ساعدوني شلون انظف سجادة الحرير

[dal3 kuwaiti]

السلاااام عليكم ورحمة الله وبركاته


بنااااات اختى توهااا والده وتعرفون الناس رايحين رادين عليهااا واحنا ماشاءالله عايلتناااا كبيره

والحين انكب على السجاده بقعت ماااي وصار لونه رمااادي حاولت امسحه بالفوطه مانفع ما ادري شسوي ابي مساعدتكم مع العلم انه هذي السجاده بغرفة اختى النفاس

 

[dal3 kuwaiti]

تكفون بنااات ابي مساعده منكم لاتطنشوني

 

[Om 7oo7oo]

أول شي السجاده الحرير و بالذات اذا كانت ايرانيه أصليه ما تتنظف بمساحيق غسيل و منظفات لأنج جذي تعدمين السجاده ، و إذا تطلب الأمر بفوطه رطبه اشوي ، و بالنسبه لبقعة الماي ما أعتقد تروح بس لا تحاتين لأن هذا سر من أسرار السجاد الإيراني ، لأنه كلما تعتق و تنداس تصير أروع من قبل و سبحان الله ألوانه تطلع ، عندي سجاده صارلها 8 سنوات و ياما بناتي صبو عليها أشياء و الحين بعد ما سكنت بيتي الجديد حطيتها في الاستقبال ما شاء الله صايره تحفه و ألوانها أحلى من قبل ، و آنا هالجمله ماخذتها من تاجر سجاد بدبي يقول السجاد الإيراني لازم ينداس علشان تبين قيمته ، و أتمنى أكون فدتج

 

[غيـ الناس ـر]

اظن دراي كلين .. وديها المصبغه


بظهر السجاده ينكتب لج شلون طريقة التنظيف ..

انا شاريه وحده من بو خمسين وقالي دراي كلين تنظيفها

 

[احلى كويتيه]

لازم دراي كلين جذي تخربينها بالماي

 

[مرت حمد]

انتي انكب عليها ماي انا بنتي الله اهديها كبت حليب , قمت و غسلت مكان الحليب يعني بنظفها بدال لا اكحلها عميتها اختربت الزوليه احسن شي وديها المصبغه وفي بعظهم اييون البيت و نظفونها لج احسن