ساعدووني يامنقذات، شنو أييـب هدية؟؟ محتارة

[om MaRyooM]

السلام

حبايبي شلوونكم


بنت خالتي بيسوولها حفلة عشان حجابها يحليلها عمرها9 سنوات

بس مادري شنو اخذلها هدية مميزة وبنفس الوقت سعر معقوول؟؟؟


سالنا خالتي قالت تحب العطور نفس سوالف بودي شوب
بس اكيد الغالبية عيل بييبون لها جذي
ابي شي غير


شرااايكم؟؟؟
ادري فيكم ماتقصروون

 

[ام الحوراء زينب]

يبيلها ثوب صلاة وسجاده دانتيل حلوين يهبلون حق البنات

 

[أ. ميم الهاجري]

ملفع حلو او سكارف لان شكثر يستنكرون شكلهم بعد الحجاب

 

[سويت فانيلا]

بدله طويله مع حجاب

 

[الأميرة جوري]

طقم صلاه ...

 

[قطوة@@]

امممم وديها كليرز ولا اكسسريز خليها تنقي اللي تبيه يهبلوون سوالفهم انا للحين اشري منهم
و بعد فيه سنتربوينت سوالف مكتبه استزي لها طقم جنطه و مقلمه مع دفاترهم يهبلوووون
امممم واايد اشياآء بعالعمر بس اهم شي التغليف البنات يحبون سوالف علب و تزيين ة سوالف مخشوشه بالعلبه

 

[manoooram]

أول شي ألف مبروووك يا قلبي
اخذي لها من Guess اسواره بروحها أو ويا تراجيها
مع Set بناتي عندج كذا مكان تاخذين لها منهم
Bath & Body Work بدون عطر
Body Shop
زهور الريف

 

[مولاي الفرج]

اي اشتريلها ملافع تناسب عمرها

انسب شي لها عشان تستانس عالحجاب

 

[mafio98]

اذا تعرفين ذوقها اخذي لها ملابس البنات بالعمر يحبون ملابس واكسسوارات واذا ماتعرفين انا افضل تاخذين لها بطاقة الشايع لها فئات من ٥-٣٠ اعتقد اخذي لها البطاقه واهي تنقي حق نفسها اعتقد هذي انسب هديه

 

[om MaRyooM]

مشكورين صجججج ماقصرتوو والله

 

[سوسو حبيبتى]

مبرووك عليها

ياحلووك وياحلوو سوالفك

افكار البنات حلوة