ساعدوني عفيه بفيزاة امريكا !!!!!

[84 Miss Chocolate]

بنات بقدم فيزا حق امريكا شنو اول خطوه اسويها ادز ايميل اخذ موعد [email protected] ؟؟


و اذا عطوني موعد و ريلي ظروف شغله ما يكون موجود اشلون ؟؟
عفيه ابي الطريقه بالتفصييييييييييييييل ؟؟؟

 

[carrot^cake]

ادزين لهم ايميل انج تبين تقدمين على فيزا وتقولين السبب ليش بتروحين امريكا
ويدزونلج ايميل بالموعد
وتروحين لهم
وانا سويتها عن طريق مكتب ب 10 دنانير عطيته بياناتي بالتلفون
واهوا دزلهم ايميل وكتب كل شي من عنده ودزوله ايميل ودق علي قالي متى موعدي ومريته المكتب اخذ منه الاوراق الي يطلبونها عطيته فلوسه
ورحت السفارة
وهذا رقم المكتب
2414729

 

[digital]

لا تدفعين 10 حق المكتب


ال 10 تسوقي فيهه من هناك ههههه:eh_s(6):

انا سويتهه بروحي قبل سنتين

تطرشين ايميل تاخذين موعد و تعبين الابلكيشن وتروحين المصور قوليله ابي صورة حق فيزة امريكا

اذا صار عندكم ظرف تقدرون تأجلون الموعد من موقع السفاره بعد ما تعبين الابلكيشن راح يكون له كود واذا بتغيرين التاريخ تدشين على الوقع وتحطين الكود وتغيرين تاريخ المقابله

وبالتوفيق وسهالالالالالات لا تحاتين

 

[rawona]

الحين النظام حبوبه تغير ما ادزين ايميل الا اذا الحاله مستعجله ..

اول شي ادشين موقعهم وتعبون الفورمز لج ولريلج ولعيالج .. لاي واحد بيروح وعقب ما تخلصين من تعبئة كل فورم تروحين على الصفحة اللي ذاكرين فيها "اخذ موعد" وبس اطقين عليها يحطونلج الباركود مال الابليكيشين اللي توج معبيته وتسوين submit بعدين يودونج على رزنامه فيها الايام الفاضيه اللي تقدرين تاخذين فيها موعد وتحطين اليوم اللي يناسبج ويطلعولج ورقة تأكيد بالموعد طبعيها

وبعدين تروحين مره ثانيه تعبين فورم يديد للشخص الثاني وبعد ما تسوين له submit ويطلعلج الباركود تروحين تاخذين موعد بنفس الطريقة وتطبعين الورقة وهكذا

لا تنسين

صورتين شخصيه قياس 5*5 وخلفيه بيضه والوجه مواجه الكاميرا وللرجل مكشوف الراس طبعا

صورتين عن الجواز

الوصل مال بنك برقان اللي دافعين فيه الرسوم مالت الفيزا

البطاقه المدنية علشان تدخلين فيها

وبس سهالات انشالله ​

 

[84 Miss Chocolate]

ما تقصرووووون والله

 

[Queen-q8]

اي يالغالية نفس اللي قالتلج اياه روونا
بس اذا انتي وريلج ومعاكم احد

اول شي تعبين الفورما مالت الرياييل ال157-ds وهذا خاص للرياييل اللي فوق 14 سنه

وبعدين تعبين الفورما السياحية 156-ds وهذا لكم كلكم انتي وريلج واذا معاكم يهال
وطبعا اسهلج للتعبئة عشان ما تكرريين نفس المعلومات باخر الابليكيشن حطي family combined جنه جذي بس اللي اهو يعني عايلة واحدة وهذا يساعد بالتعبئة يعني العنوان والشغلات المتشابه يخلونها موجودة وانتي تعبين الناقص

ولما تخلصين كل ابلكيشن طبعيه على طول كل واحد عبي وطبعي وكملي على الثاني لما تخلصينهم
وهمن مال ريلج طبعيه

وروحي للصفحة اللي فيها اخذ موعد نفس ما قالت رروونا ودخلي الرقم الكود بار اللي باخر صفحة من كل ابليكيشن وكتبي اسم الشخص اللي له البار كود واسم العايلة وحددي الموعد على الروزنامة والوقت
وهالشي بس لج ولريلج يعني اليهال اللي اقل من 14 سنة لهم ابليكيشن بس مالهم مقابلة

بس خليج دقيقة بمعلوماتكم وخصوصا ريلج يعني لا تخلون خانة فاضية في ابلكيشن الريال الا اذا كان مافيه معلومات
وبالتفاصيل كثر ما تقدرون

وبس الله يوفقكم ان شاء الله

 

[84 Miss Chocolate]

بميزان اعمالكم يارب مشكووووووووووووووورين

 

[donat]

اي يالغالية نفس اللي قالتلج اياه روونا
بس اذا انتي وريلج ومعاكم احد

اول شي تعبين الفورما مالت الرياييل ال157-ds وهذا خاص للرياييل اللي فوق 14 سنه

وبعدين تعبين الفورما السياحية 156-ds وهذا لكم كلكم انتي وريلج واذا معاكم يهال
وطبعا اسهلج للتعبئة عشان ما تكرريين نفس المعلومات باخر الابليكيشن حطي family combined جنه جذي بس اللي اهو يعني عايلة واحدة وهذا يساعد بالتعبئة يعني العنوان والشغلات المتشابه يخلونها موجودة وانتي تعبين الناقص

ولما تخلصين كل ابلكيشن طبعيه على طول كل واحد عبي وطبعي وكملي على الثاني لما تخلصينهم
وهمن مال ريلج طبعيه

وروحي للصفحة اللي فيها اخذ موعد نفس ما قالت رروونا ودخلي الرقم الكود بار اللي باخر صفحة من كل ابليكيشن وكتبي اسم الشخص اللي له البار كود واسم العايلة وحددي الموعد على الروزنامة والوقت
وهالشي بس لج ولريلج يعني اليهال اللي اقل من 14 سنة لهم ابليكيشن بس مالهم مقابلة

بس خليج دقيقة بمعلوماتكم وخصوصا ريلج يعني لا تخلون خانة فاضية في ابلكيشن الريال الا اذا كان مافيه معلومات
وبالتفاصيل كثر ما تقدرون

وبس الله يوفقكم ان شاء الله

عندي بعض الاستفسارات
- ريلي عمره اكثر من 45 سنة لازم اعبي ابلكيشن 157؟
- لازم اكتب المرافقين و صلة القرابة حقنا كلنا يعني في ابلكيشن ريلي اكتب اسامينا كلنا و صلة القرابة و همن اكتب اسماءنا في كل ابلكيشن لي و لعيالي ولا بس اعبي هالخانة حق ريلي واحنا تظل فاضية؟
- يطلبون كشف حساب؟
- يطلبون شهادة راتب؟
اسفة على الازعاج ادري لجيت مخج

 

[sharoo_e5]

يطلبون طبعا شهادة الراتب وكشف الحساب ما يكون اقل من 10 الاف