ساعدوني عن فيزا أمريكا و بدعيلكم والله

[عروس الدنيا]

اول شي قولولي سعر الفيزا جم ؟؟؟ و الطريقه اليديده شنو لازم ادفع اول شي
و تتوقعون بيعطوني الفيزا بشكثر لان بسافر بعد شهرين ؟؟؟ يمد يو لا لأ الله يخليكم الي تعرف تساعدني و بدعيلها:tek:

 

[دمـوع الشـموع]

صراحه مدري عن نظام السفارة عندكم بالكويت
لكن اتوقع شهرين مايمدي
لان التقديم عن طريق النت عن طريق موقع السفاره وتعبي فورمات وهم يرسللولك ايميل بالموعد
الموعد يكون بعد شهر شهرين ثلاثه على حسب
وبعدين بعد المقابله اذا الامور تمام عطوك الفيزا هذا نظامهم عندنا بالسعوديه يعني السالفه يبي لها 4 او 5 شهور

 

[Maneena Manaana]

هالحجي بشهر 1

سعرها جنه 40 دك
الطريقة: اتدشين موقعهم وتاخذين موعد وتسوين الأبليكيشن وتزهبين الصو..ر والفلوس لازم تروحين مادري أي بنك وتزهبون أوراقكم والمتطلبات كلها

ولما ايي موعدكم تروحون وتقدمون الاوراق وعقب جم يوم ايدقون عليكم تستلموونهم

ريلي سووله قصة.. من شهر 1 ليه قبل اسبوع مو خالصة(يمكن لأن الجواز عندنا فضاعت السالفة بالطوشة)
دزينالهم ايميل نستفسر عن سبب التأخير, دقوا على أهلي (لأن احنا مو بالكويت) واطلبوا ورقة تثبت انه ريلي ماعليه احكام وملفه نظيف ( اتقول قانون يديد!! ) بس وقت اللي قدمنا الاوراق قالوله فيزنك تاخذلها 4 الى 6 اسابيع


وهذا السايت مالهم

http://kuwait.usembassy.gov/visa_services.html

 

[ام ربى]

حبيبتي هم راح يسالونج عن موعد سفرتج و على اساسه يعطونج موعد المقابلة
فان شاء الله خير
توكلي على الله و راسليهم عشان يحدودن لج الموعد
و ال40 دينار تدفعينها في بنك برقان

 

[كويتية أصيله]

السلام عليكم؟ حبيبتي آنا توني مفيزه يبيلج شهر بعد موعد المقابله . لازم تاخذين موعد بعدين تروحين بنك برقان مع الجواز ثم تملين الإستمارات وتنطرين الموعد بعد ذالك تاخذ حوالي الشهر....بس ىنا متعجبة من أختي Maneenaالقانون اليديد آنا اول وحده فيزت تقريبا بدا في تاريخ 30\04 أكيد في سوء فهم

 

[rawona]

البنات ما قصروا وكفوا ووفوا .. بس انتي استعجلي فيها وعبي الابليكيشن وحددي موعد مقابله علشان يمديج ..

موفقه :tek:​

 

[عروس الدنيا]

كويتيه اصيله يبيلي شهر بعد المقابله ؟
مقابلتي بشهر 5 اخر 5
و كنا بنحجز 20-6 ؟

 

[كويتية أصيله]

هلا والله عروس الحزن .

نصيحتي لج بضرورة تغيير حجوزاتج . لأني مفيزه بتاريخ30/04 وقالولي بعد شهر تستلمينها (كلام السفاره مو كلامي)

ولي الحين ما أتصلو فينا قالولنا عن القبول أو الرفض.....

 

[ليش لأ]

مــرحبــاا بنااات ..

لازم اعبي الأبلكييشن من النت ...

يعني اذا ابي اروح السفاااره واعبي الأبلكييشن من هناااك مااايصير..

والفيزاا لازم من بنك برقااان .؟

وشااكره لكم ..


وســـلالامــــآآآت ​

 

[مشمشة رمانة]

اي لازم من النت تعبينةومبلغ 40غير مسترجع حتى بحالة الرفض لاسمح الله

 

[أمانيQ8]

والله متشددين اختي صارلها اسبوعين لحد الحين ماكو خبر طناااااااااااش وولد اختي من متلى امقدم لاعت جبده

 

[shusha]

عروس البحر

اول شي تدخلين الموقع وتعبين الابلكيشن وضروري يكون عندج اله طابعة عشان تطبعين الاوراق بشكل النهائي
عقب تاخذين موعد ,, من نفس الموقع وتطبعين الوراق (كل شخص لة ابلكيشن وموعد حتى اليهال )

وتنطرين موعدج

تجهزين : 1- الابلكيشن
2- ورقة الموعد
3- صور خلفية بيضة 5*5
4- وصل بنك برقان قيمة الفيزا (40 دينار)
5- صورة الجواز

وضروري الجوازات معاج مو تنسينهم ,,,,,,,,,,,, كلهم حطيهم بظرف واخذيهم معاج


مهم : في ابلكيشن حق ريلج بس يعبيه ويرفقه - انا عطونياه هناك وعبيته عالسريع
وكل ما يكون توقيت الموعد قريب يكون احسن اقصد يكون 7.00 الصبح عن الزحمه


هناك يسوولج مقابله شخصية وياخذون بصماتكم وشوية اجراءات ويقولولج متى تيين تاخذين الجوازات والله يسهل

 

[D121S]

مرحبا حبوبه انا مفيزه الطريقه كالاتي اول شي تفتحين السايت وتعبين الابلكيشن وتحدديدن موعد انتي يكون في رزنامه وانتي تختارين الموعد وبعدين فبل الموعد اتكونين دافعه الرسوم 30 دينار في بنك برقان وتاخذين الوصل ويبون صور تكون خلفيتها بيضه واهم شي يبون الفاوجرات يعني الحجوزات انا سويت هالطريقه عند شفريات وايد كان متعاون معاي سواهم لي جنهم اصليين اسم السفريات الفجر اتلاقينهم في مجمع الكويتيه الي كله سفريات عرفتيه .؟ اتلاقينه بالدور الثاني فوووق المهم تجهزين اوراقج واتروحين على الساعه الي حددتيها او الموعد ترا كل المساله سهله انا قبلج كنت خايفه انهم يردوني بس لحظي الحلو مارحت لاني حملت وقعدت انشالله خيرها في غيرها