سامعه سالفه قديمه؟في سالفه ودج تعرفين عنها وناسيتها؟دشوو بناات

[وهج الحب]

السلام ..
اقول لكم ما صدقت القى اشتراكي الله يعينكم علي
حبيت اقول لاخت her highness انا طوال عمري قبل الليزر كنت استخدم هذه المكينه وهي مثل الحلوة وبالعكس تخفف الشعر مع الوقت وحتى يوم سويت ليزر بسرعة راح الشعر عكس اخواتي اللي كانوا يسون شيره لين الحين ما راح شعرهم نهائي من اللليزر ..
وثاني شئ ترى السوالف اللي عندكم بالمنتدى وانها صارت بالكويت هي نفسها نفسها وانها صايرة عندنا مثل قصة المراة اللي راحت الصالة وشافت كل شئ ينعاد ومثلها قصص وايد ما تحضرني الحين ..

 

[lolo-lilo]

هلا والله وحياج الله حبوبة وامبيه من صجج صايرة سالفة المرة اللي تنعااد عفية قوليها حدها عجبتني عااد نفس القصة ولا غير

 

[غربــــة اِحساس]

مس افوكادو

بدعتي انتى والكتاب

اعوذ بالله شئ يخوف

يامعوده مسحي اسمه من الرد

واخذيه من خالتج وعطيه لشيخ دين يتصرف فيه

والحمد لله على سلامتج من شره

 

[الاسطورة]

يممممممممممممممممممممممممه

 

[HeR HiGHNeSs 90]

صج وهج؟ يعني اضل استخدمها
لانه رفيجتي تقول تخلي الشعر يطلع تحت الجلد

 

[وهج الحب]

