ساعدوني شلون اجمع من معاشي؟؟؟

[نور البدر]

اول شي يارب يرزقنا من رزقه قولو امين
انا كنت نفسج بالضبط سنين ما جمعت ولا فلس كله خرابيط يا كريمات يا دكتور جلديه يا جناط يا ملابس يا اي شي يديد اشتريه حتي السفر ما اسافر والسبب ماكو فلوس مجمعتها تخيلي
ساعات امرض ما عندي فلوس اروح خاص
لما قررت ابرمج مخي
صدقني انتي قلتي انا حاولات وايد وفشلت لانج للحين مو مستعده ثانيا فكرتي لو باجر تسددين اقساطج الباجي شنو بتسوين فيه
اول نصيحه اقولها لج برمجي نفسي انا تبين تغيرين سلوكياتج وعاداتج بالتبذير
اسفه طولت عليكم للموضوع بقيه بالنقاش

اول شي مشكورة بس ابي التكمله
بصراحه ردج يشوق

 

[النويره]

بعد قلبي
لاني عانيت كثير جدا واشوف نفسي اشلون اتحسر اخر الشهر علي طبيب ودي اروح او دواء اشتريه
المهم اول نصيحه قلتها لك غيري برمجه مخج انج ناويه تبتدين تغيرين كل الاطباع اللي مو حلوه والتبذير
ثاني خطوه الفيزا واللي ذكروها ما قصروا البنات باقرب فرصه تخلصي منها لانه مساوئها اكثر من فاديتها وتخلي القدره الشرائيه لج باستنزاف
هذي الخطوه الثانيه
ثالث خطوه
لما تروحين السوف اعرفي قبل ما تدخلين شنو تبين تشترين مو شنو يبي يبعيج السوق
تدرين احنا بنات نمشي ونخم مكياج عطورات ملابس والكنت شغال ونرجع البيت نتحسر لالالا عرفي شنو تبين تشترين وحطي ميزانيه محدده جدا للسوق وصح كلام البنات استغلي الsale
وانا استفدت من برنامج فوضه والا موضه اني اركب شغلات وتطلع حلوه حسب الميزانيه 0
شوفي حطي في بالج دام بدتي خط التوفير وترتبت امور حياه بيتج لابد من تضحين لما تكثر ميزانتيج وتتببحين ذيك الساع تبدين المرحله الاخري من خطه التوفير بس مو الحين هذي بعد سنه سنتين
قرقر وايد عليكم
بس احب انفعكم وابي دعواتكم الصالح لي ولكم بالخير والرزقوللحديث بقيه لانه ماكو احد عاني اللي عانيته

 

[colorfull]

السلام عليكم ابي مساعدتكم بأفكاركم و آرائكم ؟
بصراحة انا متخسبقه مو عارفه اجمع لي مبلغ وكل محاولاتي تفشل
انا موظفة معاشي 888 دك
عندي قسط ب 220 دك و قسط الغانم 100 دك الفيزا 101دك وحضانة بتني 100 واستقطاع لجان 30 دك
يعني الباجي من المعاش 330 دك
بس 300دك
ماتعيش 3 ايام بعد الماش شسوى شرايكم؟؟؟؟؟؟؟؟؟

سمعي يالغاليه
انا كنت مثلك من راسي لي ريلي مغرقتني الديون
لاني كنت مبذر واحب الصر بشكل ماتتخيلينه
فجاة احجزو البنك على وحده من بطاقاتي واهني استوعبت المشكله
الي حطيت نفسي فيها
وهذا الحل:
سجلت كل الاشياء اللي ابيها الضروريه والغير ضروريه حتى الاشياء التافهه بورقه
بعدين قلت شنو الاشياء اللي راح اموت لو مااشتريتها وحطيتها بورق
والاشياء اللي عندي اهي ضروريه حطيتها بورقه ثانيه
والاشياء التافهه بورقه ثالثه
وصرت كل شهر اشتري شي واحد من الورقه الاولى بس
و\لاتنسين اغراض الجمعيه تنكتب بورقه واللي مومكتوب ماينشرى يتاجل للشهر الياي
واذا خلص الشهر وتم عندي فلوس لو دينارين
اخليهم للورقه الثانيه.. واذا احد حب يعطيني هديه اعطيهم الاوراق الثلاثه واقولهم اختارو اللي يعجبكم ويناسب ميزانيتكم
واشترولي اياه .. بجذيه كنت اوفر على نفسي بدل ما اشتريهم انا..
تميت على هالحال سنه او اكثر اشوي شريت الاغرض اللي بالثلاث اوراق وسددت كل اديوني
طبعا ما عدا السياره:denya:
والحين بلشت اسدد فيزا وماستر وفتحت لي مشروع صغيرتوني بلشت فيه
ادعولي الله يوفقني
وان شاء الله الله يوفقك وتفتكين من هالديون:eh_s(6):

 

[ربي تقبل توبتي]

جزاكم الله خير وعذرا على المداخله بس لفت نظري هذا الرد

1- بدون كلام الفى الفيزا
2-استقطعى من معاشج لحساب ثانى واشترى شهادات كل شهر 50 دينار
3-دخلى ببرنامج الخليج للتأمين عباره عن 30 ادخار لمده 15 سنه تاخذين الفوايد
4- حاولى مو كل شهر تدخلين السوق واذا ناحديتى دخلى بالتنزيلات
5- بمجرد ما تجمعين مبلغ حتى لو بسيط خلى نفسج بالامان بعدين تقدرين تصرفين على راحتج

