ساعدوني ولدي مايقدر مايرضع

[اميره العشاق]

بنات انا ولدت اخر السادس وقعد ولدي على جهاز التنفس الصناعي 7 شهور بعدين ودوه الجناح

والحين يقولون انه مايقدر يرضع ولايمص اثر التنفس الصناعي على خلايا مخه الشمالي وصارت ضعيفه وعلاجه العلاج الطبيعي والحين يسووله العدان ومو راضي يطلع من اول ما ولدته تكفون ساعدوني

 

[قفشه شكر]

الله يخليه لج ويقوومه بالسلالالامه
يابعد عمري ماعندي فكره
اب اب اب

 

[الصابرة المحتسبة]

رد : ساعدوني ولدي مايقدر مايرضع

بسم الله عليج

ان شاء الله ربي يشفيه ويقوم بالسلامه وتشوفينه بصحة وعافية

العافية تجي شوي شوي ادعيله واذكري الله وتقري عليه وحصنيه بالأذكار وان شاء الله ماعليه شر واذا عندج ماي زمزم من مكة طبعا أصلي مو مغشوش امسحي عليه وشربيه قطره منه.

 

[غد أجمل]

رد : ساعدوني ولدي مايقدر مايرضع

حبيبتي عسى ربي يطمن قلبج على وليدج يا رب
في بمستشفى الطب الطبيعي عيادة حق صعوبات البلع داخل المستشفى و يشتغل فيها اخصائي هندي اسمه جوزيف
و خوش ريال و متعاون
و في قسم التخاطب عندهم دكاترة و اخصائيين يعالجون صعوبات البلع روحي استشيريهم ولو وديا اذا بالامكان يساعدونج
و على العموم اعتقد الدكاترة اللي متابعين حالة ولدج راح يلاقون طريقة بديلة للتغذية ليما يصير في مجال انه يرضع
و يا ربي يفتح عليج و يفرج همج و يشافي وليدج يا رب

 

[ikilled barbie]

رد : ساعدوني ولدي مايقدر مايرضع

لله يشفي ولدج عاجلاا غير اجلاا

 

[Great-Chef]

لاتخافين حبيبتي بنتي كانت جذي والحمدلله مع الوقت بدت ترضع

دايما سمي قبل لاتشربينة

 

[جروح خالده]

رد : ساعدوني ولدي مايقدر مايرضع

الله يشااافيه

 

[اميره العشاق]

رد : رد: ساعدوني ولدي مايقدر مايرضع

لاتخافين حبيبتي بنتي كانت جذي والحمدلله مع الوقت بدت ترضع

دايما سمي قبل لاتشربينة

بليز اختي الله يخليج كانت جذي يعني فتحه بالبطن؟؟؟


وكم المده كانت الي عانيتي فيها


والله يطمن قلبج يارب ومشكوره

 

[لولو-الصغيره]

رد : ساعدوني ولدي مايقدر مايرضع

بنات انا ولدت اخر السادس وقعد ولدي على جهاز التنفس الصناعي 7 شهور بعدين ودوه الجناح

والحين يقولون انه مايقدر يرضع ولايمص اثر التنفس الصناعي على خلايا مخه الشمالي وصارت ضعيفه وعلاجه العلاج الطبيعي والحين يسووله العدان ومو راضي يطلع من اول ما ولدته تكفون ساعدوني

يا بعد قلبي ما تشوفين شر أن شاء الله
انا ولدي نفسج والله ما يعرف اشلون يمسك الرضعه
انا دكاترة لندن أنصحوني أنه أعلمه بالمصااصه والله وفعلا مع الاياااام ولدي بدى يمسك الرضعه ولا تيئسيين طولي بالج حبيبتي ولا تنسيين ولدتيييه بالسادس 00 انا ولدي ولدته بأول الثامن ونفسج تخرعت انه ما يرضع وسبحان الله قادر علي كل شي 00 ولا تنسينا بالدعاااء ​

 

[اميره العشاق]

