ساعدوني

[حبووووبه]

السلام عليكم شلونكم اعضائنا انشالله الكل تمام حبيت اطرح عليكم هالمشكله وابي من كل وحده حل مقنع وياليت تفيدوني وتفيدون هالانسانه اكيد عارفين الي صار باهل الجهرا الله يبعد هالفاجعه عنكم وعن باجي اخوانا المسلمين _ بنت خالي متوفيه امها وتوام روحها اختها الي اهي حيييييييييل وياها وماتعيش من دونها _ المهم هالانسانه حالين بحاله يرثا لها وكذا مره صارحتني وصارحة اهلها انها تحاول تنحتر واهي مو مقتنعه بنصايحنا كلش فيدوني الله يرضى لي عليكم

 

[حياة القمر]

هلا وعليكم السلام

انصحج اتجيبين لها مطوع يقرأ عليها أو داعية توعيهاا الصدمة عليها قوية


الله يخفف عنها ويساعدهاا على مصيبتهاا



الله يكون بالعون

 

[*اللهـ حسيبـك*]

الله يسآآعدهآآ ان شاء الله ..

ربج كبيــر خل ترجع لربهآ ربي يصبرهآ ..

 

[.:!:. ونس .:!:.]

حبيبتي
في مطوع معروف بالجهرا
اسمه ابو مشعل ودوها يقرا عليه
وان شاء الله تحسن نفسيتها
و
ترى مافيها شي لو خذيتوها
ودوتوها عياده نفسيه خاصه
دكتور او دكتوره تكلمها وتشوف حالتها وتعطيها حبه تهديها
ولا هو عيب ولا حرام
لان المصيبه حيل كبيره اذا احنا بس شفنا مقاطع فيديو تاثرنا
عاد شلون هي الله يكون بعونها

 

[طم طم]

اى والله مالها غير يقروون على البنت ولا يودونها دكتوور نفسى يكلمها يتحاور معاها ودووها حق الدكتووره ألطاف العيسى من غير علاج بس تكلمها وتحاورها هذى مصدومه عسى الله يبرد على قلبها يا رب وخلكم عندها لين الله يفرجها عليها ولا حول ولا قوة إلا بالله

 

[SaD FaCe]

الله يرحم حالها يااااااااااارب ويصبر قلبها

قوليلها امج واختج عايشين بس بدنيا ثــانيه مو مثل هالدنيا اللي فيها الحقد والكره ..

راحو عند ربهم وان شاءالله شهداء عند ربهم ...!! شنو احسن من هالمنزله

قوليلها الله سبحانه وتعالى قال : (( يا أيها الذين آمنوا استعينوا بالصبر والصلاة ان الله مع الصابرين * ولا تقولوا لمن يقتل في سبيل الله اموات بل احياء ولكن لا تشعرون * ولنبلونكم بشيء من الخوف والجوع ونقص من الاموال والانفس والثمرات وبشر الصابرين * الذين اذا صابتهم مصيبه قالوا انا لله وانا اليه راجعون * أولئك عليهم صلوات من ربهم ورحمة واولئك هم المهتدون ))

وهذا ابتلاء واختبار من الله بالدنيا قاعد يختبرها

وعسى الله يجمعها فيهم بالجنه يارب

 

[Miss.6Mo7]

الله يكون بعونهـآ .. لا تخلونهـآ ولا لحظه ..
وحآولو تهونون عليهآ وتواسونهـآ < مع إني متأكده شي صعب !

 

[آبـلـہ نـونـو]

الله يكون بعونهآ ,,

و يرحم أمهآ و أختهآ و يغفر لهم ,,

 

[ريشه123]

ماتنلام والله ...

بس نصيحتي ..

انكم ماتخلونها بالفتره وتهونووون عنها وانتو اكيد هالشي ماخليتوه ..

اهي الحين بفتره صعبه وحتى انها ماهي مستوعبه فكرة فقد امها واختها بس اللي تفكر فيه انها تبي تتخلص من هالفكره انها صعبه عليها تعيش من دونهم ...

وانشاءالله بعد فتره راح تستوعب انهم عند ربهم وان هم بمكان وبدنيا احسن من اللي حنا موجودين فيها ...

 

[7ayrah]

لا حول ولا قوة الا بالله

حاولو لا تخلونها بروحها .. الله يعينها الاخت تتعوض بسسسسسسس الام آآآآآآآآآآخ ياقلبي على الام

ادعيلها من كل قلبي ان الله يصبرهااا

 

[الجادل الطرقا]

الله يعين قلبها لا تخلونها ولا دقيقة

الحين هي مو بوعيها من الصدمة الله يصبرها ويمسح على قلبها

وعيدوا عليها هالكلام كل يوم لين تستوعبه عدل :

قوليلها أمج وأختج شهداء إن شاء الله ويمكن بهالحريقة الله غفرلهم كل ذنوبهم

ولو عاشوا بهالدنيا جم سنه بيعيشون ؟؟؟؟ وشنو راح تكون خاتمتهم ؟؟؟؟

قولي الحمدلله على كل حال وإنا لله وإنا إليه راجعون

صج مصيبتج كبيرة وعلى قدر صبرج يمكن تنالين الجنة

ليش تحرمين نفسج من الأجر ؟؟ انتي ضامنة أعمالج اللي عندج بتدخلج الجنة ؟؟

تدرين جم سنه بتعيشين بدونهم ؟؟ عيشي الوقت اللي كاتبه لج ربج وانتي صابره محتسبة

وبإذن الله بتجتمعون بالجنة أما إذا يأستي من رحمة ربج وانتحرتي

راح تظلين طول عمرج مخلدة بنار جهنم مو النار الي احترقوا فيها أهلج دقايق مو نار الدنيا