السلام:
انا كنت مرة بعمان وفي نزوى بالذات وكنا نتمشى الا شفت رجل كبير بالسن تحت شجرة وعنده كتب قديمة المهم عاد كتب وقديمة انا ركضة عليه انسى العالم وسط الكتب الا قاعد هذا الرجال يشوفنيويبتسم حق واحد شاب اللي جانا ووقف بجنبنا وقمت اسولف عن الكتب وقال الشاب للشيبة عطها الكتاب الفلاني والفلاني وقام يغمز لي خذيهم فيهم فوائد عظيمة لك وانا ما فتحت الكتب الا لما وصلت بلادي يوم فتحتهم الا كتب سحر ومزقتهم الا اثنين منهم احتفظت بهم لين الحين بس خاشتهم بس ما تذكر اسمهم ...
وانا من غبائي بعد مثل الاخت والله سويت اشياء من الكتب لاني تصورت انه مجرد صلاة ودعاء وبصراحة انا بروحي من اللي يبين لهم اخوانى احيانا اشياء ...الحين باقصلكم سالفة من سوالفي هي البداية مع هالاشياء بس قبل الكتاب بسنوات ماله الكتاب علاقة كنت جات فترة شوي سارت لي مشاكل في البيت وكنت اروح وراء البيت واجلس على بالوعة وابكي وبعد هذا الامر كنت اذا جاء الليل احس بأشياء او اشخاص صغار يسحبوني الى الباب غرفتي وانا اتصارع معاهم .. هذا مش بحلم حقيقة ..لين اوصل لليت وافتحة يختفون وصار هالامر يتكرر لين صرت ما سكر الليت نهائي ..هذا البيت سكناه خمس سنوات وبعدها انتقلنا لبيت اخر بس اللي فيه مسلمين وعموما ترا محد يحس او يشوف الا انا اخواني وخواتي لم يحصل لهم شئ ابدا ..والحين قصة جريمة للناس اللي يخافون وما يبون سوالف جن ..حشى قناة منوعات ...
هذا الله يسلمكم في واحد من الشياب اللي عندنا انا ما شفته بس من اللي يعرفهم زوجي كان عنده سائق بنجلاديشي وكان خواف ومسكين هالخادم حاطة هالشيبة بالبر عند الغنم وهو مسكين يبكي ما ابي رجعوني انا اخاف .. وفي يوم راح هالشيبة عندالمكان اللي حاط فيها الغنم ومعاه ولده عمره 7 او 10 سنين ما ادري .. وكان هذا الشيبة جالس في خيمة صغيرة يتقهوة الا دخل عليه السائق بالوانيت ويدعمة وطلع الشيبة يصرخ الا تلقاه هالسائق يروح ويرجع علية بالسيارة الى ان سواه بالارض يوم الولد الصغير شاف هالمنظر شرد لحقى السائق بالسيارة بس مالقاه لان الولد دخل بين الشجر الصغير وكان عند هالسائق مهمة اخرى .. راح للمكان اللي في ساكنين وهي قرية مش مدينة وقال لزوجة الرجل وهي مصرية تعالي زوجك يريدك ..وجيبي معاك الولد الصغير المهم الزوجة راحت معاه بس قالت الحين الليل بيدخل وماله حاجة اودي الغصير واصر السائق ان بابا يردة بس المرأة رفضت وخلته باليت وراحت للبر ونزلت من السيارة وشافت الخيمة طايحة قامت ركضة تشوف ايش صاير الا السائق وراها بالسيارة ودعمها كم مرة بس ما شالله لانها متينة تكسرت اعظامها بس ما ماتت ( احيانا المتن يفيد ) هو ظنها ماتت راح يدور على الولد اللي شرد الولد ركض الى ان وصل لدراما ما فوق مكان مرتفع وشاف ايش صار لامه بس السائق ما تصور ان الولد دخل ادرام الماء لانه عالي وقام يدورة بالبر لين جاء الليل وراح لصديقة وقص له القصة ..صديقة ركضة للشرطة وعلمهم والشرطة راحت الموقع وقاموا يدورون على الولد المسكين اللي من الخوف كان منخش بالدرامات وهو يظن ان الصوت هو صوت السائق ...يقولي زوجي قمنا اهل البلدة اللي فيها كلهم والشرطة والهليكوبترات ادور ولد منخش ويصوتون عليه وما يرد من الخوف حتى انهم جوا جنب الدرامات بس هو ما يرد عليهم ...الى ان قالوا ممكن يكون مات داخل هذا المكان لانه المكان الوحيد اللي يمكن ينغلق وصج يوم افتحوا الا هو فيه بس قام يصارخ عليهم من الخوف وصادته حاله نفسية ما شفى منها الا على كبر ...
وطبعا تريدون تعرفون ايش نهاية هذا السائق طبعا اعدم .. لكن متى سبحان الله دارت الايام والسنين وعند وفاة عمتي كنا نريد اخذها للمقبرة الا قال لنا سائق سيارة الاسعاف ممكن نشيل معاكم واحد معدوم جايبته الشرطة قالهم زوجي معلية وهو يخلصون الاوراق الا جاني زوجي وهو يقول يا سبحان الله هذا الرجل اللي ذبح فلان بن فلان وان البنجلاديشي كان مسجون من سنين واسلم ومحد من اهلة يريده ..
اما عن المكينة والله يا اختي انا استخدمتها طوال حياتي يعني من اشتريتها من لندن قبل تيجي الخليج مش من طفولتي وكنت اول استخدم الشيرة وبصراحة ما شفت فرق فيها ابدا احسن من تسدح واح اح لاني لازم اجيب وحدة انا ما اعرف اسوي لعمري والله ما طلع لي شعر تحت الجلد والا غيرة بس انا اسوي حمام مغربي بين فترة واخرى يعني مش شهور لا سنه واحيانا شهور حسب المزاج بس والله صرت كل ما اسافر كنت اجيبها لاخواتي واهلي كانت هديتهم المفضلة رغم انهم من عشاق الحلاوة انا اقصد اللي تشيل الشعر شيل مش اللي كأنها مكينه حلاقة للرجال ..

