سالي سؤال محرج واللي بعدج تجاوب

[Dancing^Queen]

مشاركة: سالي سؤال محرج واللي بعدج تجاوب

واي لا ابيه عمرها ماصارت وانشالله ماتصير


انزين من وحي السؤال
في شخص كله ريحه حلجه خايسه واهو قريب منج وتستحين تقوليله؟ وايي يسالج فلانه انا ريحه حلجي خايسه؟

 

[زيـنـه]

مشاركة: سالي سؤال محرج واللي بعدج تجاوب

عادي من معزتج لازم تقولين له .. عشان يشوف له صرفه بعلج حلاو و الا يتعالج ..


انزين .. و انتي بالدوام و الا بالمطعم و قعدي على الكرسي بكل ثقلج و اندفاعج و انكسر الكرسي .. شيصير ؟

 

[اعييز]

مشاركة: سالي سؤال محرج واللي بعدج تجاوب

لووووول .. بذم كراسيهم أكيد


لووووول وانتي بالسوق ومعاج رفيجتج قعدي جابلتي الفترينه ورديتي لحقتيها واطلعت مو رفيجتج ^_^ ..

 

[زيـنـه]

مشاركة: سالي سؤال محرج واللي بعدج تجاوب

ما صارت بس بضحك على عمري ..

لو انتي بتدشين الحمام و توج فاجه الباب و الا مره عوده بالحمام و مو قافله عليها الباب ( الحريم الكبار ما ادري ليش ما يقفلون البيبان) .. شتسوين ؟

 

[اعييز]

مشاركة: سالي سؤال محرج واللي بعدج تجاوب

عاد حدكم على الحريم الكبار


بكل براءه بقول آسفه .. بس لاتطلع ملسونه شيفكني منها والله اخليها اتحلطم واروح


اضطريتي ادقين على احد من بيتكم ايي ياخذج وانتي رايحة مستنه حق السياره .. وتطلع مو سيارتكم نيهاهاا

 

[زيـنـه]

مشاركة: سالي سؤال محرج واللي بعدج تجاوب

هاهاها ..موقف ..شفتها صارت بناس وايد جدامي و اكثر من مره بس الحمدلله ما صارت فيني

انزين .. بالجامعه او المعهد .. دشيتي المحاضره اول الكورس .. و قعدتي و كتبتي نوتس و الملاحظات و بنص المحاضره و الا باخرها مع الغياب اكتشفتي انج مو بهالماده و انج غلطانه بالقاعه ... شتسوين ؟

 

[جاي وحليب]

مشاركة: سالي سؤال محرج واللي بعدج تجاوب

لوول .. ارقّع السالفه استأذن واطلع .. بس ما افضح روحي


انزين شنو موقفج وانتي رايحه الكلية على اساس امتحان معيّن ..
وانتي اهناك تستوعبين ان امتحانج مادة ثانيه مو اللي انتي دارستلها ؟!

هذا الموقف صارلي اول امس.. :")

 

[b6o6a]

مشاركة: سالي سؤال محرج واللي بعدج تجاوب

لاااااا ماقدر أقدم وانا مو دااارسه اموووت قهررر ويمكن أبجي بعددد ... شسويتي انتي؟!؟! الله لا ييييب هاليوووووووووم..


هالموقف صار فيني بالجامعه
شنو موقفج وانتي تمشين وزلقتي لووول >>> انا زلقت وقعدت على ركبي واشوه الله يحبني كنت بالممرات وماكان فيه احد الا رفيجتي ههههههههه

 

[جاي وحليب]

مشاركة: سالي سؤال محرج واللي بعدج تجاوب

انا قدمت الامتحان عادي,, لابد من التبدّع :")


لوول .. لالا ماابي اضحك اخاف يصير فيني ..
عادي اقوم بس اول ما اوقف اتلفت اذا احد شافني ولا لا ..


شنو شعورج وانتي قاعده ويا ناس ومرتزه ..
وبطنج يطلع اصوات غريبة وسنفونيات ؟؟ :>

 

[همسات ليالي]

مشاركة: سالي سؤال محرج واللي بعدج تجاوب

اتكلم بصوت عالي علشان محد يسمع السينفونيات

انزين


شتسوين اذا رحت حق وحده بمناسبه ومعاج هديتج

ويوم طلعتي الا ولدج حسبي الله عليه ساحب الهديه معاه والناس ساكتين من الفشله ما خذوها منه
؟؟؟؟؟؟؟؟؟؟؟؟؟؟؟؟

 

[عود مبخر]

مشاركة: سالي سؤال محرج واللي بعدج تجاوب

ما تزوجت عشان يكون عندي ولد يسحب هديه


بس لو افترضنا : ابتسم و اقوله يردها و انا ميته من الفشله و بنص هدومي




لو افترضنا

انج بالجميعه واقفه بطابور المحاسب و وراج وحده ما تشتهينها و تنطر عليج الزله او كلمه عشان اتكلم عنج جدام القاصي و الداني

و فجأه :

ما عندج ولا فلس ؟!؟


انواع الاحراج ادري

 

[جاي وحليب]

مشاركة: سالي سؤال محرج واللي بعدج تجاوب

اممم موقف صعب ..