تخيلي حياتج بالدنيا بدون أمج وأهلج إلى ما شاء الله وتخيلي يوم الحساب

ميزان حسناتج بيرتفع على مقدار صبرج وبتجتمعين معاهم بجنة ما فيها لا هم ولا فراق

ولا تبين تنتحرين الحين وتتخلدين بجهنم يعني تنحرمين منهم بالدنيا والآخرة

أعوذ بالله من عذاب القبر وعذاب النار الله يرحمنا برحمته

 

[Maryomah_q8]

الله يرحم حالها يااااااااااارب ويصبر قلبها

قوليلها امج واختج عايشين بس بدنيا ثــانيه مو مثل هالدنيا اللي فيها الحقد والكره ..

راحو عند ربهم وان شاءالله شهداء عند ربهم ...!! شنو احسن من هالمنزله

قوليلها الله سبحانه وتعالى قال : (( يا أيها الذين آمنوا استعينوا بالصبر والصلاة ان الله مع الصابرين * ولا تقولوا لمن يقتل في سبيل الله اموات بل احياء ولكن لا تشعرون * ولنبلونكم بشيء من الخوف والجوع ونقص من الاموال والانفس والثمرات وبشر الصابرين * الذين اذا صابتهم مصيبه قالوا انا لله وانا اليه راجعون * أولئك عليهم صلوات من ربهم ورحمة واولئك هم المهتدون ))

وهذا ابتلاء واختبار من الله بالدنيا قاعد يختبرها

وعسى الله يجمعها فيهم بالجنه يارب

ماقصرتي والله عدل كلامج
عسى الله يهون عليها ويبرد على قلبها إن شاء الله
أهم شئ تقرون عليها أو تودونها عند شيخ
" ألا بذكر الله تطمئن القلوب "

 

[الجادل الطرقا]

وبعد ما فيها شي إذا وديتوها مطوع وطبيب نفسي يتابع حالتها

اللي هي فيه مو شوية بس أهم شي تقوون إيمانها اهو الشي الوحيد اللي يصبرنا على بلاوي الدنيا

وسولفولها عن مصايب أكبر من المصيبة اللي صارت لأنه الإنسان بطبعه تهون عليه مصيبته إذا شاف مصايب غيره

قولولها انتي ماتت أمج وأختج بس شلون الرجال اللي ماتت مرته وبناته الثلاث ورا بعض رايح جاي للمقبرة

ولا واحد ظفيري مع أخوي بالجيش متوفين 14 حرمه من اهله أمه وخواته وبنات خالاته اليتامى كانوا عايشين معاهم بالبيت

وكلهم راحوا العرس والولد قبل أمس رايح الدوام قلت لأخوي لييييش اشجايبه

يقول ضاقت عليه الوسيعه البيت الصبح متروس وبالليل ولا أحد فيه يااااااربي تلطف بحاله

الولد جايهم منصدم ما يدري وين يروح حتى العمداء والضباط سووله اجتماع يعزونه ويواسونه

بس الحمدلله على كل حال صدقوني كل أمرنا خيره حتى هالمصيبة خيرة

بإذن الله ذنوب اللي احترقوا بتنغفر وذنوب الصابرين بتنغفر

وجزاهم الجنة إن شاء الله واحنا اشنبي من هالدنيا غير الجنة ؟؟

والله قلبي حارقني من جم يوم وانا الحمدلله ما فقدت أحد بس لما أفكر بحال المتضررين ياااااربي الله يعين قلبهم

بس ساعات أقول لنفسي لي متى بتضايق عليهم ؟؟ كاسرين خاطري ؟؟ و ربهم اللي ابتلاهم مو أرحم مني عليهم ؟؟

انا برحمهم أكثر من ربنا ؟؟ استغفر الله ياربي هم لازم يصبرون واحنا بعد لازم نصبر

وهذا قضاء الله وقدره اللهم لا اعتراض اللهم لا اعتراض اللهم لا اعتراض

 

[زهرااا]

لا حول ولا قوة الا بالله

 

[لك أيامـي ~]

اهم شي ماتخلونها لحالها كلللللللللللللش


والبنات ماقصروا في الردود

 

[@ربانة العود@]

الله يكون بعونهآ
و يرحم أمهآ و أختهآ و يغفرلهم

 

[عزوتي واااصل]

هذا الشيطان يوسوس لها
نصيحه أخت ديري بالك لاتتركينها بروحها ابد
مهما صار حتي إذا بتدخل دورة المياه لاتقفل الباب امسكيه لها واشغليها معك بإي شي وخلج حذره لاتغفلين عنها
وشغلي البقره باستمرار وإذا رقدت أرقيها بآيه الكرسي والمعوذات وشربيها ماي مقرئ او زمزم بدون لاتدري وانتي ادعي لها بصلاه الليل
وعسى الله يشرح صدرها يارب العالمين