سامعه سالفه قديمه؟في سالفه ودج تعرفين عنها وناسيتها؟دشوو بناات

[HeR HiGHNeSs 90]

لولو دام ذكرتي الفلم في ناس يقولون انه صجي تهقين صجي؟
خصوصن تصويره يخرع الفلم والله حده

بنات انا امي كاتبه عندها كتب يعني في من كتبها كتاب عن الغزو بشوفه الحين واشوف ذكرياتنا واقولكم

 

[نيولوفر]

متابعه

 

[lolo-lilo]

بيني وبينج انا شفته التصوير والقصة وخصوصا التصوير 100\100 تصوير كاميرا شخصية موتصوير سينمائي وتخيلي اول ماعرضوا بالسينما قالوا حق المشاهدين انه محد شاف البنت والصبيين وان كل اغراضهم اختفوا وصج انصدموا بس ترى الفيلم فيلم وثائقي وهما تعمدوا انه يكون تصوير شخصي علشان يبين انه قصة صجية بس اهو موصج كله تمثيل بتمثيل
والممثلين موجودين بس بعدين طلعوا بعد ماانتشر الفيلم بجزئين الاول والثاني تعمدوا انه مايبينون علشان الناس اتشوف الجزئين وصج صاراللي يبونه والفيلم ربح من عرضه $248,639,099 مليوون عاد عدي جم لول بس تعالي تذكرين اخر لقطة يوم ينزلون السرداب ويضيع الصبي والبنت تلقى صديقهم واقف مجابل الطوفة بالسرداب المهجورر وااااااااااااااااااااي حده رعب


وهذي صورة الفيلم

[/URL][/IMG]

 

[lolo-lilo]

ها HeR HiGHNeSs 90 اعجبج التفصيل للفيلم والشرح

 

[ror44]

شدعوووووو العزم وكملووو
نبي سالفه قلادة بنت باباتي

 

[lolo-lilo]

شدعوووووو العزم وكملووو
نبي سالفه قلادة بنت باباتي

شنوو العزم عبالي قصة مافهمت

 

[Betty]

وااي السوالف تخرع بس كملو كملو
بس لا تقولون سوالف الغزو الله لا يعود ذيج الايام
اي لولو شفت الفيلم صج يخرع جنه بعد سوو جزء ثاني صح ؟
لوول الظاهر رور قصدها شدو العزم

 

[~نسمه هوى ~]

الله ونااسه موضوعج يهبل يبيله قعده وبلع واديلوو قرايه عاد انا عندي سوآآآآآلف بس كلها عفاريت والبنات شكلهم خوفات ما ابي اخرعهم <<يعني انا الشجاعه

 

[ror44]

Betty ايييييييي صح شدوو العزم
لوووووووووووووووووووووول شدنو شدعوووو ههههههههههههههههههههههههههه
امبي انا يااكل حروف ياا ازود حرووف مافي حل وسط
الله المستعان

 

[سكادا بلو]

>>>مبققه عيووونهااا وبيدهااا جيس بطاااط ومتااااااااااااااااااابعه :dddds:

 

[قهوة عربية]

السلام بنات

أنا كنت بالكويت وقت الغزو ...وكنت كبيرة عندي ولدي بو سنتين وبنتي أم سنة

بس ماأذكر سوالف صارت لنا بالغزو ....بس اذا تبون تسألون أي شي أنا حاضرة

خل أقولكم سالفة

كنا ساكنين ببيت حمولتي بالفيحا مع عمي الله يرحمه وعمتي وحمواتي

كنا طول الليل نسهر اما نقرا قرآن أو نلعب بكمبيوتر صخر ...وماكانت تجينا النومة إلا اذا صلينا الفجر

ضحكوا علي أقعد طول الليل مع حمولتي ماننام وبس أسمع صوت رصاص أو انفجارات بالشارع أركض الحمام ......؟؟!!

قولوا ليش ؟؟؟!!!

