رد : ساعدوني ولدي مايقدر مايرضع

يا بعد قلبي ما تشوفين شر أن شاء الله
انا ولدي نفسج والله ما يعرف اشلون يمسك الرضعه
انا دكاترة لندن أنصحوني أنه أعلمه بالمصااصه والله وفعلا مع الاياااام ولدي بدى يمسك الرضعه ولا تيئسيين طولي بالج حبيبتي ولا تنسيين ولدتيييه بالسادس 00 انا ولدي ولدته بأول الثامن ونفسج تخرعت انه ما يرضع وسبحان الله قادر علي كل شي 00 ولا تنسينا بالدعاااء ​

انا متضايقه حيل جربتو الفتحه للاكل بالبطن

؟؟؟
ولي الحين له 10 شهور بالطبيب اليوم رحتلا وتقول السستر واجد البلغم وعلى طول نشفط ومايخلص واجد

تعبانه احس لما اشوفه اتالم

 

[الافنيوز]

حبيبتى اى جربنا الفتحه الى فى البطن ماشى حالها احسن من البايب الى بالخشم
الحليب يروح على طول للمعده ومع الوقت تشوفينه راح يستصح باذن الله ويتغذى
لكن الفتحه فى البطن تعنى انه ولدك معاه ارتخاء وصعوبه فى البلع او ارتخاء بعد فى المرىء فى اسباب كثيره
بس حطى بالك لازم تعملين العمليه بره لاترضين يسونها بالكويت
هذى نصيحتى ..
والله يشافى ولدك وتصبرى مشوارك طويل يحتاج صبر وقوه وتعبك ان شاءالله مايضيع عند الله حبيبتى واكيد انت قد هالبلاء

 

[الافنيوز]

حبيبتى البلغم عادى مع اللى نفس حاله ولدك اذا كان معاه ارتخاء فى العضلات والبلع شى طبيعى راح يتجمع البلغم فى صدره وراح يحتاج على طول لعمل شفط والا راح يتعب بس لازم تتعلمين انتى تعملين له شفط انتى امه ارحم عليه من السيسترات لانهم احيانا من كثر الشفط يتجرح بلعومه والله يشافيه يارب
اى شى تبين اى سؤال انا حاضره وبالخدمه كل اللى مريتى فيه مرينا فيه وحاسه فيكى حبيبتى ماعليه خليكى قويه الكويت مليانه نفس حاله ولدك واصعب ..

 

[مدن الياسمين]

رد: رد : ساعدوني ولدي مايقدر مايرضع

انا متضايقه حيل جربتو الفتحه للاكل بالبطن

؟؟؟
ولي الحين له 10 شهور بالطبيب اليوم رحتلا وتقول السستر واجد البلغم وعلى طول نشفط ومايخلص واجد

تعبانه احس لما اشوفه اتالم

غناتي لازم البلغ يزيد بسبب الفتحه كان ولدي جذيه بس كان البيب من انفه لبطنه وكان وايد
نشفط لدرجه لم شلته بالبيت عطوني اشفط البلغ بالبيت عن طريق انابيب يدويه
لا تخافين بيصير زين بس ادعيله الله يقومه بالسلامه والله يصبرج يا قلبي حاسه فيج والله

 

[اميره العشاق]

رد : ساعدوني ولدي مايقدر مايرضع

مشكوره حبيبتي ويعطيج العافيه


بس مو راضين يسفرونا برا تعبنا من الاعضاء والمحاولات

تنصحيني اجيبلا سستر عنده بالبيت
لان انا موظفه

 

[الافنيوز]

