ساعدوني شلون اتصرف مع زوجه اخوي؟

[بقايا أنسانه]

بسم الله الرحمن الرحيم
السلام عليكم ورحمة الله وبركاته

بنات بدش بالموضوع على طول اخوي متزوج صارله ثمان شهور وزوجه الحمدالله طيبه وحبوبه واهي واخوي منسجمين مع بعض وهذا بفضل ربي المشكله ان بنت الحلال وصخه وغير مرتبه بشقتها ودايم شقته فيه ريحه والحمام وانتم بكرامه كانه الحمامات الي ندشها بطريق وهي عادي الوضع عنده طبع اهي ساكنه عندنا ولماتروح حق اهله اخوي يقول لخدامت البيت تنضف شقته من العفسه وامي مره قالت لها الخدامه اعتبريه لج وخليها تنضف شقتك وهي عمك اصمخ والحين اخوي طفش من هالوصاخه وقالي انه منحرج يقوله نضفي لان المراه من طبعه لازم تكون نضيفه من غير لحد يقوله وكلفني ان انا

اقولها بما اني انا بنت وميانه معاه بس انا محتاره شلون اقوله من غير لااجرحه اواحرجه يليت تعطوني اقتراحتكم؟​

 

[يالبيه 17]

رد : ساعدوني شلون اتصرف مع زوجه اخوي؟

لاعادي حبيبتي مافيها احراج ولا شي دزي لها واكتبي ببدايته لو ماحبج ولو ماعدج مثل اختي وابي لج الزين جان ماقلت لج هالكلام وقولي الكلام الي بخاطرج


البنت طيبه ومسكينه وتبي احد يوعيها وانتي حسبت اختها عادي مافيها شي ياقلبي والمثل يقول الله يخلي لي من بكآني ولا ضحك على الناس

 

[بقايا أنسانه]

رد : ساعدوني شلون اتصرف مع زوجه اخوي؟

لا اله الا الله

 

[تميزي بفكري]

رد : ساعدوني شلون اتصرف مع زوجه اخوي؟

لاعادي حبيبتي مافيها احراج ولا شي دزي لها واكتبي ببدايته لو ماحبج ولو ماعدج مثل اختي وابي لج الزين جان ماقلت لج هالكلام وقولي الكلام الي بخاطرج


البنت طيبه ومسكينه وتبي احد يوعيها وانتي حسبت اختها عادي مافيها شي ياقلبي والمثل يقول الله يخلي لي من بكآني ولا ضحك على الناس

^
^معاها

 

[تعويذه الحب]

والله حبيبتي الكلمه اللي تستحي منها بدهااااا

ليه صارت موجوده بالشقه دشي عليهااااا وفهميها وقولي لها انج خوش بنت واخوي محظوظ فيج بس في شي حابه اكلمج فيه

والله يشهد اني عادتج مثل اختي حبيبتي الريال يحب مرته اللي تنظف بيتهااااااا وتهتم فيه وما تعتمد اعتماد كلي على الخدم

يعني يا قلبي اهتمي ببيتج وبنظافتج بايدج فهميها انها اذا نظفت بيتها بايدها اخوج راح يحبهااااا ويغليها بزياده

دشي عليها من هالباب

 

[مـ ع ـزوفة حز*ن]

,,



حــبوبه السالفه عاديه ولا فيها إحرااج ,,



أولا :: قوليلها (( إوعــديــنـي مرآح تـزعـلـيـن ؟؟ وأكيد مدام في ميانه بيـنـج وبـيـنـها بتقول لآ مرآح أزعـل ,, الـكــلآم اللي بـقـوله لآن

أبيلج الــخــير أولا ثااانيآآ لمصلـحـتــج ..>>>قوليلها أمي قالت الخدآمه تحت أمرج صح ليش ماتقوليلها بين يوم وترك تنظف شقتج لأن الصرآحه حوووسه والحمامات مو نظيفه وتسبب بعدين جراثيم وبكتيريا ,,

وبسسسسسسسسسسسسسس


وقوليلها لو ماأحبججج ماقلت هالكــلآم ,,


وبس والله المستعاااآآااان ..


وإذا قلتيلها علمينا شصاااار معااج ...


