سافرتي لندن ؟؟ اتمني تساعديني ..

[عـشـــ كويت ــقـــي]

السلام عليكم ورحمه الله وبركاته ..
شلونكم خواتي شخباركم ..


بدون مقدمات .. ابوي وعمامي واختي مسافرين لندن صار لهم فتره راحو يعلاجون عمي هناك .. من بعد الحادث واهو لحد الحين بغيبوبه .. الله يشافيه ويعافيه يارب ..

حلو؟؟

لكن مشكلتي شنو هي النت ...

انتم لمن تسافرون هناك شلون تشبكون ؟؟
ماحصلوا واير لس .. او يكون في موجود بس مايعرفون الباسورد ؟؟
لحد الحين ماحصلوا شي .. واهم محتاجين النت ..
والبيت اللي ساكنين فيه مافيه تليفون علشان يشبكون عن طريق الدايل الاب ..

واللي يعافيكم ..
قولوا لي لمن سافرتوا شلون شبكوتو ..
عفيه لا تاخرون على .

والسلام عليكم ورحمه الله وبركاته .. ​

 

[FoOosHiia]

في بالقهاوي و المطاعم
مثل ستاربكس و ماكدونلدز

الله يشافي عمج و يرده بالسلامه

 

[الفزاعة]

اولا الله يقوم عمج بالسلامة ويردهم سالمين
بالنسبة للانترنت في طريقتين
اول شي يدورون الوايرلس اللي حولهم اذا في شبكة اسمها BT OpenZone العملية سهلة! يدشون موقعهم "مايحتاج انترنت" ويشترون يوم يومين او شهر ويدفعون بالكريدت كارد ويشبكون طول هالفترة
اذا ماحصلوا هالشبكة في نطاقهم عيل خل يروحون حق محل فودافون ويشترون Modem USB القطعة اللي تتوصل باللابتوب وفي منها شهري وسنوي ورخيصة وسريعة ماتزيد عن 30 باوند بالشهر والسرعة تقريبا 5 جيجا.. مو اهني صالخينا بالقطعه والسرعة الله خير
اتنمى اكون افدتج

 

[عالي مستواها]

بلندن كنت اشبك بكافيهات

إذا اقامتهم مؤقتة ومو مطولين ماله داعي يشتركون بالنت والكافيهات سعرها معقول حق استخدام بسيط بو ساعة ساعتين باليوم