سامعه سالفه قديمه؟في سالفه ودج تعرفين عنها وناسيتها؟دشوو بناات

[غربــــة اِحساس]

بقولكم ساااااااااافله قالتها لي اختي

في وحده من البنااات كله تسسسسمع اغاني بغرفتهااا وهي غرفتها في حمام عزكم الله

المهم هالبنت كله تسمع اغاني وترقص ......

ف وهي قاعد ترقص في يوم من الايااام طلعتلها جنيه قزمه من الحماااام تنقزززز تنقززززز

نفس القصة سمعتها قبل سنتين

بس بدال القزمة

طلعت عجوز من الحمام تردح معاها



رعب : (

 

[حلآوهـ حمرهـ]

نفس القصة سمعتها قبل سنتين

بس بدال القزمة

طلعت عجوز من الحمام تردح معاها



رعب : (

يخسسسي << من الخوووووووووف خخخ

 

[ام حديجان]

رد : رد: سامعه سالفه قديمه؟في سالفه ودج تعرفين عنها وناسيتها؟دشوو بناات

ووووووووووووووووووه انا الووووحش خخخ << بنت ختي يوم تبا تخووفني لووول



سامحوني بناات انتو ماتهونون عليه اخووفكم بس لازم اسوويييلكم اكششن شووي ~



هاي سالفه جدييييمه صارلها 20 سنه يمكن واستوت اهني بالامارات ويقولون بالمناطق الشماليه اللي قريبه من عمان ~


ريال عنده مزرعه ~ والماي يدور عالمزارع باوقات معينه وعاد كل واحد وحظه يوم اييله الماي لازم يطلع ويسقي المزرعه ولا مابيلقى ماي طوول اليوم ~

فهذا المزارع حظظه وصصخ وياله الماي الفيير ~ طلع وقام يسقي والمزرعه حيييل كبيره ~ وهو يسقي قام يسمع صوت دق عوود وغنااوي بالمزرعه ~ قام وصعد النخله وجاف من بعيد نااار ومتيمعين حوالينها سحاار ورياال يدق عوود ~ ف هذا الريال يعرف لسوالف السحاار وخرابيطهم فقاام يقرا بصوت عالي مادري شو يا اما قران يا اما تعااويذ ف السحاار تجمدوا في مكاانهم ~ ومسك الريال وخذاه اظني للناس وخبرهم السالفه ~

وطلع هالشااب مختفي عن اهله من سنيييين والسحار ماسكينه وساحرينه بس عشان يدق لهم عوود تالي الليل لووووول ~




امممم شو بعد من سواالف عندي ~


هييه في نفس هالمنطقه ~ كلها مزاارع وبيوت جديمه وعالبحر ~ روضه اطفاال وفيها مدرسات يدااد وقداامى ~ بوقت الفسحه يوم الاطفاال يركضووون ومخترعيين ويبجوون للمدرساات ~ قالولهم جفنا ولد بالحماام لابس نفسنا وفجاه نط فووق ودخل ف البالووعه

ف المدرساات استغربوا وخاافوا وبالذات انه اليهاال مايجذبوون ~ ولو كانوا يتخييلون مب معقووله 10 يهاال يتخيلوون ؟

ف المديره قالت لهم انه في يااهل مات من جم سنه ماات بالرووضه وهو يلعب




وعندي سواالف واايده بس ماتحضررني الحيين ~


هييه صح تذكرت شي عندنا طرييج يودي من اماره ل اماره وحيييل يخوووف لانه مسكوون بطريقه مب طبيعيه ~ رفيجه اختي كانت راده بالليل مع خواتها ~ تقول بالطريج جافت رياال واقف عالشاارع ومايتحرك ويووم مشت عنه جافته بالجامه ورااها يبي يعبر الشاارع

تتخيلون كيييف عبر ؟ ريووله طوولت ليين وصلت الشاارع الثاااني ~ اهي مااااااتت من الخووف وسكتت عشان مايخاافون خواتها

ويوم ردت البيت انهااارت م نالخووووف ~ امبييه مااااتخيل اجووف هالمووقف اكيد بسووي حاادث



وبهالشاارع الناس اتجووف العجبب العجاااب ~ رفيج اخووي احيانا يطووف يجووف ريال قاعد عالرصيف برووووحه وحاط عنده صينيه فيها 20 كوب شااي متروسيين ~ بالله حق منوو حاطهم ؟


وفي سالفه بعد اختي قالتها لنا ~ صبي صغيير يقرب لرفيجتها اختفى عنهم ولا يدروون اهو ويينه ~ وكل مره اتييلهم مسجاات من ارقام غريبه ويوم يدقون عليها يعطيهم الرقم غير مستخدم ~ مره كاتبين لحقوا علي ومره يقوول انتو ماتحبوني ومره يقول انا بموووت والارقاام غريييبه ~

ف قاموا الشرطه يتبعون الارقاام بالاقمار الصناعيه يعطيهم مناطق مب مسكوونه ووسط البحر تخييلوا !!