كنت آخذ فوطتي وركض أروح أتسبح !!!!!!!!!!!!!!




أخاف يأسرونا بعدين أنحرم من التسبح والنظافة .....فعلى الأقل إذا أخذوني أكون توني متسبحة فريش لووووووووووووووووووووول

 

[lolo-lilo]

لول صرتي مثل اللي يزهب الدوة قبل الفلعة

 

[lolo-lilo]

وااي السوالف تخرع بس كملو كملو
بس لا تقولون سوالف الغزو الله لا يعود ذيج الايام
اي لولو شفت الفيلم صج يخرع جنه بعد سوو جزء ثاني صح ؟
لوول الظاهر رور قصدها شدو العزم

ثانكيوو علا التصحيح ياعمري واي في جزء ثاني ترى كتبت فوووق شوي اول الصفحة عن القصة

 

[princess89]

يلا بناات وينكم

 

[lolo-lilo]

HeR HiGHNeSs 90 وينج وبشري لقيتي سوالف عن الغزو

 

[lolo-lilo]

بناااات منو يذكر سالفة الصبيان اعتقد كويتين اللي راحوا جبل بعماان واول ما راحوا عند الجبل لقوا شايب حذرهم من الجبل ولايدشون بس ماطاعوا ودشوا داخل وصوروا فيديو ومات رفيجهم اللي يصور لان شاف يني شكله غريب واخترع ومات وربعه يوم دروا انحاشوا وبعدين يوم يت الشرطة شافت الفيديو وحطوا الصورة اذا تبون احطها اذا لقيته مابي احطها اخاف تخافوون المهم عقبها حرموا
وانتشرت السالفة اذا تذكرون بمجلة الجريمة

 

[قهوة عربية]

لولو شفتي شلون ؟!

بعد أنا صاجة ...أنا شدراني متى يخلونا نتسبح مرة ثانية

هذا بروحه مأساة غير الأسر ...عاد كلش ومانتسبح ونخيس ...ضيييييييم

 

[Lulu Sweet]

جفت قصة الينية مرجانة في قوقل بس ماكملتها لان خفت اذا تبين الرابط طرشي لي رسالة

 

[ياعشيري جعلك السلال]

بنات تعرفون البيت الابيض الكبير الي بالسره قبال الممشى

اذكر من زمااان جدتي الله يرحمها تروح الممشى مع جاراتها وطبعا انا رازة الوجه اروح امشي والعب بالديارف والزحلاقيااات


وطبعا هالبيت مسبب لي ازمة واموت خوووف منه


لان يقولون انه مهجووور ويخرررع


عاد المرشح نامي النامي اشتراه والحين ساكن فيه

وللحين كل ما اروح هالمنطق عشان اروح الجابريه ( بيتنا ) اتصدد عنه خخخخخخخخ

 

[سكادا بلو]

بناااات منو يذكر سالفة الصبيان اعتقد كويتين اللي راحوا جبل بعماان واول ما راحوا عند الجبل لقوا شايب حذرهم من الجبل ولايدشون بس ماطاعوا ودشوا داخل وصوروا فيديو ومات رفيجهم اللي يصور لان شاف يني شكله غريب واخترع ومات وربعه يوم دروا انحاشوا وبعدين يوم يت الشرطة شافت الفيديو وحطوا الصورة اذا تبون احطها اذا لقيته مابي احطها اخاف تخافوون المهم عقبها حرموا
وانتشرت السالفة اذا تذكرون بمجلة الجريمة

لولو السااالفه هذي سااامعتهاااا تقريبا على ال99 او 2000 اذكر قااالهااا اخوووي لناااا ..

ذكرررتيني بسااالفة هم بعد بعمااان

سمعت ان فيه حرمه كانت تركب الشجره عشااان تروح حق زووجهااا اذاا تعرفين هالسااالفه لاني مو متذكره تفاااصيلهااا حيل