ساعدوني شلون اجمع من معاشي؟؟؟

[نور البدر]

السلام عليكم ابي مساعدتكم بأفكاركم و آرائكم ؟
بصراحة انا متخسبقه مو عارفه اجمع لي مبلغ وكل محاولاتي تفشل
انا موظفة معاشي 888 دك
عندي قسط ب 220 دك و قسط الغانم 100 دك الفيزا 101دك وحضانة بتني 100 واستقطاع لجان 30 دك
يعني الباجي من المعاش 330 دك
بس 300دك
ماتعيش 3 ايام بعد الماش شسوى شرايكم؟؟؟؟؟؟؟؟؟

 

[نور البدر]

شدعوة تمروووووووووووووون ولا تتنقصون بدعوة حق اختكم؟

 

[شرطيه حلوه]

حبيبتي راتبج كله أقصاد الله يهداج
يعني راتبج قوي ماشالله كان ماله داعي لاستخدام الفيزا
شوفي اللي يظل من راتبج يدوب حق مصروفج طول الشهر ليش تخاصينه ب3 تيام حاولي تقسمينه
يعني مثلا مصروفي كل أسبوع 50 من بنزين وكروت تلفون وريوق الدوام يعني بشهر 200 دينار
راح يظل 130 حق احتياجاتج خياط صالون سوق
قولي حق زوجج يعطيج مصروف كل شهر 100 وخشيهم عند الواله أو بالبنك
وحطيلج حصاله كبيره كل ما خذيتي الراتب حطي فيها 10 دنانير وباجي الشهر كل مره حطي مبلغ صغير
وسوي استقطاع يروح من راتبج بحساب ثاني 20 أو 30 دينار أعتقد ما راح تحسين فيه لأن مبلغ صغير
خففي من الطلعات والمطاعم
شوفي عن تجلربة أنا أول ما توظفت كان راتبي كله رايح عالطلعات والمطاعم والمشتريات اللي مالها داعي بعدين شوي شوي قمت أقسمه والحمدلله خلال سنتين قدرت ايمع 5000 دينار مع أن راتبي أقل من راتبج
وترا مو مقصره على عمري أطلع وألبس و أشتري جناط ماركات بس بالسنه جنطتين أو ثلاث أشتري ساعات وشيلات ماركه وكل سنه أسافر وأشتري اللي أبيه
بس ما عندي أقصاد قصد سيارتي على زوجي وبس

 

[دله وفنجان]

يوووووووه ماعرف اجمع

 

[شرطيه حلوه]

سامحيني عالبدليات
ترا السفر التذاكر والمصرف كله على زوجي بس أنا أودي معاي 1000 أشتري فيهم اللي أبيه

 

[نور البدر]

حبيبتي راتبج كله أقصاد الله يهداج
يعني راتبج قوي ماشالله كان ماله داعي لاستخدام الفيزا
شوفي اللي يظل من راتبج يدوب حق مصروفج طول الشهر ليش تخاصينه ب3 تيام حاولي تقسمينه
يعني مثلا مصروفي كل أسبوع 50 من بنزين وكروت تلفون وريوق الدوام يعني بشهر 200 دينار
راح يظل 130 حق احتياجاتج خياط صالون سوق
قولي حق زوجج يعطيج مصروف كل شهر 100 وخشيهم عند الواله أو بالبنك
وحطيلج حصاله كبيره كل ما خذيتي الراتب حطي فيها 10 دنانير وباجي الشهر كل مره حطي مبلغ صغير
وسوي استقطاع يروح من راتبج بحساب ثاني 20 أو 30 دينار أعتقد ما راح تحسين فيه لأن مبلغ صغير
خففي من الطلعات والمطاعم
شوفي عن تجلربة أنا أول ما توظفت كان راتبي كله رايح عالطلعات والمطاعم والمشتريات اللي مالها داعي بعدين شوي شوي قمت أقسمه والحمدلله خلال سنتين قدرت ايمع 5000 دينار مع أن راتبي أقل من راتبج
وترا مو مقصره على عمري أطلع وألبس و أشتري جناط ماركات بس بالسنه جنطتين أو ثلاث أشتري ساعات وشيلات ماركه وكل سنه أسافر وأشتري اللي أبيه
بس ما عندي أقصاد قصد سيارتي على زوجي وبس