 

[Manoush]

يممممهههههههههه تؤى بروحي مصرقعه و خواااااااااااااااافه بس شسوي فيني بلاغة شف مووووووو طبيعيه لووووووووووووووول بس صج صج الله يعطييييييييج العافيه على هالموضوووووووووووع

 

[HeR HiGHNeSs 90]

وااااي عما بعينه هل سايق ليش جذيي يسوييي؟؟؟ حسبي الله عليييييه
منووش حبيبتي يعافيج وحياج الله

اب اب

 

[HeR HiGHNeSs 90]

بقولكم قصص قالي ياها دكتوري بالجامعه اهو امريكي وقصص صجيه صارت بامريكا

يقول
مرا كان في بنيه ساكنه مع زميلتها بالجامعه بسكن الطالبات واهما غرفتهم مع بعض ومره كان عندهم امتحان ف اهي نامت بالصاله لانها تدرس ومبطله الليت والثانيه بغرفتهم نايما
عاد نص الليل البنيه راحت الغرفه تبي تاخذ كتاب والليت كان مسكر عاد قالت حق نفسها بصوت يعني جنها تساسر نفسها
انه بما معناه انها ماراح تبطل الليت لانه حرام رفيجتها نايمه ماتبي تقعدها
عاد وراحت كملت دراسه بالصاله ولما غفت الصبح قامت راحت برا شقتهم تبي ماي ولما ردت وله تشوف الشرطه وزحما مسكرين الشقه عاد جان تروح حق الشرطي تقوله انا ساكنه هنيي واهي منصدمه قالولها نشوف الاي دي لما شافو قالولها اوكي دشي
دشت وله رفيجتها مقتوله وبالدم مكتوب عل طوفه arent you happy because u didnt open the light
يعني مو مستانسه انج مابطلتي الليت يعني اهي لو لما راحت تاخذ الكتاب بليل القاتل كان موجود وسمعها وانها لو مبطله الليت جان ذبحها :eh_s(1):
يمااااااااااا​

والقصه الثانيه هم بامريكا كانت مره مسافره من ولايه لي ولايه بليل وراحت تعبي بانزين بمحطة بانزين
واهي بالمحطه يي الي يشتغل هناك ف بطلت الجامه شويه بس عشان يسمعها ماتبي تبطلها كلها لانها تخاف خصوصن انه بليل وماكو احد
عاد اهو كان يلف حواليين السياره ويطالعها وشكله يخرع جان يقولها mam you have to get out from the car
قالتله am not gonna get out why??
قالها you have to get out now am not gonna do anything for you
وحاول يقنعها انه تنزل واهي موراضيه لمن اقنعها وانزلت لانه حلف لها انه ماراح يسوي لها شي عاد انزلت معاه وداها مكتب داخل المحطه وقفل عليها الباب ودق عل شرطه وله شنووو
اهو لما كان يلف حوالين السياره شاف واحد ماسك فاس قاعد بالسياره ورا المره واهي ماتدري
عاد لمن يو الشرطه وله طلع هاذا مريض نفسي منحاش ومنخش بسيارة المره!!!شراايكم بس بالقصتين يخرعوون مووووو؟​

 

[نيولوفر]

وهج الحب و اللي يعافيج شسم المكينه حطي هني بلييييييييييييييييز ... لأني محتاجته ضرووووري

 

[bint_looda]

واااااي يمااا سالفه الليت تخرع تخيلته واهو منخش ناطرها تفتح الليت عشان يذبحها

 

[HeR HiGHNeSs 90]

نيولوفر قاعدين انتحجى عن مكينة براون

يانااس انا فاقده لولو وينج ليش ماتسولفيين شعندج

 

[BaTTy]

وااي ماقدر ماقدر بلاغة شف لازم ادش
و اخترع و ينصفق ويهي و اطلع لوول
اقول ميس افوكادو جان ما حطيتي اسم الكتاب :\
اذا تقدرين تحذفينه يكون احسن والله حرام في ناس نفوسهم دنيئة
خوفج وحده يوزها الشيطان و تشيلين ذنبها

واااي ضحكتوني على سالفة فري كويت يحليلنا
ترى ليلحين ساعات نسويها على عبط

 

[كويتية وطنية]

