ساعدوني في ولدي والله تعبت

[عيدي عيدين]

السلام عليكم بنات انا ولدي عمره بيكمل بعد شهرين 4 سنوات يعني السنه
الياية بيروح الروضة بس مشكلته الحمام وانتو بكرامه تخيلوا اذا فيه
تبول عزكم الله يقول ويروح الحمام بس بالخروج لأ دايما يسويها في سرواله
وصارلي على هالحال يمكن سنة ما خليت طريقة والا سويتها معاه حتى الحمام
مزينته ومخليته مشوق حقه وادش معاه واقعده بالمرحاض واسولف معاه واشجعه
واوعده بهدايا بس ماكو فايدة يقوم ويقول ما فيني واذا لبسته السروال يسويها
تعبني والله وصلنا مرحلة انا وابوه نطقه ونحرمه تخيلوا جان يصكه امساك من
الخرعه لانه ابوه وانا نهدده اذا سواها بسرواله نطقه او نحرمه والحين انا هادته
وساكته عنه وللحين يسويها بسرواله وينخش بزاويه ومرات اروح والحقه واخذه
الحمام واشجعه واقوله سوها بالمرحاض عشان نروح الالعاب وهم ماكو فايدة ما يسوي
الا بسرواله
سوري طولت عليكم بس اللي عندها حل تفيدني الله يخليكم

 

[عيدي عيدين]

رفع بلييييييييز

 

[noo7a]

مشكله والله
ماعندي فكره
بس الله يعينج و انشالله البنات يساعدونج

 

[عيدي عيدين]

مشكورة noo7a

 

[عيدي عيدين]

رفع

 

[عواشه القرقاشه]

حبيبتي اكبر غلط انج تخوفينه
تصير عنده ردة فعل

راجعي طبيب يمكن عنده ارتخاء بالعضله
او ممكن لي الحين مو قادر يتحكم بنفسه

جربي تشرحيله ان اذا حس بمغص يعني لازم يروح الحمام
و كافئيه اذا راح

والله يعينج ويسهلج

 

[ديانا سبنسر]

اب اب

 

[عيدي عيدين]

والله اشجعه وساعات اييبله اللي يبيه واقوله بس تروح الحمام
ويقولي انزين وماكو فايدة
بنات تشيرون علي اوديه طبيب والا انطر عليه
مع انه بيكمل ٤سنوات يعني مو صغير مو معقولة
ما يقدر يتحكم بنفسه لان عيال عمه كبره وماشاءالله
يعرفون

 

[عيدي عيدين]

رفع بنات

 

[Q8_QT]

حبيبتي وديه دكتور احسن لا تنطرين عليه والله يخلي لج

 

[عيدي عيدين]

مشكورة q8

 

[ملاك الغيد]

يابعد عمري كسر خاطري حاولي تفهمينه انها شغله موب زينه وشجعيه وقوليله شوف فلان ولد عمك بعرف يروح ومايدمر هدومه وبعدين يدرون عنك ويضحكون عليك
وانا كنت اقول لولدي قبل مايصير تسويها بسرواللك ودهاا بيتها هني بالمرحاض الله يكرمج وجنه فهم وشوي شوي وفهم انشالله ولدج بيفهم

بس امانه لاطقينه

 

[بولندية]

ودييييييييييه الطبيب شناطره

 

[تفاءل بالغد]

الله يعينك

 

[عيدي عيدين]

حبايبي مشكورين اللي ردوا
انا ما اطقه صج بس اهدده ومرات اطقه خفيف
لاني انا اشوي مدلعته وراخية معاه فقلت يمكن هذا
من الدلال فقمت اشد معاه اشوية انا بوديه الطبيب
بس ناطرة عليه اشوي والله مادري تهقون في شي
طبي والا عادي

 

[ام الدرر]

حبوبة الله يعينج صج مشكلة
لا تضحكين بس جربي طريقة انج ماتلبسينه سروال
يعني عرفي الوقت اللي بالضبط بيخرج
ولا تلبسينه
قولي له ماكو سروال نظيف بالكبت وخلج وراه
تراقبينه وخليه يلعب بمكان واحد بعيد عن قعدتكم
يمكن ينفع وياه ويضطر يروح الحمام
واذا مانفعت هالطريقة في موضوع مثبت فوق لاستشاري اطفال
عسى الله يهديه ويصلحه ​

 

[عيدي عيدين]

مشكورة ام الدرر

 

[غالية80]

نفس مشكلتي مع بنتي ومو محصله لها حل