يصراحة ما ادري شلون اشكرج على هالفكرة بديت من هاللحظة اخطط وعطيتيني طريقة حلوة
الله يسهل عليج دنيا وآخرة ويسخرلج زوجج وكل غالي لج:tek:

 

[mr000]

اختي نور البدر الله عينج ويسهل أمورج بس شوفي حبيبتي أول شي افتكي من الفيزا ترى هذي بروحها مشكله لأنها تسهل لج الصرف ويكثر عليج الدين لا تقولين احتاج لها او تساعدني لما مايكون عندي فلوس أحسن لج الغيها وكل شهر دفعي اقساطها يعني سددي اللي عليج ولا تطلعين غيرها بعد فتره وبعدين حاولي ماتشترين أي شي بعد بالأقساط ولا تاخذين قرض وأكيد لازم تحاولين تغيرين من نوعية مشترواتج يعني الأشياء الغاليه والكماليات اللي مالها داعي ترى والله فلوسنا رايحه على هدوم زايده عن حاجتنا وشغلات موضروريه!ولما تخلصين من بعض الأقساط فتحي حساب ثاني وسوي استقطاع شهري لو 50 دينار كل شهر راح يتجمع لج مبلغ بعد فتره!

 

[شرطيه حلوه]

يصراحة ما ادري شلون اشكرج على هالفكرة بديت من هاللحظة اخطط وعطيتيني طريقة حلوة
الله يسهل عليج دنيا وآخرة ويسخرلج زوجج وكل غالي لج:tek:

مشكوووره حبيبتي
الله يوفقج ويرزقج أنشالله
يالله أبدي من الشهر الياي وعطينا الأخبار

 

[نور البدر]

اختي نور البدر الله عينج ويسهل أمورج بس شوفي حبيبتي أول شي افتكي من الفيزا ترى هذي بروحها مشكله لأنها تسهل لج الصرف ويكثر عليج الدين لا تقولين احتاج لها او تساعدني لما مايكون عندي فلوس أحسن لج الغيها وكل شهر دفعي اقساطها يعني سددي اللي عليج ولا تطلعين غيرها بعد فتره وبعدين حاولي ماتشترين أي شي بعد بالأقساط ولا تاخذين قرض وأكيد لازم تحاولين تغيرين من نوعية مشترواتج يعني الأشياء الغاليه والكماليات اللي مالها داعي ترى والله فلوسنا رايحه على هدوم زايده عن حاجتنا وشغلات موضروريه!ولما تخلصين من بعض الأقساط فتحي حساب ثاني وسوي استقطاع شهري لو 50 دينار كل شهر راح يتجمع لج مبلغ بعد فتره!

ماتقصرين حياتي
انا ناطرة الاحد بإذن واحد احد سبحانه بصكره وبفتح حساب توفير
ودعواتكم

 

[شعووووله]

صراحة أحسن طريقة هي الحساب الثاني في البنك

 

[شعووووله]

:ggdw:صراحة أحسن طريقة هي الحساب الثاني في البنك .............

 

[نور البدر]

بس اهم شي ما يكون في رقم سري
مشكورة شعووولة

 

[بشورة الأمورة]

شوفي انا ريلي يمشيلي معاش نفس اللي يصفالج لاني فقيرة طالبة ليلحيني تدرين شسوي ؟؟؟؟؟

مصروفي اليومي 5 دناينر حق بنزين و جمعية و تناتيف خو شدعوا مو كل يوم بنزين ولا كل يوم رصيد !! عدل ؟؟؟ عيل صار اللي صرفتيه 150 دينار

و ال 150 الثانية اخشش منها 50 حق نهاية الشهر بعد تدرين لا سمح الله طبيب او سيارتي (( يعني للضرورة )) واذا ماكو اخشها بحساب ماله كرت ببنك الاوسط

و ال 100 الباقية من ال150 الثانية اشتري فيها اللي بخاطري

وسلامتج

 

[أحب بابا جابر]

