ساكنة بايجار ولا عندج بيت ؟؟ تعالي قوليلنا

[PuPa^^SWeeT]

الله يوفقج




ويرزقج البيت السسعييد

 

[المها الابيض]

توني متزوجه ماصارلي ٣ سنين مااتخيل يصير عندي مسؤوليه بيت وطباخ غدا وعشا كل يوم
بس ان شاالله لما يكثرون عيالي ويكبرون اكيد مابي الشقه ابي الوساعه بالبيت والخصوصيه
بعيد عن بيت الحموله
والاهم الله يرزقني وياكم ببيت بالجنه
آمين يارب

 

[جلكسيه اس 3]

خوش موضوع
احنا سالفتنا غير الوالد الله يهديه
بااع البيت
و من ساعتها و احنا فبيت ايجاار
و ما يندرا افلوسه اشكثر راح اتكفي على معاش البيت الي ماجره من زمان
و هو كان يقدر يشتري بيت بس الحين يقول ما يقدر
*بنات أمانه ادعولنا ان الله يرزقنا بيت ملك وسيع و يكفينا كلنا انا و اخواني و خواتي

 

[PuPa^^SWeeT]

المها

الله يرزقج البيت السعيد





سكرتيرة


الله يكوون بعوونكم ياقلبي




اعرف ناس وايد جذي اضطرو يبيعون بيوتهم


اما لقروض ولا شغلات خارج عن ارادتهم



الله يكون بالعون

 

[PuPa^^SWeeT]

اب اب اب
اب اب
اب

 

[ابتسم ماتستاهل]

اما انا ساكنه في شقه واسعه واصحاب البيت طيبين بعد ماكنت ساكنه بيت اهل زوجي في غرفه مع ولدي الي عمره سبع سنوات وبنتي عمرها سنتين والبيت مليان غرف فاضيه المهم جنبي جاره الله لايرويكم في اللقافه كل شوي داقه الباب وسوالف غير كذا ابغي نفس عطرك نفس خامة عباتك نفس فستانك بنتك صوتها عندي ونا اكنس مكنستك صوتها عندي الشكوه لله بس

 

[زوجة حياتي]

السلام عليكم

اما انا حالتي حالة ساكنة بشقة الله لا يوريكم كل روائح العمارة تدخل عندي من طباخ وبخور وعطوور مادري شلون اوصفها تكتم النفس وغير جارنا الله يهديه متزوج فلبينية اهي وعيالها اعوذ بالله لسانها طويل وصوتها جنها جني 24 ساعة ضرب بالباب وبابهم مايرتاح وصراخ حسبي الله عليهم كرهوني بعيشتي وادا كلمنا الحارس يقول اشتكو عليهم بالمخفر مالي شغل
ادعو معاي ربي يسر اموري الاقي شقة مناسبة وسعرها يكون زين

 

[M!Ss Smart]

انا متزوجه وتوني كملت سنه وساكنه بشقه وصاحب البيت محترم واحنا ماننطره يدق يسأل عن الاجار ع طوول زوجي يدق عليه يقوله طرش سايقك ويعطيه فلوسه وعلى الجيران الشقه اللي مجابله شقتنا كانو ساكنين زوج وزوجته يوميا صراخ اهيا تسبه واهوا يسبها بس الحمدالله ماطولو ست شهوور وطلعو من الشقه والحين اللي سكنو هدووء وتوهم متزوجين ان شاءالله دوم الهدوء بس الي تحتنا ام ولدها وهدوء بس استخف من الازعاج اذا وصلت بنتها متزوجه سعودي وعندها عيال وتقعد عند امها شهر شهرين وعيالهم قمه الازعاج واللفت مايرتاح منهم صاعدين نازلييين وكله يسفطون حده حده يم مسفط سيارتي وماقدر اصعد سيارتي الله يهديهم واللي بدور الارضي ماشاءالله عليهم عندهم عيال بس قمه الهدوووء ومحترمين و البيت حده مطووووولين الله يسهل

 

[!الجادل الصعب!]

هب هانا ساكته فبيت حمولتي مو اجار والحمدلله

بس لفتني شغله اغلبكم يجهل بقوانين المؤجرين

الشقه اذا سكنتي م تطلعين منها باي وقت مو بكيف المؤجر اذا ملتزمين باجار
محدد ..حلوه اصبغ ةاعدل ويسكن ولده مكاني عقب سنه ..!
وبس تشتكون عليه الحق معاكم وتدفعون اجاره كل شهر باامحكمه شغله نص ساعه وتقعدووون على قلبه.
وشي ثاني م يقدر يرفع الاجار هم الا كل خمس سنين مره


اعرفوا حقوقكم ترا الدولة فيها قانون

وعسى الله يرزقنا بيوت الجنه بالاخره ي رب

 

[Loloki]

بنات انا ابي شقه تمليك مطابقه بنك تسليف وين احصل ؟؟؟

 

[Loloki]

ساكنه بشقه وانطر بيت هههههه بعد ١٥ سنه او ٢٥ سنه

ف قاعده انفكر بشقه تمليك مطابقه الي عندها فكره تقولنا

 

[ريتااجي]

من السعودية وساكنة في بيت اهلي

والحمد لله مرتااااحة لي مدخل خاص

رجلي يفكر يبني لنا شقة في بيت اهله

مع اني مو حابة الفكرة

اذا بعيد عنهم وحماتي في كل طلعة وسفرة لازقة فينا

كيف اذا سكنا معاهم

والبيت مطوووول اذا رجلي مقدم ع الارض من يوم

هوه صغير وللحين ماطلعت له هالارض

الله المعين وربي يعجل بالفرج

 

[نـعـومـه]

انا ساكنه بأجار وراح نطلع نروح شقه ثانيه بصراحة شي خيااالي الاجارات ناااار غاااليه شدعوه خافو الله شقه اجارها 600 700

واذا مناطق العاشره 400 450 !!!

المعاش راح