ساعدوني

[منوري الكويت]

السلام عليكم ... شلونكم شخباركم
هاذي اول مشاركةة لي وانا اشتركت لان ابيكم تساعدوني اضعف انا عمري 14 ووزني اتوقع الحين 52
وابي اضعف مو عاجبني وزني و ودي ابداء من رمضان وابي منكم مساعدات شسوي ! وياليت اي وحدة ب تبداء
دايت من رمضان تقولي عشان ابداء معاها ويكون في تشجيع وشنو اقتراحتكم لي ودي اضعف :'(

 

[Winter Q8]

ماقلتي جم طولج ؟

 

[منوري الكويت]

والله من زمان ما قستت مادري والله جم بس احاول اقيس اليوم

 

[منوري الكويت]

والله ما هقيتها منكم محد رد علي ٢٠ مشاهده و ما تساعدون

 

[نارنجه]

ولا تزعلين حبيبتي

عشان تعرفين وزنج المناسب لازم تعرفين بالاول جم طووولج
وعلى هالاساس تقررين جم كيلووو لازم تنزلين


انتي الحين بسن المراهقة وتحتاجين تاكلين اكل صحي يساعدج ع النمو
لا تمشين ورا اي رجيم

لكن
تقدرين تقطعين الحلويات و خرابيط الككاو و الشبس و الميونيز و الكتشب والبيبسي
قطعيهم كثر ما تقدريييين

واكلي فاكهه و سلطات بس لاتترسينهم صلصااات
وشربي حليب و لبن و عصاير طازجة

اشتري صحن صغير يكون شكله حلوو مع طاسة صغيرة والتزمي تاكلين فيهم
العيش بحجم الملاس
و باجي الصحن لحوم
والطاسة خليها للسلطة او الشوربة


رمضااان ياي ان شاااء الله تقدرين تتحكمين بالوضع
خففي المعجنات
والحلوووووو

عندج الكورن فليكس والحليب قليل الدسم اعتبريه الحلووو مالج بس مو تترسينه شكررر ^^


وان شاااء الله تضعفين بصحة و عافية

 

[منوري الكويت]

حياتي نارنجه مشكوره علي النصآئيح وانشاءالله اسويهم ونورتي

 

[modern]

لازم تنتبهي لاكلك و نوعيته لان اذا الحين عانيتي من السمنة رح تضلك تعاني منها كل عمرك