلعبون بحسبتها


لااااااااااااااااااااااااا



الي يغلط عليك ردي عليه وكوني قد نفسك غلطتي مره وما عرفتي تردين المره الثانية اتحسنيين بالتدريج والتمرين المستمر على الشجاعه واذا موقف بيصير حضري الكلام وتشاوري مع امك اختك او القريبيين منك خل ايدرسونك ويحضرون لك كلام قوي ..


بس ها دايما خليك راقيه ومهذبه ومؤدبه .. بتقهرينهم ازياده وكل ما قلوا ادبهم زيدي ادب وردي بقوة ابيخااااااااافون منك صدقيني وبيحتروووووون منك .. والله يوفقك

 

[الفاتنة]

شكرا يالخوات وما تقصرون

 

[الفاتنة]

شكرا يالخوات وما تقصرون

 

[الماااسه]

ترى كل شي على التعود
يعني حطي في بالج في بادىء الامر انج اتردين على قد المضره ويكون ردج بكل ثقه وهدوء بدون تشنجات
حتى لو كنتي اتردين اي رد سخيف بس المهم اتردين على الاقل على شان اذا بقا احد يضايقج يحس انه في احد بيرد ويخاافون ترى اكثر الناس تخااااااااااااااااااااااااااااااااف ما تستحي
وترى الناس تحسب الف احسااب للي السانها طويل
وشكراااااااااااااااااااااااا

 

[الفاتنة]

اي والله صاجة يالماسة

 

[برنسيسة2007]

عزيزتي والله والله والله انج نفسي حتى لما قلتي:يعني اي احد يغلط علي ما راد علية حتى لو اني متاكدة اني على حق واعرف الرد بس تحوشني نفاضة في ايدي وخفقان سريع في قلبي

وتلقيني آآكل في عمري واقعد يوم او يومين مريضة ومكسلة ومالي خلق شيء ...

وانا ما زادت ازمتي وصارت صج مشكله الا بعد ملتوضفت لان الوضيفه مجتمع كبير ملزومه تحتكين فيه على عكس الجامعه والمدرسه رفيجات خاصات يعرفونج ومافي معاج وياهم بزنس يسبب مشاكل- ونخبطت وبجيت وجلابت كل الطرق تشجعت ورديت-بكيت وطلعت-تفاهمت بهدوء بعد السالفه ولكن مالقيت حل والسابق له اثار جانبيه بغيت اقدم استقالتي من سببها الا بطرقه وحده:

نوعيتنا تعرف كل شي وتعلرف الصح والخطأ لكن المشكله حزة الحزه تسكت وان تكلمت خبصت فأنا حزت الحزه ماأتكلم لكن اتخذ حيله وهي اني اوحي للجميع اني ارقى من هلمناقشات وما أنزل نفسي ولاأرد يعني مره من المرات اتهمتني وحده عند المديرة زورا وبهتانا انا رجفت وتخصبقت وجني غلطانه وحسيت اني ببجي لكن قلت كلمه وحده: انا ما فوق اني اتناقش بهطريقه قالت:انا كلمتج بكل احترام قلت:الاتهام مو احترام(انا بس ابي انحاش من الموضوع لان شكلي يفشل)...عن اذنكم واستأذنت(بس نبرة صوتي مو حاده كنت هاديه جدا لان نبرة الصوت الحاده العاليه اتخلي الناس ضدج)بعد نص ساعه لرجعت لمديرتي بعد ماراحت عنها الظالمه وكنت عارفه شنو اقول وقلت لها:سوري انا ما تعودت على هلاسلوب وشرحت لها القصه-عموما يعني سايرت شخصيتي وقصيت على الناس(خخخخخخخخخخخخخخخخ)

 

[q8sweeta]

روحي حق منى الغريب اتسويلج جلسه او اخذي وياها دورة التنويم الايحائي..وانشالله تشوفين تتغير

 

[قلب راشد]

نفس النصيحه اخذي دوره لثقه بالنفس أو تغير العادات وان شاء الله بتشوفين نتيجه ..

 

[ريماا]

ماقصروا خواتى جاوبوج بس ترا ساعات الانسحاب افضل رد للشخص اللى امامج
خصوصا اذا كان هالشخص ينتقدج لذاتج يعنى بالعربى كارهج ويدور عليج الغلط فليش تتعبين عمرج طنشى
دايما اول ماتردين على شخص لاتهاجمينة وضحى موقفج بطريقة ذربة عشان يتقبل منج وجهة نظرج الانة ساعات مايكون قاصد يجرحج
اما اذا حسيتى انة الشخص اللى امامج شخص زين معاج بس هالمرة يبى يحرجج جذى وتصير وايد بيننا احنا مجتمع النساء تكون حبوبة معاج بس مرة تقلب عليج
هذى لاتخسرين صداقتها خصوصا اذا انتى تحتاجينها وتتعلمين منها اشياء مفيدة الاحسن انج تنظرين لها بنظرة استغراب مع ابتسامة يعنى انتى مستغربة من انقلابها عليج وجاوبيها بضحكة وثقة واهى صدقينى بتفشل
وبالتوفيق

 

[الفاتنة]

بعد قلبي يا الريما ما تقصرين

 

[نونو جين]

موشرط تردين بصراخ ونجره
انا يمكن اقدر اعدهم مرتين او 3 اللي صرخت فيهم
ردي بهدوووووء وبكلمات محدده تقهرين اللي جدامج اكثر من لما تصرخين
لانه اغلب اللي يداحرون يحبون القال والقيل والصراخ فليش تقدمين لهم اللي يبونه
والله في ناس لي يومج مقهورين مني قهر مع اني والله ماصرخت ولازفيت رديت بضحك بعد
قاعده تكركر نونو جين

انتي جربي هالاسلوب
بعدين احس المره انثى مو حلوو تصرخ دايم انا اذا صرخت جم مره احس اني شوي واصير صبي
عاد الله وناااسه استغفر الله ههههههههههههه << تتخيل

وفي ناس سفيهاا يعني ماينرد عليهاا موووووووووووليه احقريهم وامشي

 

[الفاتنة]

مشكورة يا نونو جيــــــــــن

وحلوة منج ___ المراة انثى ..اعجبتني

 

[Om_RayooMa]

كل شي صعب اول مره
قولي حق نفسج اول مره صعب بعدين بتعود والكل بيحترمني
لاتخافين من شي ما يقص الراس الا اللي ركبه