ساعدوني يا عضواتنا ..

[بنوته الحقوق]

السلام عليكم ورحمه الله وبركاته..

بصراحه انا ناقله قصه وحده اعرفها وقريبه حيل ..

فهي في حيره مايعلمها الا رب العالمين ..

باختصر قصتها لانها طويله ...


واتمنى من كل قلبي تساعدوني في حل لها..


( باختصار اهي تحب واحد حب طاهر وشريف .. فالحب هذا ما يتعدى محادثه المسنجر والتلفون..
قابلته مره وحده بس من بعيد.. ادري بتقولون وين المشكله ..
فالمشكله حصله هالايام هو الحاحه بالزواج .. يبي يتزوجها في العطله .. واهي اول سنه جامعه معاي يعني كلش مو وقته ..
والمشكله الاكبر انه غير كويتي وماعنده شهاده..
اهلها ما يمانحون الزواج من غير كويتي اذا كان عنده شهاده ومعاشه زين يعيشها يعني ..
تقول انا من شفته قلت اكيد بشوفه امنتف وعلى قده .. لكن اندهشت بسيارته مرسيدس واطلعت مالته وتلفونه اخر صيحه يعني حالته لاباس فيها ..
تقول انا من اول ما تعرفت عليه ايام المراهقه كنت طايشه .. وقلت لايمكن انه يتطور الي بينا لي حب .. يعني بس سوالف عاديه.. لكن مرت 5 سنين والحب يكبر اكثر واكثر..
لين الريال قال خلاص انا متقدم مهما كانت رده فعل اهلج .. واذا رفضوني بييه مره ثانيه وثالثه ورابعه لين يوافقون...
ولازم تكلمين اهلج ..
تقول فكرت اني اهده .. لكن ما ظنتي راح يهدني .. لانه حيل متمسك فيني .. فهو يعرف كل دقيقه شنو تسوي فيها ويعرف كليتها .. اخاف اذا هديته ويتهور ويسوي شيء ما يليق بنا ..
وفكرت اني استمر معه لين ربي يفرجها .. لكن اذا كانت نهايتنا الرفض والحرمان بعد حب داام سنين.. ماظنتي بلقى انسان صادق كثره .. خاصه اني تعرفت عليه بوقت كانت ضايقه فيني الدنيا .. ولقيته فاتح اذراعه لي ..
انا عارفه انه هذا نصيب ونصيبي مكتوب من زمان باللوح المحفوظ ..لكني كل مره اصلي استخاره نتم مع بعض يعني ما يعرقلنا شيء .. وافكر بهالشيء وايد
الريال كل يوم يكلمني على الزواج والعرس. وين تبين نسويه باي صاله .. وشكثر اهلج يطلبون مهر.. وانه قاعد ييمع مع انه معاشه مو وايد.. ويصرف على اهله .. يقول بس انا لازم ايمع لي وافكر بمستقبلنا ..
وسالته اذا رفضوك وقالوا خلاص انت مو من نسايبنا قال راح ازعل واتعقد ولا افكر بالزواج بعد.. واهي خايفه حيل من هالشيء .>> هذي قصتها على السانها

امانه هذي القصه باختصار وفي بعض التفصيلات يمكن تزعل مني اذا ذكرتها ..
انا وايد اعزها وابي اساعدها لكني همن في حيره مثلها ..

يوم اقول لها تركيه ..
ويوم اقول لها دامه صادق ويخاف ربه فيج .. ليش ما تتزوجين..
ويوم اقول لها قول له انه ينتظر تخرج .. وبعدين يصير خير..

انا بحاجه لمساعدتكم .. واتمنى اني توجهت للقسم المناسب..

مو تلمونها على حبها هالشيء حصل وخلص..
تبي الحل الحين ..

وقلت اكيد حبايبي ومنتداي المفضل بيساعدوني ..
واهي مستانسه وتنتظر ردودكم..

اتمنى تردون علي باسرع وقت ..:yaaaaaarb: ​

 

[غنج اهلها]

رد : ساعدوني يا عضواتنا ..

قبل الزواج وحب بين بنت ولد شنو يسمي بنظرج ؟؟

عالعموم ربي يهديها ويستر عليها ويوفقها للخير

 

[mooneemoon]

انا من رايي تهده اطلع له اي عذر. خل تفكر اهلها ما راح يوافقون بعدين حرام خل تفكر بعيالها بعدين لا تضيع عمرها اهو راح يفوز واهي تخسر وتندم لا شهاده ولا شي اكيد يبيها كويتيه او تدرس يبي يتقدم ويسوي لها مشاكل بعدين علي قولتها سياره اخر موديل يقدر ياخذها من ربعة اي احد الناس مظاهر اهو سو جذي عشان تتعلق فيه الي غير كويتين ينخااف منهم خل تصحي ولا تخاف منه خل تصارحه وتهده اذا ضايقها مو في الحين رقم الي يدقون عليه يتعاملون بسريه معاه ماادري اذا فهمتيني يكون من المخفر او شي جذي ويهددونه ويهدها خلاص بس مو عارفه الرقم انا بس يكون من دون علم الاهل *

 

[بخـــارى]

رد : ساعدوني يا عضواتنا ..