ف المهم شكل الحباايب ملوا من الساالفه ~ ف قامت الشرطه اتدوور قريب هالمنااطق اللي تطلع لهم ولا فجاه يجوفون الصبي يررركض وسرعته تسااوي سرعه السياااره يطيييييييييير بشكل مب طبييعي ف بالغصب دخلوا السيااره ومب قادرين يمسكوونه يتحررك واايد ويصااارخ ويررفس ~ وخذووه على طوول للمطووع وقام يقرا ويقرا ويقرا علييه وبالغصب فجووا عنه ~ صرااحه هالساالفه صدق صدق خووووفتني وماحب اتذكررها يوم اتخيل الولد يركرركض بهالسررعه 0.0

@@

ياللهوووول

 

[ام حديجان]

رد : رد: سامعه سالفه قديمه؟في سالفه ودج تعرفين عنها وناسيتها؟دشوو بناات

بنات بقولكم سالفه صارت 2007 بس كلش ما طريتوها

شرطي كان يقوم بعمله كالمعتاد كل يوم نفس اليوم كل يوم نفس اليوم كان مخصص له مكان للمراقبه حسب ما اذكر
كانت على دائر معين شارع السريع
كانت ايامه متشابه يعني اذا حادث ولا زحمة تدخل بالموضوع حل الموضوع طبعا فحكم وظيفته كشرطي
نسيت اذكر نقطة مهمه ان الشرطي مو متزوج ليش ان بتعرفون السبب بعدين
المهم بيوم كان في مطر خفيف عالشارع يالهم بلاغ انه في بنت بجيب ابيض مسويه حادث بنفس الطريق المراقب يبعد عنه امتار قليلة لكن اكيد انتبهوا وسمعوا اصوات السيارة من بعيد
راحوا للمكان لقوا شاحنه وجيب ابيض اطلبوا الاسعاف
الشاحنه ما فيه شي لكن الجيب داخله البنت
البنت نزيفهم من راسها وتصارخ تكفون لا تدقون على ابوي ما فيني شي الضابط او الشرطي يقول
كانت عيونها تدخل بعض وشكلها على الموت قريبه وتحتضر

اعتبر الشرطي او الضابط ما تقوله الفتاة مجرد هلوسات وخوف من الحادث

لكن اعتبرة كان جدا خاطئ،،،

بنات هالسالفه صج وسالوا اي ضابط يقولكم عليها اذا شفت في اقبال واستحيان اكمل القصه وقت الحادث كان في صلاة العشا ولنا عودة بعد التفاعل وعفيه اللي تعرفها لا تحرقها علي

:eh_s(17)::ssssso:
حبوبات تأخرت عليكم

الجزء 2
البنت كانت تقول لا تدق على ابوي وشكلها قاعدة تودع طبعا سيارات الاسعاف يت وجذتها كانت تردد هالكلمة طول ماهي يطلعونها ويقومون بسعفها
يقول الشرطي بعد اسعاف البنت للمستشفى ظننت انها تهلوس وخايفة من ابوها من شي خاشه لكن واجبي انا ان لازم ولي الامر يحضر ويدري شصار في بنته دق على ابوها
الاخ فلان الفلاني نعم ...حبيت ابلغك ان بنت فلانه الفلانه سوت حادث على الدائر الفلاني واهي الحين بمستشفى الفلاني
طبعا ابو البنت ين والشرطي كان يحاول يهديه ويقوله انشالله خير ماكو شي لا تحاتي سكر الخط
نطر اكثر من نص ساع
ه ومحد ياه للبنت يشوفها ويسال عنها

خلاصـــــــــــــــــــــــــــــــــــــــــــــــة الموضوع المؤلم
البنت بيوم الحادث كانت تزور ابوها بعد عمليته لقلبة وضعه الطبي المحرج ، تم اسعاف بنفس المستشفى اللي ابوها يرقد فيه ، بعد اتصال الشرطي وتبليغه بحادث البنت... الوالد عطاكم عمره والبنت بالعناية المركزة تحاول جاهده البقاء على الحياة