انا بخاطري اعرف سالفة اشهر قصة حب بالكويت بنص التسعينات

المشكلة ما اقدر اذكر اسامي

منو يقولي التفاصيل؟؟

 

[HeR HiGHNeSs 90]

قصة حب؟ مادري اول مرا اسمع انشاله يفيدونا البنات

 

[وهج الحب]

السلام:
انا البارحة بعد ما كتبت قصتي ما عرفت انام كله جسمي يصير حار يعني معناه اني باشوف شئ تعوذت وفتحت الليت رغم اني راقدة الصبح وعدى اليوم ...
بس عندي سؤال انا بعد عدة ساعات لي في هذا المنتدى يغلق وما اقدر ادشة الا اليم الثاني صارلي هذا في يومينهو طبيعي والا بس عندي تطلع لي سالفة طويلة سوي رفرش وسوي وفي النهاية ما تفتح الصفحة ..
ويا اخت her highness صج انا معاك انها جريمة بشعة بس البنجلاديشي ما ينلام احيانا القهر يسوي اكثر انا والله تأثرت من تأثر اهل زوجي بسالفة هذا الريال وعن زوجته مسكينة بس يوم بحثت وتقصيت لاني ما احب اظلم حد لقيت هذا البنجلاديشي بعد مظلوم انا مأيد الجريمة بس واحد حاطينة بالبر وهو يمووت من الخوف وما يعطونه معاشة كل شهر وكان الرجل يقولهم ما اريد اشتغل رجعوني بلادي لاني اخاف ...
الحين باقولكم قصتي في بيتي اول زواجي انا اول ما دخلت بيتي ومثل ما قلت لكم اني اخس بالجن واشوفهم احيانا لان جات فترة طلع لي واحد وانا في المراهقة في بيتنا القديم وقالي لا تخافين منا احنا نحميك ...المهم بعد زواجي سكنت ببيتي وصرت ليل ونهار يقولون لي بالاحلام البيت مسحور وتعالي بنراويك مكان السحر وووو..
انا ما اهتميت بالسالفة وايد لاني ما اعرف ايش اسوي طيب فيه سحر ايش اسوي فيه ما اعرف ..
الى ان جاءت فترة كنت كله اشوف واحد يطلع من الحمام ويكون مثل الدخان ويوقف جدام باب الحمام لين يصير رجل ..وصرت اسكر باب الحمام والله لو ينفتح كتر بس يطلع منه ..
وفي مرة كنت في سريري واذن المغرب الا شفت الباب انفتح ودخلوا منه ثلاث اطفال من اهلنا وهذول الاطفال ساكنين بالبلدة البعيدة اللي فيها الرجل اللي قلت لكم انه انقتل .. انا ظنيت ان اهلهم جايبينهم عندنا لانهم بيروحون مكان المهم وسيدة اليهال ركضة على طاولة المكياج يلعبون قلت لهم ماما ريم واحمد ونور برع لان ماعلي ثياب وانا باقوم منم السرير وابتسموا واطلعوا ..صليت ولبست ونزلت وقلت لزوجة ابي وهي تعيش معاي وتصير عمة اليهال عيل واين راح فلان وافلانه قالت لي انت صاحية ايش يجيبهم هنا قلت توهم بحجرتي قالت انا طوال اليوم بالصالة ومحد جا ومحد ركب لج فوق .. عاد انا فهمت السالفة وسكت واليوم الثاني نفس الوقت بالضبط افتحوا علي الباب وادخلوا عاد ذي المرة انتشروا بغرفتي يضحكون ويركضون فيها الا انا قعدت وقلت لهم يالله ماما كلكم برع الا وقفوا وابتسموا لي وقالوا لي انشالله واطلعوا يضحكون ..
الا انا طالعة من الغرفة وولد اختي طالع من الغرفة الثانية وكان عمرة تقريبا 3-4 سنين الا قالي واين اليهال اللي هنية قلت له ليش انت شفتهم قال انا من مساعة العب معاهم بس دخلوا عندج وانا قعدت عند باب الدار وما شفتهم بعدين ..
مسكين لين الحين يتذكر هذا اليوم وما خلاه حد ما قص له القصة

 

[BeNt PaRiS]

الحين مو فبالي سالفه ، بس لما اتذكر ما راح ابخل انشالله ...

