سالفتي انا و ريلي

[noona90]

لا تستعجلي ولاتفكري بالطلاق
يمكن زوجك مستغرب الجو الجديد او مستحي منك حاولي تشجعيه وتقربي له وتزيني له
حاولي تكوني جنبه عطول وافتحي سوالف واعرفي ايش يحب واعمليه له من اكل واهتمام وكذا
الله يوفقكم ويسير اموركم

 

[ام عبادي 22]

الله يهديكم لبعض

 

[دموع أنثى]

,


استغفر الله شفيكم تفكرون جي على طول فكرتي أول حل و اسرع حل " الطلاق " !
في مليون حل وحل قبل الطلاق ليش ركظتي على آخر حل على طول !
يبه هاذا ولد عمج و آنتوآ آهل ! يعني الحمد لله طبعهم مو وآيد غريب عليكم
ناس منكم و فيكم تعرفونهم و يعرفونكمـ ,،
كل الي عليج تسوينه الحين .، تحطين في بآلج آنه " أول سنين الزوآج صعبه "
و يبيلها صبر من الـ زوج و الزوجه ! حبيبتي الريال يبي الوحده تالي تسأل عنه خصوصا أول الزوآج
بس بنفس الوقت مآ تصير لزقه 24 ساعه تكلمه !
كشخي و رتبي نفسج و بيتج حآولي تتقربين منه بالسوالف !
خليه يحبج آنتي و ذكآئج عآد بعد مآله دآعي نعلمج شلون ؟! :|
سويله على يوم عشا خفيف ! قوليله خل نطلع مع بعض !
طلعو استانسو تعشو عشا رومآنسي .، سولفي آنتي اذا اهوة مآ يسولف
آنتي شوفي شنوالسوالف الي يحب يسولف فيها و تكلمي معاه ,،
حسسيه آنج تبين تسعدينه ! لا تفكرين بالاشياء السلبيه الي فيه
فكري بالاشياء الايجآبيه .، كل وآحد فيه الزين و الشين .,، بس آنتي لا تشوفين الجآنب الشين و تخلين الزين
حآولي بـ شتى الطرق آنج تحبينه و يحبج ! ,، عيشي حيآتج يا قلبي
المره مو كل يوم لها ريل ! و مو تخلين كلمه الطلاق على طول على لسآنج ,،
باجر لمآ آييلكم يعال بآذن الله رآح تنقلب حيآتكم فوق تحت 180 درجه
كل السالفه يبيلها شوي صبر + دعاء !
آغلب العرايس يمرون بالحآله الي آنتي تمرين فيها أول الزوآج ,،
بس الحين الحمد لله تغيروآ و عاشو حيآتهم و تعودو على رياييلهم ,،
و آنتي كلها سنه سنتين بالكثير و رآح تذكرين هالموضوع و بتظحكين على نفسج
تقولين آمبيه من صجي انا اقول جي عن حياتي وعن زوجي ؟! :/


.

الله يتمم عليج .!

أوافقها الرأي

 

[ديانا سبنسر]

يمكن يدري انج كنتي ماتبينه

 

[ابلة لولوة]

شوفي حبيبتي

اعتقد والله العالم انه ريلج خجوول , لانج من اهله وبنت عمه وزواجكم كان من اختيار الاهل

خليه ياخذ عليج ويتعود على وجوودج معاه وهذا انتي وشطارتج

تدلعي عليه وحاولي تشاركينه اهتماماته حتى لو كانت اهتماماته ماتناسبج ضغطي على نفسج ميخالف

او لاسمح الله فيه عجز وهذا الشي انتي لازم تعرفينه .​

 

[يا كويتنا]

اول شي ديري بالج تقولين له انت فيك شي

لا تحسسينه باي شي حسسيه انه كل شي تمام



نصييييييييحه




انت تدلعي عليه تنططي لميه والبسي لبس مغري حلو وتدلعي عليه


راح يجيييييج يركض




و تنسين الدعاء والاستغفار الله يوفقج ياقلبي

 

[Laidy n3ooma]

الحين هو المتقدم ويبتعد !!

ساليه شفيييك .. شلي مضايقك .. واذا قالج ان سمعت انج ماتبيني وجذي .. قولي له اي ماكنت ابيك بس وايد تغيرت نظرتي فيك وحبيتك .. وكلش ماتوقعت تطلع جذي .. وانا ابيك تغير اسلوبك وتصارحني بكل شي ..

اخذي وعطي معاه .. لاتخلينه جذي .. وصبري عليه

واذا هو مثل ماتقولين يحب وحده او شي .. قوليه يا نعيش حياتنا نفس اي اثنين متزوجين او كل واحد يروح بطريجه دام ماعندكم عيال ..

 

[عيوني مودي]

مافية احسن من المصارحة
مصيبة اذا للحين مامسكك يعني للحين بنت وشوفي اذا ماتغير كلمي امك

 

[دلوعه بابي]

بناااات انا مااا رااح اساله و لا راح اكلمه انا بسوي الحركااات الي قلتوولي عنهااا و انشااءالله يتغير بناات ادعولي

 

[الهاجريه]

احسن حل انج تكلمينه
لانكم اذا تكلمتو وتصارحتو برتاحون
وحاولي قبل لا تكلمينه اقري اية البقره
والله يهديكم وهدي سركم

 

[ام سليمان 2008]

الله يوفقج ويسخرلج ريلج

 

[كلي تفاؤل]

الله يوفقج حبيبتي ..

 

[لياليـ]

الله يعينج
اتقبلي مروري

 

[زوجة عزيز]

ترا مو لازم اتحبينه من اول لحظه تشوفينه فيها ودامه صار زوجج وانتي تبين اعيال صارحيه

 

[sheraZia_Q8]

طمنينا عليج حبيبتي

 

[دلوعه بابي]

بنااات انا كلمته و صارلي سااعه اقرقر فووق رااسه و قول له كل الي بقلبي اخر شي قالي(( خلااص باااجر رااح نفتح صفحه يديده بحياتنا ))و رااح ناام حتى ما خلاني اتكلم كلمه و الحين اهوه نايم و انا افكر شلون صفحه يديده ...!!!!

 

[كلي تفاؤل]

الله يهدي سركم يارب ...

ان شاء الله خير..
انتي خلاص خلي نفسج عادي ..
ودامج قاعده الحين اتركي عنج النت وافرشي سجادتج بهالليل اللي ينزل فيه الرحمن ويقول سبحانه ...من يدعوني فأستجيب له من يسألني فأعطيه من يستغفرني فأغفر له ..

اشكي لربج وخلي عندج يقين ان باجر احسن واحلي بإذن الله

 

[ظل الياسميـن]

الله يسخره لج ان شاء الله

وعسى الله يوفقكم
ان شاء الله

 

[sosa_23]

افضل المصارحه حبيبتي
والله يوفقج بس لا تفكرين بالطلاق
الله يسعدج ويفرج همج

 

[صلوا على النبي]

ديري بالج ترى الدلع الزايد ما يحبه الريال ومايحب المراه اللي شايفه روحها عليه ترى ممكن يحسسه بنقص أو مايحب يزعلج فيخشها بنفسه وهذا له دور كبير على النفسية ومثلج عارف ان حتى الامور الجنسية لها علاقة بالنفسية