ساعدوني شنو معاني هالكلمات في قرقيعان وقرقيعان

[أم البنين]

قرقيعان وقرقيعان بين قصير ورمضان
عسى البقعة ما تخمه ولا توازي على امه
شنو يعني
قصير :
البقعة :
توازي :
تخمه :

 

[مرت ريلي]

اتصدقين مادري ؟؟ بس ما يهون علي ما أرد عليج

تعالي قعدي يمي خلننطر وحدة تفسرلنا هالمعاني

 

[MANGA]

وانا بعد ويااااااااااااااااااااااكم بصف معاكم وبنطر

لوووووووووووووووووووووووووووووووووووووووووووووول

 

[Q8ia_100%]

قرقيعان وقرقيعان بين قصير ورمضان
عسى البقعة ما تخمه ولا توازي على امه
شنو يعني
قصير : يعني صغير لان حتى كلمه ارميضان تصغير لرمضان
البقعة : المشكله او البلوه
توازي : هذي الصراحه مادري بس جنها اتواسي مو توازي

تخمه : تشيله يعني مثل لما نقول ويعه تشيلك= البقعه تخمك

لول انا جاوبت فوق بالاقتباس

 

[أم البنين]

مشكورين عالمساعدة

مشكورة كويتية يعطيج العافية

 

[بنات حواء2]

ان إلي اعرفه تخمه شربت في ايران يسمونه تخمه شربتي)))))))))))))
بس المعنى في القرقيعان ما ادري

 

[catee 80]

قصير مسمى لفترة زمنية هجرية بالتحديد مادري
ومعنى الباقي يعني ان شاء الله البلوى والمصيبةما تشيل الولد ولا تقرب من امه

 

[كويت المحبه]

هلا خواتي عندي هالخلفية البسيطه اتمنى اكون افدتكم فيها
طبعاً هالخلفية مو منيه والطريج اجابات منهم اكبر مني سنناً فددديتهم :eh_s(9): لما سألتهم
قالوا لي ...



قصير : هو شهر شعبان عند اجدادنا قبل ويسمونه قصير
البقعة : الموت او المرض
توازي : اتضايق او اتزعل امه
تخمه : اتحوشه او تصيبه



ها اشرايكم فيني:eh_s(6):

 

[الغاليه نونو]

ياحلووكم بس وانتوووووو تفسرون كلمات القرقيعان ههههههههههههههه
شوفي يمه
بيت قصير = بيت الجار

الجار اللي ساكن يم بيتكم بنفس الفريج يقولوله قصيرنا يعني جارنا

لما يقولون بيت قصير يعني بيت جارنا ورميضان تصغير لكلمة رمضان علشان القافيه بس

واللي قالته الباجي كله صح كويت المحبه

 

[banota49]

لاااااااااااااااااااااااااااا ياالغالية نونو..

كل كلام كويت المحبه صح ..

قصير هو تسميه اخرى عند أجدادنا لشعبان ..

البدو عندهم مقوله لسبب تسميه شعبان = قصير ......وهي أن شعبان تقصر فيه الأعمار ..

أي بمعنى تقصر الأعمار = موت الناس ..

وثبت ذلك بالحديث = بما معناه .... أن أوراق الناس تتجدد كل سنه في شعبان (قصير)

وهذه الشجرة في السماء فمن وقعت ورقته في شعبان هذه السنه يموت قبل بلوغ شعبان في السنة القادمه ..

اسفه على الاطاله بس حبيت اوضح معلومه ..

 

[الغاليه نونو]

بنوته انا سامعتها من سنة يد يدي انه قصير اهو الجار


يمكن سووها شعبان
اهو شعبان صح يسمونه القصير بس مو هو المقصود بالنشيده القرقيعانيه

<<<< بتسوي حوسه وتخلي الكل يبحث بمعني كلمة قصير


يالله روحو الارشيف وشوفولي اشمعناها وتعالوو قولولي

ابي بعد معني كلمة


كاسيرو دله اربع آنات مله ومتي يقولون هالاهزوجه يالله فزي انتي وياها وشوفوا مفرداتنا اللي اندثرت

 

[banota49]

الغاليه نونو الثنتين صح ..

واعذريني على الرد المتأخر لاني توني ادش النت ..

بس شنو هاللي كاتبته ما فهمت منه ولا شي ..