سامعه سالفه قديمه؟في سالفه ودج تعرفين عنها وناسيتها؟دشوو بناات

[قهوة عربية]

السلام عليكم

اشلونكم ياحلوات

ماشاء الله الصفحات كل يوم تزيد .....الله يزيد ويبارك

بنت باباتي ....مشكورة على التفسير وماتشوفين شر ياقلبي

حطي بالج على روحج ...وخطاج السو


اهات قلبي ....رجع ريلج لو بعد ....

لولو البحرين ....انتي تخرجتي من الجامعة لو بعد ....شكثر باقيلج تتخرجين .....يامعوده قضبي الباب وغيري كليتج ....شمقعدج فيها

وهج الحب ....من صج لاتعليق ....سوالفج تخرع .....!!!! أكثر وحدة سوالفها تخرع انتي

لولو شخبارج وشلون سوالفج ....

ماأدري سالفة البنات السبعة أحسها قصة ..بس مو صج ...يعني اشلون دروا بالأحداث للي صارت للبنات والحوار اللي دار بينهم ...!!

تحسين قصة مؤلفها واحد خياله واسع

هير هاينس ...ها بشري رحتي المشرحة >>>> شهالبشارة !!!! هههههههه






بنات تذكرت يوم تسولفون عن الفنانين العراقيين اللي طلعوا مخابرات

هذا واحد ينقال له صالح حمد وكنيته بالمسلسلات امبيريج ....والثانية زينب الضاحي ...واسمها الصجي زنوبة عبدالخضر

كانت الله يسلمكم بالغزو تعلم المخابرات على بيوت الشيوخ وكانت تدقدق على الفنانين الكويتيين تقولهم تعالوا سووا حفلة حق صدامو الجلب

والفنانيين الكويتيين ميتين رعب منها ....مايبون يشاركون بمسرحيات وتمثيليات حق صدامو الزفر ...وغيروا بيوتهم وغيروا أماكنهم وماقاموا

يردون على التلفونات ( هذا قبل لاتنقطع التلفونات بالديرة ) عشان يفتكون من شرها

ويوم التحرير قضبوها المقاومة وبغوا يعدمونها ...وقرعوا راسها ...وربطوها وخلوا كل واحد يمر يتفل عليها

واسمع طالبات من كلية الحقوق زاروها بالسجن في رحلة للمركزي ...كانت متينة وشكلها مرعب وكشتها قايمة ...وماكانت تبي أحد يشوفها بهالوضع ...وكانت متوحشة تصرخ بالأوادم

بعدين افرجوا عنها ....وذلفت للعراق ...

والكلبة الحقيرة شفت لها مرة مقطع من تمثيلية عراقية بعد الغزو ....كانت تتحجى كويتي بالتمثيلية ...وجنها ابوها ميت بالتمثيلية يزورها كأنه شبح ويحاجيها

عاد الجلبة هي والعراقي اللي معاها مسوين التمثيلية مطنزة على الكويت ...وقت انقطاع الكهرباء ووقت حملة الترشيد يقولها ....جنه عندكم حر ...ترد عليه تقوله .........( عندنا ترشيد ) !!!!!!!!!!!!!!!!!!!!!!!!!!!!!!!!!!! الجلبة الكاولية

وبروح أدور باليوتيوب ...إذا لقيت المقطع بحطه لكم

 

[آهات قلبي]

أهلين قهوه عربيه

لا والله مارد ليلحين ........خليني أرتاح جم يوم عند أهلي أذبحونا بالحنه والرنه ههههههههههههههههههههههه

صراحه النك نيم مالج يهبل أحبه حيل كل ماأقراه أروح أسوي لي قهوه حتى لو مو في بالي ههههههههههههههههههههه

هاااااا يا وخيتي اشعندج من السوالف الزينه حدي فاضيه مانمت أدور السوالف الله يسامحها بنت باباتي نامت وخلتني أتسكع في المنتدى بريحاتي

 

[@ نجمة العطااا @]

خطاااااااااااااااج السوووووووووووو بنت ببااااااااااااااتي والحمدلله على سلامتج

 

[HeR HiGHNeSs 90]

