سامعه سالفه قديمه؟في سالفه ودج تعرفين عنها وناسيتها؟دشوو بناات

[music_teacher88]

امبيه الموضوووع حده عجييب يبيله قعده
ولازم اتذكر

يسلمووو على الموضوع ولي رجعه

 

[HeR HiGHNeSs 90]

http://www.youtube.com/watch?v=yrssn3wv3Qs

بنات جيكو الفيديو هاذي المدرسه عاد يمنا لوووووووووووول ودي يوم اروح اسوي جوله ها منو بتيي وياي؟

 

[الغلا الصعب]

يماااااااااااا هير هاينز من صجج :krkrkr:


اقول قعدي ببيتكم احسن لج >>> خوااااااافه

 

[Gap Junior]

متاابعة

 

[آهات قلبي]

قوه ياحلوااااات

أنا متابعتكم صارلي جم يوم

حلوه سوالفكم

بس صراحه تخوف الله يهداكم

أنتظروا سوالفي؟؟؟؟؟؟؟؟؟؟؟؟؟؟

 

[lolo-lilo]

http://www.youtube.com/watch?v=yrssn3wv3Qs

بنات جيكو الفيديو هاذي المدرسه عاد يمنا لوووووووووووول ودي يوم اروح اسوي جوله ها منو بتيي وياي؟

لول انتي يم منطقتنا يلا امرج ونروح علا يوم >>>>مومصدقه في مغامره :eh_s(6)::eh_s(6):

 

[آهات قلبي]

أذكر يوم كنت صغيرة يعني بسن المراهقه ألعب لعبه خرعت الكل كنت متعلمتها من رفيجتي بالمدرسه مادري مرت عليكم هاللعبه والا لا؟هي عباره عن قطعة صابون أخليه مثل القلم وأكتب على أيدي أسم شخص بس بدون محد يدري وأقص عليهم أقول لازم يكون بالحمام عشان الجن موجودين فيه لووووول وأكتب في ورقه أسم الشخص الثاني اللي نبي نعرف منو يحب؟بعدين أحرقها جدامهم وأمسح بالرماد على أيدي فوق الصابون وشي طبيعي راح يطلع أسم الشخص اللي كتبته ويبين بسبب الرماد لوووووول
الله لايوريكم شنو يصير فيهم ؟؟؟؟؟؟؟؟؟؟استخفوا ماينادوني الا الساحره ياحرام
وبس كنت ألعب لعب بعماتي وخالاتي المتزوجات ياحرام وأكتب أسامي من عندي لأزواجهم وأهم ينقهرون.......كلش ولا زوجة خالي مسكينه حرقت أعصابها مسكينة ماعندها عيال وكانت خايفه خالي يتزوج عليها وكانت تقول لي شوفي خالج منو راح يتزوج وأنا عاد لعينه لوووول أكتب أسم وحده كانت حيل حلوه والكل يغار منها....والله كانت تبكي من القهر والحلو في السالفه إنهم ليلحين مايعرفون سر اللعبه بس حرام أكسروا خاطري كنت حيل مشاغبه وشيطانة وماحسيت بأحساسهم الا يوم تزوجت .........

 

[قمردين]

انا متابعتكم

 

[بنت باباتي]

8
8
8
8
8
يالنحيسه ياحرام مرت خالج تكسر الخاطر
عاد جابت عيال
<<<<تدور السوالف

هير لووووووووووووووووول ماراح اشوفه الا الصبح هازبندي نايم
<<<<حدها صارت خوافه

 

[آهات قلبي]

وسوالف الجن ماتخلص ........
أذكر كنا مسافرين العمره بالسيلره وبغينا نرتاح من الطريق في استراحة شكلها أصلا يخرع بس ماكان في مجال نناقش الوالد كان تعبان والدنيا ليل .......المهم نزلنا ودشينا ونام أبوي على طول وقعدنا شوي أنا وخواتي وأمي وبعدها ناموا كلهم الا أنا ماقدرت أنام من الخوف وكنت أطالع كل شي بالغرفة وشوي حطيت راسي عالمخده وهنيييييييي صارت المفاجأه المريعه ؟؟؟؟؟؟؟؟؟؟؟؟؟؟؟؟؟؟؟؟

 

[آهات قلبي]

أهلين بنت باباتي

ماتشوف شر بنوتتج...........

إي والله مسكينة مرت خالي ................أبشرج جابت عيال يمكن من الخرعه.........لوووووول

 

[بنت باباتي]

الشر مايجيج ياقلبي

اي اشوه والله كسرت خاطري مسكينه

 

[بنت باباتي]

لوووووووووووووووووووول شنو المفاجأه

 

[آهات قلبي]

ياطويلة العمر......
يوم حطيت راسي عالمخده شوي واسمع أصوات غنم وناس يمشون و صراخ جهال وسوالف حريم.......ويوم رفعت راسي أختفى الصوت .........وإذا حطيت راسي رجعت لي نفس الأصوات كأنه في ديره تحتي ..........من الخرعه قعدت أختي الكبيره أبي أشوف تسمع شي والا لا؟؟؟؟؟؟
قالت لي ماأسمع شي...... وخليتها تبدل المخده وحاولت أنام وماقدرت من الأصوااااااااات وظليت طول الليل سهرانه وقلبي يرقع من الخوف..يمة والله ماأنساها الليله المريعة .........

 

[بنت باباتي]

هههههههههههههههههههههههههههههههه

انتي فلم تدرين متى حسيت انج نابغه يوم بدلتي المخده خخخخخخخخخخ

 

[آهات قلبي]

وين البنات اليوم ........عاد أنا حدي فاضيه وقاعده للموضوع

الظاهر ماكو الا أنا وانتي (بنت باباتي)

 

[آهات قلبي]

من صجج تضحكين ؟؟؟؟؟؟؟؟؟؟

أنتي لو مكاني مو تبدلين المخدة يمكن تبدلين ملابسج من الخرعة لوووووووووووول
كلش ولا سوالف الحريم يحشون في بعض يحليلهم نفسنا..........

 

[آهات قلبي]

ومره سولفت لي وحده من رفيجاتي كله تروح السعوديه بالعطله عندهم بيت هناك وتقول كنا متفقين أحنا وبنات خالتي نطلع نتمشى العصر وتقول بعد الغدا نامت والا تقعدها بنت خالتها دشت عليها الغرفة وقالت لها خلاص كنسلنا الطلعه وماراح نروح وتقول أنا كنت أبي النوم ومااستفسرت منها وقلت لها أوكي أبيها تروح بكمل نومتي بس كانت مستغربة ليش بنت خالتها مغطيه وجهها بملفع؟؟؟؟؟؟؟؟؟؟هني السر ؟؟؟؟؟؟؟؟
تقول قعدت المغرب الا نقالي متروووس اتصالات من بنات خالتي وباب غرفتي مقفول؟؟؟؟؟؟؟
طيب منو اللي دشت علي وشلون دشت ؟؟؟أطلعت طبعا جنيه على شكل بنت خالتها وكانت لابسه نفس دراعتها وعشان جذي مغطيه وجهها......وتقول من يومها ماتنام برووحها توبه...........

 

[بنت باباتي]

لوووووووووووووووووول دوري لج سالفه غيرهم سكنهم مساكنهم انا بروح شقتي مو ناقصه وهازبندي نايم دوري لج شي يفرفش لصبح
<<<<خوافه

حش ضحك مواقف ثانيه

 

[بنت باباتي]

لووووووووووووووووول ظرت علي سالفه عوجه خخخخخ