شوفي
انا بجاوبج على السؤال الاول مال الصالون والحف
روحي حق المولات الكبيره
من طقة ميسيز
فوق عند محلات المكياج
يحفووون ترا
عادي
يشيلون لج بشمع
انا كنت اسوي عندهم لما كنت مسافره
وبالنسبة حق جسمج المكينة ما تقول لأ
اشتريها مالت براون
وتلاقين بعد في اناهايم
كلها عرب
اذا انتي في كالييفورنيا
يمهم اناهيم
كلها مطاعم عربيه ومخابز وجذي
فتلاقين عندهم صالون حريمي
اما الكريمات والكلونيات واشياء التجميل عامه
فترا هناك شغلهم ايننننننننننننننننننننننننننننن
يعني اغراضج اخذيها اللي اولردي شاريتها
غميضه عليهم
ولي خلصو مو تحاتين تقولين يمكن تخلص ولا جذي
لأ
هناك بترتاحين من هالناحيه واااايد لأن بتشوفين اشياء عجيبة غريبه وتونس وايد وبكل مكان مو تقولين ولايه عن ولايه تفرق
اللبس نفس الشي هناك الشي اينن وعجيب
حتى لو متحجبه بتلاقين
يبقى الأكل
هههههههههههههه
وهم هذا ترا موجود بالبقالات العربيه
بس ديري بالج ترا هناك ما يدخلون الأكل
اذكر كنا مودين تمر وخذوووه منا
بس انا كنت مزرقه جم كلاس جبن كرافت اشوه ما جكووه هههههههههههه
لا تحاتيين ولا شي ولا شي
امريكا وااايد حلوه
ومعيشتهم سهله
حييل حييل سهله
تخيلي حتى غسال الهدوم متعه
والله
يعني تلاقين مكان كله غسالات تحطين خرده وتغسلج وتجففهم وكلشي
حتى الصابون مالهم اينن
جنج حاطه كمفورت
ولا تقولين وين اشرهم
لأن اكو نشافات
غسال المواعين في كل شقه تقريبا في غسالة مواعين
وتلمع الصحون والكلاسات يلمعون ويلقووون
هناك ماكو غبار
مثلنا لازم على طول ايدج في بيتج
فالتنظيف بالفاكيووم
والله بتلاقين سوييتي كلشي في بيتج في غضووون ساعات قليله
اهم شي ارتاحي
اخذي وياج الاشياء اللي ما تستغنيين عنها
مثلا : ثوب الصلاة
السياده
القرآن
اذكار
اذا تحبين سوالف المشعل وغيره اخذي وياج حق الترشرش
فحم البخووور
البخور
سواء المعمول ولا البخور العادي
واستمتعي هناك
والله تجربه حييل حلوه حييل حييل
تحسين ان ما عندج مسئوليات الا بيتج وريلج وبسسسس
ماكو توجب ولا عزايم ولا غيره
ولا مظاهر ولاشي
تحسين ريلج ماله الا انتي
وانتي مالج الا اهوو
وخاصه الموضوع في بداية حياتكم
فحلو تأسسونها بعييد عن الناس
الله يهنييج ويسعدج ويسخرج ويسخرلج حبيبة البي