لوووووووووووووووول
قصة البنات الي بالمدرسه تبين واحد متاثر بافلام الرعب مالفها

وهج سوااالفج تينن ومانمل ولانخترع قولييي بعد فديتج لوووووووول

يمااااااا الجامعه تخرع ونااساا لولو البحرين ابيي ايي ازوركم لووووووووول

بنت باباتي لوووووووووووول انا مرا اشوف ولد اختي او ما انولد وله يبتسم شكله يخرع بيبي عمره جم يووم مت من الخرعه وخطااج السوووو

وشوشونه قولي قولي ناطريين

انا لما ماتت يدتي كنت انا وبنت خالتي نايمين ابيتها كنا هم نشوف اشياء يعني قبل لما كنا انام عندها كانت تيي تغطينا بس بعزاها واحنا نايمين بليل نحس في وحدا ادش يمكن كانت اهي الله يرحمهااا

انا قبل كان غرامي اسهر ابيتنا تحت معنا فوق عندنا صالتين وبغرفتي في بعد تلفزيون بس احب اقعد تحت مادري ليش واطالع افلام رعب
لما مرا صارلي شي من بعدها والله لو امووووت ما انزل تحت بروحي
كنت سهرانه ورحت المطبخ ساعه3 احنا مطبخنا داخلي وفيه جامه تطل عل مطبخ الخارجي
انا داشه لمطبخ والليتات مسكره مابطلتهم يعين انا ماخااف اخر شي شفت مثل خيال اسود مر بس بالمطبخ الخارجي يعني شفته بالجامعه يماا ولا وقتها ما استوعبت كملت السهره بعديين الصبح جان استوعب ومت من الخرعه

 

[HeR HiGHNeSs 90]

بنت باباتي شل دكتور المفروض يقولج الاعراض وشنو يصيير

قهوه حسبي الله عليهم من القهر يسوون جذي والمشرحه لاا ناطره باجر ابوي بيروح الدوانيه ويكلم الي يصيرله اهو واخوي عشان يودوني الادله الجنائيه وانزل المشرحه بس حدي خاايفه اخاف اشوف احد محروق لووووووووول انا بروحي توني شاريه مانيكان زينه حق غرفتي كل يوم بليل اقوم اخاف يتحرك ماسوت علييي

 

[HeR HiGHNeSs 90]

اب اب اب @@

 

[بوووظه]

لوولوو البحرين

الجامعات و المدارس خلقة بالليل تخرررع !!

شلون و جامعتكم مسكونة وتدرون عن سوالفهااا

الله يستر عليييييييكم

,,

بنت بابااااتي

الحمدلله على سلامتج و زين لحقتي على عمرج

هههههه و اهم شي زوجج ما يتزوج عليج !

يلا لا يوقف !

 

[الدنـ نور ـيا]

خووووش سوالف

 

[آهات قلبي]

وينكم مالكم صوت اليوم ؟؟؟؟؟؟؟؟؟؟؟

​

:tomato2:

 

[وهج الحب]