اختى الحبيبة بنك الخليج بنك ربوي والربا من الكبائر واثمه عظيم وقال الله عن الذي يتعامل به (فليأذنوا بحرب من الله ورسوله)
وانتبهي اختي لاتدلين غيرك على هذا فيتبعك ،وينطبق عليك هذا الحديث وانتي لاتشعرين

أن رسول الله صلى الله عليه وسلم قال: "من دعا إلى هدى كان له من الأجر مثل أجور من تبعه لا ينقص ذلك من أجورهم شيئاً، ومن دعا إلى ضلالة كان عليه من الإثم مثل آثام من تبعه لا ينقص ذلك من آثامهم شيئاً".
قال النووي رحمه الله: من دعا إلى هدى كان له مثل أجور متابعيه، أو إلى ضلالة كان عليه مثل آثام تابعيه، سواء كان ذلك الهدى والضلالة هو الذي ابتدأه أم كان مسبوقاً إليه، وسواء كان تعليم علم أو عبادة أو أدب أو غير ذلك.

 

[EnG.SaMoRa]

بصراحة انا مثلج والعن منج بعد
اشتري كلشي وماكو شي عنده حساب عندي المم انه بخاطري وشريته وهالشي غلط والله واعرف وايد طرق تفيد بس انا اقولج وصريحه معاج انا ليلحين ماقدرت اطبق شي منها ،، وكل مره اقول يالله من الشهر الياي ابدي اجمع فلوس وكله بس حجي
شووفي ،، لمن تفتكين من الفيزا ،، واحسن طريقه انج تدشين جمعيه بالمبلغ الي تقدرين عليه واول مايصير دورج دفعي قسط الفيزا كله
وقسط بنتج اتوقع بيكون ثابت حاليا ،،
يبقالح اكبر قسط اهوة 220 والغانم 100 ،، حبيبتي نصيحه راح تفيدج والله اي شي تبين تشترينه لاتاخذينه اقسااااط يطلع عليج دبل السعر ليش عاد احنا ناقصين تخيلي انا الشهر الي فات كنت بشتري تلفزيون بلازما ومان ب 250 ماكان عندي وقتها وقلت اخذه اقساط تدرين مع الفوايد بجم يصير ؟ 340 تخيلتي الفرق؟؟؟؟
قلت ليش وفرت الشه الي طاف 100 وهالشهر 150 وراح اشتريه ،، كثر ماتقدرين بعدي عن الاقساااااااااااط ،،

شغله ثانيه اذا بتفتحين حساب توفير ببنك لاتطلعيله كرت ورقم سري عشان لا تتساهلين الشغله وكل شوي ساحبه الي فيه

استغني عن الاشياء الي موضروريه ، الكتابه تساعدج بهاشغله يعني كتبي هالشهر انتي شنو محتاجه غير الاحتياجات الضروريه من جمعيه وصالون وبنزين ( غيرها شنو في كتبيه بورقه واذا شريتيه شطبي عليه ) راح تحسين انج منظمه وايد وفلوسج ماتروح يمين ويسار وانتي ماتدرين عنها ،،
والله يوفقج ويسااااعدج

 

[sunshine22]

رد : ساعدوني شلون اجمع من معاشي؟؟؟

ليش تقاسدين سياره بهالمبلغ اشري على قدج في ب70 قسط شهري ترا زين

وليش ما عندج خدامج تجابل بنتج وبيتج بدال الحضانه

وليش اللجان دام منحده خليها 10 وما نقص مال من صدقه

وليش الفيزا من الاساس الفيزا انسى معاها توفرين


الحل

تكنسلين الشي اللي مو اساسي
تاخذين قسط سياره على قدج ليش السيارات الغاليه اشدعوه 220
والغانم لا تشرين منه الا كاااااااااااااش يعني شعنده باخره مثلا
تلغين الحضانه
تدخلين جمعيه بينكم بالدوام تلغين منها الفيزا وتنتهي للابد الجمعيه التزام
بس الفيزا تحكين ايدج وما تلتزمين بكلمتج

 

[sunshine22]

رد : ساعدوني شلون اجمع من معاشي؟؟؟

اهم شي للي بيوفر


لا يروح للسوق نصيحه(( السوق يطير الفلوس))

 

[ال نزهة]

رد : ساعدوني شلون اجمع من معاشي؟؟؟

كلنا بالهوا سوااااا

 

[جودة كواليتية]

اهم شي توفرين من وراه كل شي البانزين وكروت التلفون والفلوس والتفسفس اهوة


(((((((((قعدة البيت))))))))))))) والله من وراها تشوفين بيتج وعيالج وتهتمين بنفسج وفيهم وخلي طلعتج بس يوم للزوارة ويوم لليهال يستانسون وباجي الايام قعدة بالبيت صدقيني انا وحدة ماطير معاشي غير الطلعات كل يوم ماشية بمعنى وغير معنى توني اكتشفت هالشي حتى قعدت البيت حلوة جربي ماراح تصرفين ولاحتى تسحبين واذا تبين شي تطلبين بقالة او مطعم ابو العيال مايقصر اهو يدفع قولي ماعندي ماسحبت والله الايام راح تمر بسرعة وراح ترتاحين
وادعولي حتى انا اوفر إنشاء الله والله يهدينا

 

[نورا الحلوة]

مشكوراااااااااااات على الافادة

 

[واقعية حـلـم !]

انا مع جودة صاجة


قعدة البيت حيل توفرررررر


و لصاحبة الموضوع الله يرزقج من اوسع ابوابه يا رب