..................................................:eh_s(21):

........................................:eh_s(21):

.............................:eh_s(21):

 

[عزتي مالها حد]

رد : ساعدوني شلون اتصرف مع زوجه اخوي؟

عادي ياقلبي

وانتي معاها بالشقة قولي لخدامتكم نظفي الشقة
وخلي مرت اخوج تشب فحم

وقولي الللللله هذا الزين الحين يجي اخوي يشوف السنع

وفهمي مرت اخوج بطريقة حلوة بين يوم وترك تنظف الشقة , اما عزكم الله الحمامات يوميا

 

[Grass]

رد : ساعدوني شلون اتصرف مع زوجه اخوي؟

زين زوجها يمون عليها اكثر ليش مايقولها بطريقه لطيفه؟؟؟؟

 

[؛؛حلاوه؛؛]

رد : ساعدوني شلون اتصرف مع زوجه اخوي؟

نصيحه لاتتدخلين بالموضوع ماراح تتقبل ابد تخلي روحج مكانها؟؟؟


خلي اخوج يتفاهم معاها

 

[*سوسو ستار*]

خلي اخوج يتفاهم معاها بس بهداوه عادي ..

 

[يمنعني الحيا :(]

رد : ساعدوني شلون اتصرف مع زوجه اخوي؟

مستحيل تقبل منج ياقلبي راح تحس ان نيتج تفشلينها و لو كانت نيتج صافيه هم ما تقبل لأنها راح تظل طول العمر منحرجة منج و راح تنتظر اليوم الي ترد لج نفس الموضوع و تفلسف عليج
ما تسوى تحقد عليج زوجة اخوج
اذا زوجها بنفسه ما تجرأ يقول لها لأنه خايف لا تنجرح منه تروحين انتي تقولين
خلي اخوج يطلب من الخدامة تغسل الحمامات ( تكرمون ) و تنظف الشقة و يقول لزوجته ان انا قلت للخدامة ما حبيت اتعبج
و اذا رجع و شاف الشقة نظيفه من بعد الخدامة خليه يبين لها ان هو الحين استانس و يتمنى ان كل يوم يكون جذي و ان نفسيته ارتاحت و ما وده يفارق الشقة لو ثانية
و العكس اذا كانت وصخة خليه يتذمر و يقول احس بريحه احس بضيقة خنقه و هي راح تفهم و تهتم

 

[الـزيـــــن]

مفرووض زوجها يتفاهم معاها شكو ينحرج ..؟؟

هذي مرته . يمون عليها اكثر منج ,

خلي اخوج هو يامر الخدامه قدامها ويناديها ’ تنظف

 

[لورا آشلي]

والله انا من رايي انج ما تتدخلين

قولي لاخوج مو حلوه تجي مني والمفروض انت اللي تكلمها

 

[Maaya]

اخوج قطها براسج هههههههههه
انا اقولج لاتدخلين بس علمي اخوج يتصرف بطريقه حلوه يعني مثلا يقول في ريحه او اييبلها سوالف تنظيف ويقولها تجربهم
ويسألها زين مو زين للحين في ريحه او لأ من هالسوالف

 

[meen_ana]

انا عندي ريلي يتفاهم وياها احسن لج وانتى طلعي من السالفه احسن واذا انحرجت من ريلها اكيد راح تتسنع بسرعه

 

[مارغريتا]

ديري بالج تقولين لها والله ما تنساها وتحرجينها

لا تتدخلين ولا لج شغل فشله قمة الاحراج

كلمي اخوج قولي هذي مرتك وهذا بيتك انتا تصرف مالج شغل نهائيا


انا نصحتج وانتي كيفج

 

[كويتيه و اافتخر]

رد : ساعدوني شلون اتصرف مع زوجه اخوي؟

حبووبه السااالفه عاديه ما فيها اااي احراج كلميها ؟؟؟؟؟؟

 

[مارغريتا]

تخيلي انتي مكانها مثلا ماتنظفين وتيي حماتج تقولج نظفي بيتج امبيه والله فشله !!!

نصيحه نصيحه لا تسوينها واللي يقولون عادي لا والله مو عادي

ريلها يزفها ويقولها احسن ان بينهم

اصلا بتقول هذا يتشكى لاهله ونقال حجي وجذيه

والله نصيحه لا تسوينها حتى امج لا تتدخل مالكم شغل

 

[عرش الأنوثه]

اضن البنات كفووا ووفوا
الله يوفقجج

 

[* ليــــدي *]

لاااااااااا تعلمين اخوج نصيحه
جذي بتطيح من عينه زوجته
انتي كلمي زوجته بنفسج وحلفيها ماتزعل وقولي لها يمكن البالوعه طافحه عندكم او في اكل بايت بالثلاجه يسبب هالريحه
لا تبينين ان هالريحه اهمال او قل نظافه عشان ماتنجرح

وبالتوفيييق