احسن شي تقطعين الفيزا وتفتحين حساب استقطاع وتنسينه
وشغله مهمه بعد لازم تخشين فواتيرج جم شهر عشان اتعرفين فلوسج وين قاعد اتروح
اي شي تشترينه لازم اتعرفين بجم ( قبل لا تدفعين ) ولا شريتيه خشي فاتورته
صدقيني مع الوقت بتحسين بفايدة هالحركة

 

[سواري الليل]

كل كلام البنات حلو بس والله في شغله مهمه تبارك لج بالمعاش وتشفعلج يوم الحساب كفالة يتيم والرسول صلى الله عليه وسلم قال ماانتقص مال من صدقه والله لاتقولين انا مولاقيه اكل لا قول غير محتاج اكثر مني وشوفي شلون يتبارك المعاش
الفيزا اكسريها عشان ماتحكج ايدج وسدديها عشان ترتاحين
الشغله الثانيه احتياجاتج الشهريه سجلي الضروري منها بورقه وموكل شهر تشترين كل احتياجاتج مره وحده حطي الضروري قبل ومع الوقت راح تلاقين ان تمر عليج شهور المعاش راهي تدلعين نفسج فيه
لاتطلبين من المطاعم دايما قللي وتذكري ان المطاعم مرض كلب وضغط وسكر وكولستور غير المتن وسوي اكلج بالبيت
لاتشترين ملابس كل شهر شهر وشهر لا واقتنصي فرصة التنزيلات بأول الايام تحصلين شغلات حلوه
واستقطعي من معاشج مبلغ بسيط
انا عندي بوك خاشته وانساه كل شهر احط فيه دينار خمسه ربع اي شي مااستهين فيه والله تجي شهور ماعندي فلوس او ماقدر اروح اسحب واحتاج دينارين ثلاثه للجمعيه تفيدني حيل هالحركه
والله يوفقج ان شالله

 

[أم وهابي]

1- بدون كلام الفى الفيزا
2-استقطعى من معاشج لحساب ثانى واشترى شهادات كل شهر 50 دينار
3-دخلى ببرنامج الخليج للتأمين عباره عن 30 ادخار لمده 15 سنه تاخذين الفوايد
4- حاولى مو كل شهر تدخلين السوق واذا ناحديتى دخلى بالتنزيلات
5- بمجرد ما تجمعين مبلغ حتى لو بسيط خلى نفسج بالامان بعدين تقدرين تصرفين على راحتج

 

[لباس التقوىk]

سوي جمعية بقيمة 1000 دينار
الطريق
خمس اشخاص ثقة كل واحد يقط 200 الحاصل =1000 كل شهر واحد يستلم الالف وانتم تتدفعون 200 لمدة خمس شهور
اول ماتستلميين 1000 حطيها بالبنك
وجذي راح توفرين

 

[A7bni_1]

خوووش افكار قالوها البنااات

 

[ترانيم مبدعة]

ولا تنسين الصدقة

واكثري من الدعاء ان ربي يبارك بالراتب

كمان شغلة مهمة


اذا طلعتي لمكان وصرفتي فيه وبقي لك كم دينار او اي شي

حطيه بصندوق وسميه كانه مو موجود وكل مرة نفس الشي الفكة اللي تبقى من فلوسك على طول خشيها

وانسيها ولا تصرفيها الا للشديد القوي وربي ماتحتاجين له


الله يباركلك ويرزقك من واسع فضله

 

[النويره]

اول شي يارب يرزقنا من رزقه قولو امين
انا كنت نفسج بالضبط سنين ما جمعت ولا فلس كله خرابيط يا كريمات يا دكتور جلديه يا جناط يا ملابس يا اي شي يديد اشتريه حتي السفر ما اسافر والسبب ماكو فلوس مجمعتها تخيلي
ساعات امرض ما عندي فلوس اروح خاص
لما قررت ابرمج مخي
صدقني انتي قلتي انا حاولات وايد وفشلت لانج للحين مو مستعده ثانيا فكرتي لو باجر تسددين اقساطج الباجي شنو بتسوين فيه
اول نصيحه اقولها لج برمجي نفسي انا تبين تغيرين سلوكياتج وعاداتج بالتبذير
اسفه طولت عليكم للموضوع بقيه بالنقاش