 

[كحيلانه]

مرحبااااااا بنات وينكمم
موجودين او لاااااااااا

 

[lolo-lilo]

نيولوفر قاعدين انتحجى عن مكينة براون

يانااس انا فاقده لولو وينج ليش ماتسولفيين شعندج

هلا والله حياتي فديت اللي تسئل عني :tek: ماكو بالشاليه وتعرفين ماكو مجال اشبك علا طول بره نحوس بس والله خوش سوالف

ووهج اي نبي بعد سوالفج عجيبة والله انتي من صجج ماخذة من الشايب الكتاب واااي

 

[وهج الحب]

السلام :
انا كنت باقول حق اخت (هير هاينس ) انج طايحة وريولج تعورج ما ادري واين قريت هالسالفة بس زين اني نسيت عن الفشلة وزين انج بخير وقاعدة في الشالية ..:eh_s(6):
اي والله يالولو اخذته من الشيبة ومع غمزة من الشاب وعاد لا يفتوتج كنت مراهقة يعني الوجة شب والخجل لعب لعبتة بس كنت مستانسة لان غمزلي جدام الجميع وفضلني عنهم انه عطاني الكتاب (( وعادشوفي النقزات طوال الليل اوووه من قدج وكان معانا زوجي اللي خذني الحين بس قبل ما خذاني ويوم علموه قام يطالعني من تحت لتحت ..والله كذب لو ما قلت ما استانست خاصة ان الشاب هو اللي قال للشيبة عطها الكتاب الفلاني والله جنهم كانوا ينتظروني .. وقاموا اللي معاي من البنات الحين بيطير وبيجيك وكنا ساكنين في شيراتون عمان وقمت اطل من الدريشة خوف انه يجيني والله تميت كم يوم مانمت كله احس انه بيسحبني من رجلي وبيوديني الجبل الخضر في قلعة وبيسكر علي مثل ما قالوا لي الرجاجيل اللي كانوا معانه والله انا واختي مسادنتي يا زعم نحرس الدريشة طوال الليل واختي الثانية وخالتها اقفلوا الباب عليهم وقالوا لو تموتون مش فاتحين لكم .. واختي اللي كانت تنام معاي تتحندى وتقول ليتني ما نمت معاك ... صج ايام حلوة لنا بعمان كانت ...
بس عن الكذب والله انا سويت شئ منه وكان صلاة وفيها مناداه وعاد ايش اللي قوة قلبي ما ادري لان اصلا غرفتي مليانه لو ما اقرأ اية الكرسي ولو في قلبي قبل ما انام يضربوني على رجلي ضربة يفز لها قلبي ..( الله يجزيهم خير ) ما انسى مرة فضلهم اني كنت ادرس للامتحان الفرنسي ونمت واخواني يظنون اني باروح بعدهم لاني شهادة ثانوية وراحوا مدارسهم وخلوني وانا خبر خير نايمة على الارض والاوراق ممتناثرة حولي الا ضربة على قاع رجلي فززتني ويوم شفت الساعة الا ثمان يعني شوي ويبدي الامتحان ومحد السايق والله كنت اركض مثل المجنونه ادور حد يوصلني الا صديقتي واقفة عند الباب لاني اوصلها كل يوم وما جيتها ذاك اليوم ويوم قلت لها ايش دراك ان سايقي محد الا تقولي اتصلت باليت وردت اختج وقالت تعالي لها بسرعة لان محد يوصلها الامتحان ...وجاتني رغم ان بيتها جنب الجامعة وتقولي والله ما ادري ايش اللي خلاني ارجع واتصل ..بس القصة مش هنيه القصة اصلا انا كنت بروحي بالبيت ومحد معاي الا الخدامة اللي راحت متطوعة تجيبلي سايق جيرانا..