سافرتى تايلند وماليزيا تعالى ابيج

[ArEEj]

هلا هلا
حياالله البنااااااااااااات

انا عندي استفسار
انا رحت ماليزيا مرتين وحبيتها بصراحه
كان ودى اروح لتايلند
بس لما قريت تقارير البنات تضايقت
شكثر بنات ما اعجبتهم ويقولون وسخه وما تسوى

اللى شافت الديرتين

اى احلى ماليزيا ولا تايلند ؟؟
اى اونس ؟؟
اى ارخص ؟؟

يعنى تنصحونى اروح تايلند ولا خليني على ماليزيا للمره الثالثه !!!!!!!!!

 

[بنت العجمان السنافية]

تايلند لووووووووووووووعه

انا اقول غيري روحي باجي شرق اسيا

عندج الصين اندونسيا الفلبين المالديف سنغافوره

عموما ماليزيا مالومج ماينشبع منها

 

[الزيزفونه]

صج تايلاد لوووووووووووووعه انصحج تروحين اندونيسيا وترحين بانكوك بس تسوق وناسه اسبوع يكفي انا رحت تايلاند وتحسفت بس التسوق بانكوك وايد رخيص وفي جم وحده عراقيات يبعون ساعات وشنطه تقليد درجه اولى بشارع العرب وفي السوق الصيني يهبل بس عيبه ان لازم تاخذين بالدرزن من نوع واحد

 

[keeka]

شوفي عن تجربه انا جربت الاثنين ماليزيا اكييييييييييد احلى من جميع النواحي بس بما انج ماجربتي تايلند روحي منتي خسرانه روحي بوكت وبانكوك وشانغ ماي ولاخلي رحلتج كلها ماليزيا وتايلند اخر اسبوع للتسوق

 

[عثمان حبي]

حتى تايلند حلوه وبضاعتها عجيبه والشين بكل مكان حتى بماليزيا بس جزر تايلند عجيبه

 

[روج وردي]

لووووووووووووووووعه تايلند كرهتهاااااااااااااااااااااااااا بس بصراحه رخيصه وحالاتها حق التسوق بس ماليزيا وباقي شرق اسيا احسن لج لان تايلند حتى ريحه الهوى خايسه

 

[ArEEj]

كان قلبي حاس بتقولون لى هالكلام

يا ربي ما ودى اروح ماليزيا مره ثالثه

وما ابي اروح مكان وأتحسف على السفره

اهى مره وحده بالصيف ابي اضبطها عدل

وهونغ كونغ يقولون غاااااااليه

 

[شيوم]

انا رحت ماليزيا ورحت تايلند شوفي حبيبتي تايلند صج شوارعها واهي كلها وصخه بس اغلب دول شرق اسيا جذي روحي سكني بفنادق 5 ستار تستانسين واحس عن نفسي سوقتها تونس والحجز اللي فيها شحلاتها ما ينمل منها مثل جزيرة بوكت وبيبي ايلاند وجميس بوند ايلاند وفي ناشاطات وايد بالججزر وفي بجزيرة بوكت مكان يسون فيه مثل الشوو والعرض ورقص وسيرك حددددده عجيب وايونس اسمه فانتاسيا شووو يعني فيها اماكن تونس وماليزيا حلوه ونظيفه وهم فيها جزر نصيحتي غيري و توكلي علي الله وروحي تايلند اي صح تذكرت في شارع اسمه شارع بات بونق او بالاصح شارع الليل ههههههه فيه بلاوي هشك بشك ويضحكون بس هناك تلاقين الجناط التقليد والساعات وكل شي وفي عندج الحي الصيني جاينا تاون في شغلات وايد والفاكها طبعا مالها والي هناك في شغله ينقال لها دورياااان ريحتها تصك الراس خايسه وقويه بس لاتذوقين الطعم عسل وبالتوفيق

 

[حـلا و ذوق]

بتايلند بانكوك هي الخايسة وانا ابدددد ماعجبتني حتى سوقها ماعجبني !!

بس عندج بوكت فضيييييييييييييييييييييييييييييييييييعه احلى من ماليزيا بمليووون


تاخذين راحتج بحر ورومانسية والرحلات اللي فيها نااااااااايس ^_^

انا رحت ماليزيا وتايلند .. ماليزيا عادية كوفي شوب وسوق مافيها برامج مثل بوكت

وشوفي بعد باقي الآراء

 

[kandora]

انا مع حلا وذوق .... روحي بوكيت بس لانها تونس ورومانسيه ورحلاتهاااا ونااااااسه وايد
وماليزيا انظف بالشوارع والتعامل كافي ديره مسلمه

 

[فيفالدي]

والله استغرب انج ماتبين تغيرين عن ماليزيا

اذا انتي ماودج تايلند غيري عن شرق اسيا وروحي اي مكان ثاني

كلميني عالخاص وافيدج صح

 

[ArEEj]

والله يعطيكم العافيه على الردود اللى تبرد القلب

حاليا انا فكرت بس ما قررت قرار نهائي

كولالمبور - بوكيت - سنغافوره - كولالمبور
شرايكم ؟؟
يعنى بماليزيا راح استغنى عن الجزر بروح بدالها جزيرة بوكيت بتايلند
وسنغافوره ما شفتها نمر عليها بالطريج

 

[DeNaLi]

انا رحت الديرتين طبعا ماليزيا روووووووووووووووعه و تايلند بصراحه استانست ببوكت تيييييييينن بس بانكوووك ما امدحج فيها .... have fun ;>