خل تخليه يولي
اشكره قاص عليها

 

[مارياq8]

رد : ساعدوني يا عضواتنا ..

خليها تهده لانه ما يصلح اهله لو يدرون راح اطيح من عينهم

 

[أمـونة]

رد : ساعدوني يا عضواتنا ..

تبين نصيحه من اختج الكبيرة ،، وعن تجربه واقعيه

من المستحيل تقريبا ان الكويتيه ترتبط بشخص غير كويتي وبالاخص اذا كان من فئة غير محددي الجنسيه

مو لنقص او عيب فيهم حشا والله اوادم وفيهم والنعم باخلاقهم

بس قوانين الدوله جذي صارت ،، والكويتيه اللي بترتبط بغير كويتي راح تظلم نفسها اولا و تظلم عيالها اخيرا

لا تعليم عدل ،، ولا توظيف بالمستقبل ،، ولا عنايه صحيه ،، والسكن بأماكن سيئة ،، ومستقبل مظلم بالنسبه للذكور منهم !!

واللي بيشقى ويتعب و يصرف فلوسه وشبابه اهي المره وراح يصير الحب >>> شقى و مر وحنظل

حبيبتي الحب مايوكل عيش ولا يضمن حياة كريمه ولا كرامه

انا مريت بنفس هالتجربه ،، بس امي غلاي وقفت بويهي وحلفت علي برضاها

وكل شي ولا غضب امي علي ،، دست على قلبي وفضلت رضاها الغالي

والحمدلله الله كتب لي السعاده والهناء الله لا يحرمني منها ولا من زوجي ابو عيالي

وهالشخص اللي كنت بربط حياتي فيه سمعت عنه بعد كل هالسنين انه نصب على ناس

وكان له محاوله ان يشوه سمعتي !!! اي حب هذا !!!

والحين مطلوب على قضايا ماليه ،،، واحتمال يبيعون بيتهم !!!

تخيلي لو وحده ترتبط بشخص مثله ،، حتى لو عنده جنسيه بس غير كويتيه

شنو بيكون مصيرها !!!!!!!!!!

جياتها كلها بالدين و السلف وشبح السجن لها وله يمر عليهم كل شوي

ويمكن يطوله تسفير !!!!!!!!!!!!!!!

هل ترضى تربط نفسها بهالشخص ؟؟؟

هل الحب راح يضمنلها انها تعيش عالاقل بامان من غير خوف !!!

هل الحب راح يضمن حقوق عيالها ؟؟؟





لاتصيرون انانيين وتفكرون بلحظات عابره صج حلوه وصج لها مذاقها ولذتها ماننكر

لكن هي لحظات ،،،،،،،، وبعدها تصير الصجيه ويصير الجد ،،،، ونلعن الحب وساعة الحب

واسفه عالاطاله ،،، بس من خوفي عليها من هالمصير اللي الله سبحانه سخرلي امي وخلاها سبب توفيقي

تحياتي

 

[om_3kash]

رد : ساعدوني يا عضواتنا ..

^
^
امونة كفت و وفت

لا تصير انانية و تفكر بنفسهـا ترا عيالهـا حيل راح ينظلمون
ماعمـري سمعـت كويتية تزوجت من فئة البدون و ارتااحت حياتهم كلهـا شقاا و ديوون

خلتراجع نفسهـا

 

[معزوفة عشق&]

رد : ساعدوني يا عضواتنا ..

مادام يبي يتقدم لها اجل هذ1 الحمد لله فيه خير ولد حلال

خليه يجرب يتقدم اذ1 وافقو اهله ان شاء الله يكون زوج صالح لها
وان رفضو فلتعلم انها خيييررررررررررره من الله

والله يوفقها

 

[بنوته الحقوق]

رد : ساعدوني يا عضواتنا ..

مشكورين حبايبي والله ..

ونعم الاخوات انتو ..


مشكوره امونه على نصيحتج وانتي الاخت الكبيره اكيد.. لكن قصتها تختلف شوي لكون الريال له جنسيه معينه يعني مو بدون ..

ومشكوره همس المشاعر . على كلامها انه محترم ومحافظ على صلاته .. وشاريها بماي اعيونه ..

وشكرا على مساعدتكم .. وسامحوني ان ضايقتكم بالقصه ..