لالا لاتقولين تعبت هم يبون يتعبونكم ويمللونكم اشذنبه ولدك ينحرم من فرصه العلاج بالخارج ليش غيره الصاحيين يروحون يتفسحون ويستفيدون وولدك العاجز المريض ينحرم لاقلبى لاتقولين جذى روحوا طقوا كل البيبان عرضوا ويهكم حق نواب الخدمات سواء بدائرتكم والا لا ؟؟ يستاهل ظناج كل هالتعب والمرمطه عشان بعدين لااتحسفين وتقولين قصرنا بحقه
على فكره طفلتنا تصورى مع انه حالتها شديده وصارعت الحياه عشان تعيش وانتلفت خلايا مخها يالله بعد 3 سنوات تكرموا ووقعوا على العلاج بالخارج لاتياسين حبيبتى خلى حياه وليدج جدام عينج وسوى كل اللى تقدرون عليه والله يرحم حالك ..وكل تاخيره فيها خيره
بالنسبه للسترات انا اقولج عن تجربتنا احنا فى البدايه جبنا سستر طلبناها من مكتب خدم تخصصها تمريض اكتشفنا انها خرطى ماتعرف كوعها من بوعها ومشيناها بعدين طلبنا شغاله اندونيسيه الله وفقنا فيها طلعت ذكيه وشاطره والله رحمنا فيها لانها خففت علينا ضغط هالظروف اللى مرينا فيها حتى مستشفى الاميرى كلهم اعتمدوا عليها لانها تبرد قلبهم بس احنا مو مخلينها بروحها بالبيت على طول احنا متواجدين ليل نهار على طول عينه عليها ..اما انتى موظفه واذا ساكنهه بروحك بالبيت فوضعك مختلف لازم وحده متخصصه لانه اكيد فى ادويه وكمام وبرنامج تعمله فلازم وحده ثقه بس نصيحه حتى لو تجيبين سستر هم راقبيهم واتصلى فيهم نرا مافيهم امان ..
يعنى باختصار اذا امك او خالتك فى البيت الشغاله تقدر تسوى اللى تسويه السستر بالاضافه الى الاهتمام بشغل البيبى من نظافه وغسل وكوى بس على شرط تكون للبيبى بس مالها شغل بالبيت غير شغالتك الاصليه ..
واى خدمه ياعمرى حاضرين ...وطمنينا على وليدج

 

[اميره العشاق]

رد : رد: ساعدوني ولدي مايقدر مايرضع

لالا لاتقولين تعبت هم يبون يتعبونكم ويمللونكم اشذنبه ولدك ينحرم من فرصه العلاج بالخارج ليش غيره الصاحيين يروحون يتفسحون ويستفيدون وولدك العاجز المريض ينحرم لاقلبى لاتقولين جذى روحوا طقوا كل البيبان عرضوا ويهكم حق نواب الخدمات سواء بدائرتكم والا لا ؟؟ يستاهل ظناج كل هالتعب والمرمطه عشان بعدين لااتحسفين وتقولين قصرنا بحقه
على فكره طفلتنا تصورى مع انه حالتها شديده وصارعت الحياه عشان تعيش وانتلفت خلايا مخها يالله بعد 3 سنوات تكرموا ووقعوا على العلاج بالخارج لاتياسين حبيبتى خلى حياه وليدج جدام عينج وسوى كل اللى تقدرون عليه والله يرحم حالك ..وكل تاخيره فيها خيره
بالنسبه للسترات انا اقولج عن تجربتنا احنا فى البدايه جبنا سستر طلبناها من مكتب خدم تخصصها تمريض اكتشفنا انها خرطى ماتعرف كوعها من بوعها ومشيناها بعدين طلبنا شغاله اندونيسيه الله وفقنا فيها طلعت ذكيه وشاطره والله رحمنا فيها لانها خففت علينا ضغط هالظروف اللى مرينا فيها حتى مستشفى الاميرى كلهم اعتمدوا عليها لانها تبرد قلبهم بس احنا مو مخلينها بروحها بالبيت على طول احنا متواجدين ليل نهار على طول عينه عليها ..اما انتى موظفه واذا ساكنهه بروحك بالبيت فوضعك مختلف لازم وحده متخصصه لانه اكيد فى ادويه وكمام وبرنامج تعمله فلازم وحده ثقه بس نصيحه حتى لو تجيبين سستر هم راقبيهم واتصلى فيهم نرا مافيهم امان ..
يعنى باختصار اذا امك او خالتك فى البيت الشغاله تقدر تسوى اللى تسويه السستر بالاضافه الى الاهتمام بشغل البيبى من نظافه وغسل وكوى بس على شرط تكون للبيبى بس مالها شغل بالبيت غير شغالتك الاصليه ..
واى خدمه ياعمرى حاضرين ...وطمنينا على وليدج