السلام:
خطاج الشر يا بنت بباتي ..ومشكورة على تفسير الكلمة ماربيلون لاني بعد ما عرفتها ... ومشكور كل اللي شكر بقصصي ..
انا مرة رحت مدرسة بس قعدت فيها اسبوع .. وكنت اسوي لهم تركش كوفي وقالت لي واحدة تحبين قرأة الفنجان قلت لها مووت احنا بمدرستنا مليون مرة باليوم نقرأ.. وقالت لي باخلي وحدة تقرأ لك عاملة عندنا ونادوها وهي مصرية .. وانا المصاروه ما اصدقهم وايد ... الا قامت تقولي كذا وكذا بس ترا انت ابد ما عليك خوف قلت لها ليش قامت اطالعني وتقول علي انتي عليك اثنين يحمونك ... صراحة انا خفت شوي لاني اعرف انه واحد وهذا شفته اللي قلت لكم عنه انه يقومني لقرأة الكرسي وو وهو شيبة لحيته بيضاء وقلت لها وهذا شئ زين والا لاء قالت لي وهي تبتسم وتسوي حركات بعيونها (( عاد انها تزيد بالغموض )) انت اعرف وبصراحة انا ما اعرف لاني من تزوجت ما شفت شئ وبعد بيتي اللي قالوا لي انه فيه سحر وغيرته ما شفت شئ ؟؟
المهم وفي يوم لقيت في احد المنتديات دعاء صغير يقال وقت النوم يحميك من الجن والشيطين .. واخذته وقريته اول ليله وانا نايمة انقلبت على الجانب اليمين الا على طرف السرير شئ ابيض ببيض (( ترا سوالفي قسم بالله عظيم صج وما ابهرها بهرات لاني لو ما تمر علي القصة ما اعرف اقولها )) تقريبا ممكن تقولين شفاف من بياضة ..المهم قالي وكان صاد بيوجهة عني عشان ما اشوف وجهة ترا يا فلانه عذبتينا ..انا هنية بغيت اقوم شوي وتوني رافعة راسي ابي اشوفه الا التفت علي ومسك يدي بقوة وقبلني على خدي .. تراه ما كان يبيني اشوف وجهه بس انا لمحت شوي ..وقعدت مسلبدة (( يعني ما اتحرك )) انا اول يوم بصراحة خفت لان هذا الشكل اول مرة اطالعة انا دائما اشوف الرال الشيبة هذا من زمان بس هذا الشكل !!!..ثاني يوم بعد اخذت الورقة وقريتها ومنمت الا نفس الشئ حسيت بحركة عند راسي والتفت عليه وانا عارفة ايش باشوف الا هذا المرة نفس الشكل بس اعطاني احساس انه غير بس هو نفس الشكل ..بس هذه المرة شفت الوجه اللي كان يريد يخبيه عني قبل (( والله تذكرت وكش شعر جنبي .. انا ما فيني شعر راح باليزر بس تعرفون اقصد مثل التنمل ))واعفوني ما اريد اوصف احتراما لهم وانا اعرف انهم كان يريد تخويفي فقط ولا قصد ثاني .. انا هذه المرة اهتميت للفم لان شكله صج صج غريب ومرعب وتقدم بوجهة نحوي وانا ظنيت انه يريد تقبيلي مثل امس بس عاد ذي المرة مستحيل مع هذه الاسنان اخليه يقرب .. وغطيت يدي بخدي الا تراه يبي يعظني وعظني في يدي ... وقسم بالله يوم شافت اختي العظة تقول يعني السالفة من صج ..وقعدت فترة طويلة بس راحت ...
انا هنا عرفت السالفة عرفت انهم بالمرتين اطلعوا لي بهذا الشكل تخويف والله الى الان وانا معذبني ضميري اني تعبتهم لان ثاني مرة كانه تعبان صج ..وبصراحة اكثر انا طوال الفترة اللي عشتها ببيت ابوي ما شفت منهم الا كل خير واقسم بالذي رفع السموات بدون عمد انهم احسن لي من اقرب الناس لي صج ما اذوني ويساعدوني ان احتجت ووقفوا معاي من غير ان اشوفهم الا اثرهم بس(( والشيبة اللي كان يطلع مرة او مرتين وكأني بنام يعني ما اكون جالسة واشوفة لا يثقل عيني ويطلع لي )) ومن لحظتها لليوم ما قريت مرة ثالثة وبعد فترة تذكرت الورقة والله ادورها لليوم ما لقيتها .. طيب كان خفوها من قبل ما اعرف ايش المعنى ؟؟؟؟...
واذكر مرة انه كنا بمكتبة الجامعة وانا قاعدة مع صديقيتن واحدة منهم من عمان واللي من عمان تقص لنا كيف الجن ياخذون الناس لبلدانهم ويخفونهم ...سنوات ويردونهم ..وقمنا نتمشى واحنا نسولف وفتحنا باب وطلعنا الا محد بنات كله شباب يمشون ومثل الافلام نمشي ومحد مهتم فينا ولا احد يلتفت علينا الا صديقتي تقول الحقوا اخطفونا وانا اقول لها سوي الامر عادي وامشوا امشوا وهني شفنا الللي يطالعنا ويضحك وكأنة ويضحك علينا واللي يطالعنا ويبتسم .. بس محد يكلمن او يلتفت علينا وكانت ساحة كبيرة وربعي يقولون خلونا نرجع وانا اقول شوي شوي خلونا نشوف عالمهم شوفوهم محد يسوي لنا شئ وكلهم يمشون لاحالهم وصديقتي تقول تصدقون يسون مثلنا انهم بالجامعة وشالين كتب .. وكانت قلوبنا دق مثل الطبل .. الا نسمع صوت واحد مصري انتم يا بنات ايش تعملوا هنا .. الا هو دكتورنا مال الانثربولوجيا .. واحنا ردينا ما ندري دكتور لقينا عمرنا هنيه ... الا يقول يا بنات هادي جامعة الاولاد انتم كيف دخلتم .. ترانا وصلنا نص الساحة وبدون عبي والا ما تشوفون الا اثرنا ركضة صوب الباب اللي دخلنا منه وصديقاتي سمر مصعويات وانا النقيض منهم بس والله صرت مثل الغزال .. الا لقينة السكورتي تقول لنا انتم انتم كيف طلعتوا من الباب .. عاد اللي يقدر يرد عليها... احنا نعرف ان جامعتنا لها باب يدخل لجامعة الاولاد بس مش من المكتبة من جنب المكتبة...
والاغرب ان الاولاد الظاهر تعلموا ان البنات يدشون علي بالغلط ومن جذية مساكين من نمر ينزلون راسهم ويضحكون ..
والله كم مرة تذكر علي ذي السالفة في نص الليل وامووت من الضحك عليها وحتى احيانا اقوم بعلي المسكين .. [/size]

