سالتكم بالله ضايقه فيني ومحتاجتكم

[جوانا2010]

الله يكون بعونك حبيبتي ​

 

[عيون&الريم]

ديري بالج لاتنامين على جنابه زوجي مايحب ينام على جنابة كلش بس مره مدري شلون نمنا والا انا متحلمه اني ميته وماشفت امي >انا بغربه<فقمت ابجي لاني بديره وامي بديره وبعدين قمت تسبحت ورديت الفراش ولا زوجي يصارخ وهو نايم وقومته من نومه وطلع المسكين متحلم بكوابيس تخرع وقام بسرعه تسبح وقرينا المعوذات ونمنا نومه مريحه بالوضوء وقراة القران والله راحه وتبنا ننام بجنابه مره ثانيه

اااااااه بس والله حاسه فيج انا بالغربة مع زوجي وحدي زهقت من الغربه
الله يكون بعونج قلبي

 

[مطعونه بسهم حبيبي]

ياقلبي انتم تسلمون ياحبيباتي مالي بعد الله غيركم واشكر الاخوات اللي راسلوني على الخاص ماقصروا وللاسف مشاركاتي ماتسمح اني ارد عليهم على الخاص حبيباتي انا من بعد اللي صار لي الحمدلله مستحيل انام على جنابه والمشكله انا بكندا وين بلاقي شيخ يرقي انا المشكله الحاله ماتجيني الا في اخر الليل يعني على الساعه 2 اكثر شي والحمدلله محافظه على الصلاه والاذكار وصرت اشغل سورة البقره في بيتي وبديت اقراها وقبل شوي وانا اقراها حسيت بخنقه وقسم بالله بغيت ابكي وماابي اشغل زوجي معي يكفي دراسته وهمومها ااااااااه ياقلبي وقسم بالله تعبت ياربي تشفيني من اللي انا فيه يكفي بغربه ووحيده ومااحد قريب مني الا رب العالمين تكفوووووون لاتنسوني من دعواتكم وانا ان شاءالله بكلم الدكتوره بكره واخذ موعد عندها واقول لها اللي فيني واسوي تحليل شامل وان شاءالله بقولكم وش يصير معي اول باول الله لايحرمني منكم وربي ماقصرتوا معي انتم خواتي مالي بعد الله غيركم

 

[om MaRyooM]

مالج غير الرقية وسورة البقرة

والله يعينج انشالله

 

[miss swan]

نصيحتي لج أختي سوي فحص كامل بالمستشفى سبحان الله يمكن عندج شريان او أكثر منسد بالقلب وهالشي صار مع امي الله يحفظها ...

لا تتاخرين الموضوع ....


ولو طلعت فحوصاتج اوكي نصيحتي دايم ارقي نفسج وحطي قران بالبيت واقري ولا تنسين الاذكار.....


دعواتج

نفس رايها فحصي انا زوجي فيه نفسج طلع مرض عضوي تخيلي الغازات تخنقه يعني اذا تعبت نفسيته بالذات لما يحاتي شغله يضطرب الغولون العصبي والترتفع الغازات لي درجت انه يختنق وضربات قلبه تزيد ولين يتشهد ييله احساس الموت
بس عقب العلاج تحسن الحمدلله​

 

[_ظل الياسمين _]

اضن اللى فيج اكتاب مابعد الولاده.....

 

[كويتيه شماليه]

حبيبتي حتى لو في شيخ يقرا ما انصحج تروحين له لانج انتي اللي تنفعين نفسج بقراءة سورة البقرة والاذكار اليوميه والصلاة بأوقاتها صدقيني الا بذكر الله تطمئن القلوب انا وحده من الناس صارت فيني غده درقيه وانا عروس وكنت احس بخنقه وكله نايمه مالي خلق لزوجي وكله اعصاب واطلب الطلاق والله ما شفت العافيه الا من داومت على سورة البقره والاذكار والله الحمدلله تحسنت حالتي وعلى فكره احلامي كانت كله قطاوه سوده تعضني والحمدلله تحسنت وقمت انام على طهاره وقبل النوم اتعوذ من الشيطان واسمي بالله والله يعينح انا رديت على موضوعج مره ثانيه بتطمن عليج والله حاسه فيج الله يعافيج من كل شر