اوكي حبيبتي والله انج معاي وتابعيني يعطيج العافيه
انا رئيس قسم الخدج يقول جيبو فلبينيه خدامه تعرف انجليزي احسن من السستر
بس اخاف اذا جت تقول مابي ولدكم مريض وانا اخاف اوكلا بالنبوب
والحين شخبار بنتج تمشي وتكلم ؟؟؟؟الله يخليها لج ياااااااااااااارب

 

[الافنيوز]

اااه تسالينى عن حياتى بنتى ورده قلبى لاتسالينى عنها لانها عطتك عمرها والله يخلى وليدج ... صارلها اربعين يوم والسبب اهمال وتقصير من المستشفى والوزاره توفت لانه حاشها فايروس وهم يغيرون الزر اللى فى بطنها واصلا ماعندهم ازره احتياط كافيه فى الكويت كل الازره خالصه المستشفى حطولها بربيش مؤقت ومسكرته السستر بماشات اى ماشات امطلعتهم من شعرها الله لايحللها ولايوفقها ويحرق قلب اللى كان السبب مثل ماحرق قلبنا فى بنيتنا اشهر نتردد عليهم نقولهم البنت محتاجه زر يديد ويقولون ماعندنا وبالاخير يحطولها بربيش ويقولون اشلون يموتون الاوادم اكيد بيدخل فايروس وجراثيم وهالاطفال مناعتهم ضعيفه المهم جاها فايروس من المستشفى فبعد ماربيناها وخليناها مثل الورده وتعبنا عليها وكبرناها جريب تكمل الاربع فجاه خلال ايام تدهورت علينا دخلناها صاحيه عشان تغيير الزر يوم ثانى الله وكيلج بين عليها التعب على طول وبسرعه من الاسوء الى الاسوء اسبوع وانتهى كل شى اااه يابعد روحى خساره وربى الكعبه روح تروح جذى بكل بساطه بسبب الاهمال وخمال السسترات والمستشفيات اااه راحت الغاليه خلاص مافى فايده من الكلام مالنا الا الصبر وعليه العوض ومنه العوض سبحانه وتعالى اللهم لااعتراض بس حرام المعاقين يتعاملون معاهم عالبركه حرام ...
عرفت الحين ليش انا متابعه موضوعك لانه مابى يصير فيج الى صار فينا تربين واتعبين وسهر ومستشفيات وحرق اعصاب
ويتربى تحت عينك وغيرج من هاللى ماعندهم ضمير ولا احساس يهد هالمجهود كله خلال لحظات ..
اسفه حبيبتى طولت عليك بس قلبى متروس ومهموم ودموعى ماوقفت ليومك هذا و سؤالك هيج مواجعى والامى ولهت عليها حيل كانت جميله وهاديه مكانها كبير فى البيت لاحول ولاقوه الا بالله ..
شوفى حبيبتى الخدم راح اتعبين معاهم توقعى غير المتوقع ادعى ليل نهار الله يرزقك بشغاله تحن وتحب ولدك يمكن الفلبينيه تكون ذكيه وشاطره بس قلبها جاسى ويمكن الهنديه تكون جاهله مو متعلمه بس قلبها حنون فانا اقول عملى استخاره قبل لااتجيبين اى شغاله حق هالطفل .. وياريت اتشوفين الرابط الى حطيته بموضوعى
اى استفسار من عيونى واذا مارديت عليكى عرفى انى مسافره فى امان الله

 

[لولو-الصغيره]

رد : رد: ساعدوني ولدي مايقدر مايرضع

:eh_s(2)::eh_s(2):

