سالفتي ويا الماي احد صارله مثلي

[عطر الدوحه]

السلام عليكم حبيااسالكم


انا بالثامن وصايره احس بالعطش

يعني مو من عوايدي اشررب كوووب كااامل وياخذ شوي واشرب كوب ثاني


هل له علاقه بالحمل ولاشي

ايه اصلا حتى مو ماكله شي يعطش والله غريبه

قريت بالنت يقولون له علاقه بالسكر بس انا الحمدلله مافيني سكري

 

[om Firas]

عادي دام مافيج سكر لا تحاتين
الله يهون عليج

 

[كــوب كــرك]

حتى انا نفس السالفه عمري ماكملت كوب
الحين اشرب كوب ونص واقعد شوي واطلب ماي مره ثانيه مستغربه من نفسي بس يللله الماي زين وكثرته له فوائد.

 

[المسكـ]

يمكن مشغلين دفايات ببيوتكم ترا تنشف الريج وتخليج عطشانه وحتى الجلد تنشفه مهما كان نوعها
انا هم جذي من بديت اشغل الدفايه وانا اشرب كل يوم يمكن 3 بطول ماي من العطش
بس شسوي ماقدر اقعد بدونها بررد علي

اما بالنسبه للسكر قيسيه وانتي صايمه واذا طلع 5 ونازل معناته زين واذا اكثر روحي الطبيب احسن

 

[كتالونيه]

انا باول حمالي جذي اربع وعشرين
ساعه ماي
بس الحمدالله ماجاني السكر
لاتحاتين

 

[om 7sony]

اي عادي حبيبتي
انا بعد صار معاي جذي
بالحمل وبعد الولاده
دايما عطشااااانه
معني كنت انسى اشرب ماي قبل الحمل
والحمدلله مافيني سكر

الحين الجسم يستهلك سوائل وايد
طبيعي ان ساء الله لا تحاتين

 

[ياليتهم يشعرون]

والله انا كنت جذي اشرب ماي بشكل مؤ طبيعي بس لمن ولدت قالوا مايصير نولدج طبيعي لان فيج ماي وينزل علي ماي كرمكم الله جني مبطله حنفيه مادري هالماي من الي شربته او لا والله يسهل عليج

 

[● عـِـِـِزۈة آخ‘ـَـۈاْنـهـآ «-~]

انا بعد جذي
مع اني لا اشغل دفايه ولا شي !
بسسسس اعطشش بسررررعه وكله ابي اشرب ماي !

 

[كوكي العسل]

عادي حبيبتي

انا من كنت حامل احط قدامي بطل ابو لترين واخلصه اليوم كله
والحين من ولدت رديت مااشرب ماي وايد

فشي طبيعي لا تحاتين

 

[زين ودلال]

عادي شي طبيعي