ادفع بالكي نت ..

نفرض مفلسه وماكو بحسابي ..

اممممم .. اسوي روحي هونت ماني محاسبه وانتي نسيت اغراض بعد باخذهم ..

اشيل سلتي وارد كل شي مكانه .. واطلع بدون لا تشوفني اللي مااحبها لوول ..




شنو موقفج .. لو كنتي طالعه على اساس مكان عادي وبتردين .. وقررتي مع اللي وياج ((امج.. صديقتج....)) انج بتسرين ..

ومايمديج كلللش تردين البيت ... واهدومج كللش مو مالت تسيووره .. شتسوووين ؟؟

 

[اعييز]

مشاركة: سالي سؤال محرج واللي بعدج تجاوب

ماروح وجنه العيد لوووول ..


اممم خلصو المواقف المحرجه :>


اييييييييييي بلىىىىىىىى .. حضرتج بالمطبخ وحوسة المطبخ .. طلعتي والا ابويهج ناس ماتعرفينهم .. لووووول ماني قايلة منو باجر يتشمتون فيني بعض ناس

 

[ام مدعج]

مشاركة: سالي سؤال محرج واللي بعدج تجاوب

أعييييز يمه قمه بالاحراااج وااااااااااااااااااااااااايد صارت فيني وااااايد بصراحه احس بالاحرااج الشديد


اللي واري بتروحين عرس و انتي ترقصين تعرجبتي و طحتي جدام الناااس ؟؟؟

 

[miss-1]

مشاركة: سالي سؤال محرج واللي بعدج تجاوب

ابيه قمه الفشله


بس اسوي روحي عادي


اكمل الرقصه وع البيت ع طول

 

[miss-1]

مشاركة: سالي سؤال محرج واللي بعدج تجاوب

اللي وراي لو انكسر الكعب وانتي تمشين بالدوام

 

[جاي وحليب]

مشاركة: سالي سؤال محرج واللي بعدج تجاوب

لووووووووول اعييز .. ارد ادش المطبخ واسوي روحي ما شفتهم.. البلعه ابرك لي من الناس اللي مااعرفهم


امممم .. شنو شعورج لو ناس خاطبينج ويايين بيتكم يشوفونج ويقعدون مع اهلج..
وانتي من السنع قومي وساعدي امج بالجاي والقهوه ..
وطرباااااخ على ويهج ؟؟!!!

 

[جاي وحليب]

مشاركة: سالي سؤال محرج واللي بعدج تجاوب

اووه حددي بطيئة ..

جواباً على السؤال اللي قبلي .. عادي افصخ الجوتي واطقه بالطوفه لما يرجع الكعب مكانه واقزرها لي البيت ..

>> نفس بعض ناس :d

سؤالي نفسه...

امممم .. شنو شعورج لو ناس خاطبينج ويايين بيتكم يشوفونج ويقعدون مع اهلج..
وانتي من السنع قومي وساعدي امج بالجاي والقهوه ..
وطرباااااخ على ويهج ؟؟!!!

 

[اعييز]

مشاركة: سالي سؤال محرج واللي بعدج تجاوب

اقوووووول : من عيّب ابتلى


لوووول الله يغربل ابليسج .. والله اقعد ابجي وخل يولون صراحه بدش داري ابرك لي .. بل عليهم من عيونهم يامال اعيونهم البط----> شفيها اللي انفعلت


لا ضروري ايساعدوني والا بتحلطم عليهم ..


لووووول شتسوين إذا وحده من ذكاءها الخارق بالجمعية دزت العربانه .. طاخ الا واصله لي اريولج ..

 

[جاي وحليب]

مشاركة: سالي سؤال محرج واللي بعدج تجاوب

عادي دفاشة الاوادم الحمدلله والشكر ..

اكشّر بويها وامشي >>يعني معصبه ..



شنو شعورج وانتي رايحه ويه رفيجتج مطعم ولا كافيه وطول الطريج طقه الصدر وان انتي عازمتها وبتدفعين هالمره..
بعدين تستوعبين ان انتي مفلسه :")