اااه تسالينى عن حياتى بنتى ورده قلبى لاتسالينى عنها لانها عطتك عمرها والله يخلى وليدج ... صارلها اربعين يوم والسبب اهمال وتقصير من المستشفى والوزاره توفت لانه حاشها فايروس وهم يغيرون الزر اللى فى بطنها واصلا ماعندهم ازره احتياط كافيه فى الكويت كل الازره خالصه المستشفى حطولها بربيش مؤقت ومسكرته السستر بماشات اى ماشات امطلعتهم من شعرها الله لايحللها ولايوفقها ويحرق قلب اللى كان السبب مثل ماحرق قلبنا فى بنيتنا اشهر نتردد عليهم نقولهم البنت محتاجه زر يديد ويقولون ماعندنا وبالاخير يحطولها بربيش ويقولون اشلون يموتون الاوادم اكيد بيدخل فايروس وجراثيم وهالاطفال مناعتهم ضعيفه المهم جاها فايروس من المستشفى فبعد ماربيناها وخليناها مثل الورده وتعبنا عليها وكبرناها جريب تكمل الاربع فجاه خلال ايام تدهورت علينا دخلناها صاحيه عشان تغيير الزر يوم ثانى الله وكيلج بين عليها التعب على طول وبسرعه من الاسوء الى الاسوء اسبوع وانتهى كل شى اااه يابعد روحى خساره وربى الكعبه روح تروح جذى بكل بساطه بسبب الاهمال وخمال السسترات والمستشفيات اااه راحت الغاليه خلاص مافى فايده من الكلام مالنا الا الصبر وعليه العوض ومنه العوض سبحانه وتعالى اللهم لااعتراض بس حرام المعاقين يتعاملون معاهم عالبركه حرام ...
عرفت الحين ليش انا متابعه موضوعك لانه مابى يصير فيج الى صار فينا تربين واتعبين وسهر ومستشفيات وحرق اعصاب
ويتربى تحت عينك وغيرج من هاللى ماعندهم ضمير ولا احساس يهد هالمجهود كله خلال لحظات ..
اسفه حبيبتى طولت عليك بس قلبى متروس ومهموم ودموعى ماوقفت ليومك هذا و سؤالك هيج مواجعى والامى ولهت عليها حيل كانت جميله وهاديه مكانها كبير فى البيت لاحول ولاقوه الا بالله ..
شوفى حبيبتى الخدم راح اتعبين معاهم توقعى غير المتوقع ادعى ليل نهار الله يرزقك بشغاله تحن وتحب ولدك يمكن الفلبينيه تكون ذكيه وشاطره بس قلبها جاسى ويمكن الهنديه تكون جاهله مو متعلمه بس قلبها حنون فانا اقول عملى استخاره قبل لااتجيبين اى شغاله حق هالطفل .. وياريت اتشوفين الرابط الى حطيته بموضوعى
اى استفسار من عيونى واذا مارديت عليكى عرفى انى مسافره فى امان الله

حبيبت قلبي والله عورتي قلبي عسى ياربي تكون من طيور الجنه يارب وعسى ربي يأجرج يارب وقوي قلبج حبيبتي :eh_s(2)::eh_s(2)::eh_s(2)::eh_s(2):​

 

[اميره العشاق]

رد : رد: ساعدوني ولدي مايقدر مايرضع

ياحياتي انا اسفه اذا زعلتج بس هذ يومها ويمكن اريح لحالتها انا دايما ادعي انه اذا كان في حياة ولدي عذاب ارحمه

الله يرحمها ويعوضج يارب وياجرج والله عورتي قلبي وحاسه فيج
وانشالله باجر تشفعلج بالاخره

 

[اميره العشاق]

رد : ساعدوني ولدي مايقدر مايرضع

تكفون بنات حابه اسالكم مرا ثانيه في وحده تعرف نفس حالتي ومشكلتي تعبت ولدي الشهر الجاي يتم سنه واهو بالطبيب

ومالقينا احد يتكرم يسفرنا تعبنا واالولد لي الحين بواير والشهر الجاي يتم سنه ومو عارف يرضع

تكفون ساعدوني محتاجه لاي كلمه منكم