 

[HeR HiGHNeSs 90]

اهات البنات مايتيمعون اله نص الليل لوووووووووول والله لاحظي الموضوع بليل يكون اول صفحه الصبح والظهر يكون ثاني صفحه لووووووووووول

 

[lolo-lilo]

اهلا بنات اشلوونكم انا امس الله يسلمكم قلت اله ازيد السواالف حست بالمنتديااات ونقلت القصصص مواله صج المهم اتخرررع>>>مجرمه

وبنت باباتي >>>>خطاج السو
وقهوة اشلوووونج واي انا سئلت عن الممثلين والحمدالله بعد 5 اياام ياني الشرح المفصل عنهم >>>>>نغزة هههههههه


واذا تبون سواااالف افا عليكم ترى طحت علا منتدى كله سوالف تخرع قولولي علشان احطهم >>>>اشتغل البوووق لوووووووووول

 

[HeR HiGHNeSs 90]

واااااااااااااااااااااااااااااي وهج انا الحين بغرفه بروحيييي بشقه اخوي مو مع باجي بيتنا لاتخرعوني انا بنام بروحي اليووم بعيده عنهم يمه يمه يمه

انزين تتوقعون يعني يقرون انتي شتكتبين عنهم؟ تتوقعين ينتقلون منج حق الي يقرا او يشوفون الي يقرا؟ وااي اعوذو اله سلام قول من رب رحيم سكنهم مساكنهم

 

[lolo-lilo]

اااي انا سمعت عن الينانوه يحبون يتيمعووون حوالين اللي يتكلمون عنهم:gathering: والله بناات انا سامعه هالشي وبعضهم يتسلطون علا اللي يتكلموون عنهم (ابعد عن الشر وغنيله ) اعتقد احنا بيقرون الللي نكتبه

 

[الاسطورة]

ووووووووووووواي
يمه
سوالفكم تخرع

 

[lolo-lilo]

لووول يلا نبي سواااالف بعد

 

[النهج الاسمى]

لول وهير ماادري شنو>>>مبتلشه باسمج حيل

قبل لاتنامون حبايبي واللمبه طافيه>>>>>>طلوا تحت السرير

يمكن يطلعلكم جني عيونه حمر>>>>>>>>>مجرمه هههههههههههههههههههههههههههههههههههههههه

 

[lolo-lilo]

لوووووول انزين اكيد تقصدين اخرعه صح لاني مااخاااف الا من ربي ههههههههه

وغريبه اشفيج تكتبين كلمتين وتنحاشين دشي وكتبي سوالف ولا قلبج متروس من صكروا موضووعج >>>شماته هههههههههههههه

 

[آهات قلبي]

الموضوع صاير بارد ...........ليش؟؟؟؟؟؟
يبيلنا تشويق وأثاره وأكشن ههههههههههههههههههههه​

_03ba:

 

[lolo-lilo]

يمااااااااااا اهااات مومكتوب اسمج تحت لاتخرعينا وانا اقوول بنت باباتي اتوسووس تحت ماقريت اسمج

واخيرا صدتج مااقرا سوااالفج الا ثاني يوم هاالمره سهراانه >>>خفااافيش مو اوادم ههههههه