الشرطي يتله حاله نفسية من كثر الصدمة مو مصدق وظن السوء بالبنت وتأنيب ضمير لان ما سمع كلامها
بعد 3شهور من الحادث حاول الشرطي ان يشوف البنت ويفهم قصتها لاقى خلاتها متجمعين وتكلم مع واحده من خلاتها ان اهو مو قادر ينام واول مره يصير معاه جذي واهو ما غلط ولا كان يدري ان الاب طالع من عملية واهو مستعد يعوض ويصلح كل شي ....بس الوالد الله يرحمة هذا الله كاتبله وهذا يومه وكانت ابنت واهي تهلووووس بنفس الحادث خايفة على ابوها يصير فيه شي لان بيخاف عليه وتتضاعف حالته


بعد سنتين من الموضوع بكبرة تزوج البنت :ceaf32e183:
وحاول انه يعوضها عن غلطته ويحبها ويحتويها لان يتيمة الام والاب ومالها غير خلااااااااااااااااااااااااااتها واهو

وخلصت الحجايه :fun:

وااااااااااااي حلووووووه الحجاية :eh_s(2):

بردت على قلبي اللي وقف من الخرعة :eh_s(2):

 

[Miss McDonald]

,
حلآوهـ حمرهـ < توؤنس سسسوآلفج ,
كملي رمسستج

 

[stokes]

خوش سوالف و الله كملوا لا يوقف بنات

و حلاوة حلوة كل شي و لا سالفة اللي عبر الشارع بخطوة و حدة <<<<صك على ابو الحروف :dddds: الحمد لله ما زر عقل البنية لما شافته

بقولكم سالفة تضحك قالها لنا الدكتور احمد الربعي الله يرحمه لما كنت ما خذه عنده مادة مبادي فلسفة


يقول كان طالع كشته اهو و ربعه ايام الشباب و كانوا مجموعة فوق ال6 اشخاص , يقول بغيت اسوي دقه بواحد من الربع -ناسيه اسمه بس اعتقد ان اسمه فيصل- المهم يقول اتفقت مع الربع على ان نشكك فيصل في نفسه و نوهمه انه مريض, و شرط عليهم ان مو كلهم يكلمون فيصل بوقت واحد, لا, كل واحد بروح يكلمه على كتر و بصوت واطي بس جاد _03BA:


يقول و احنا كنا نزل الاغراض من السيارة رحت حق فيصل و حطيت ايدي على كتفه و اقوله بصوت واطي عسى ما شر فيصل فيك شي, يرد علي مستغرب ما شر ما فيني شي اقوله اكيييد ما فيك شي يرد علي و هو مستغرب اييييي ويهده و يمشي عنه

ربع ساعه جذي ويروحله واحد من الربع و يسأله نفس السؤال و فيصل يرد يقول ما فيني شي, يقول ساعتين و احنا معاه جذيه, اللي يقوله روح اقعد استريح و اللي يقوله عنك لا تشيل اي شي, و فيصل يطالعهم مستغرب :eh_s(10):


يقول على الغدا و احنا متجمعين حول الاكل قمنا نتساسر ما بينا احنا المتفقين و نطالع فيصل بنظرات يعني مسكين, فيه شي و نرجع ناكل بصمت >>>>يا الله على الدهاء

شوي جان اميل على اذن فيصل و اقوله فيصل انت متأكد انك ما فيك شي؟

يقول فجأة طاح فيصل على الارض و قام يتلوى و يصرخ ااااااااااااااه ااااااااااااااااااااه لحقوااااااااااااااااا علي ما ادري شفينييييييييييييييييي و دوني الطبيب ودوني المستشفى اااااااااااااااااااا ااااااااااااااااااااااااااااه :eh_s(16):


يقول الدكتور احنا ما قدرنا نسكت بطيناها ضحك و فيصل ما كو طايح له صراخ و دوني المستشفى اااااااااااا

نقوله ما فيك شي قاعدين نضحك وياك , و اهو ابد خلاص صدق انه مريض و يظل يتلوى و يصرخ

ساعة كامله و هم يحاولون يهدون فيه ياااالله هدا و اقتنع ان ما فيه شي و انهم مسوين فيه دقه

ههههههه :krkrkr:

نسيت اقوا ان كانت المحاضرة عن اثر و قوة الايحاء للانسان
​

 

[^وجد قلبي^]

نفس القصة سمعتها قبل سنتين

بس بدال القزمة

طلعت عجوز من الحمام تردح معاها



رعب : (

ايييي انا قصدي تردح معاااهااا @@
والله تخرع وواقعيه هالقصه

 

[^وجد قلبي^]

stokes: امبببببببييييييييييه صدق انه مريييييض @@

 

[A7la Jekra]

up
up
up

 

[^وجد قلبي^]

ماعندكم سوالف تخرع وحلوة :>

>>>تموت ع الرعب

 

[@أجمل سنيني @]

فديتكم
رفع لعيونكم ~~

 

[بنتq8]

لوووووووووووووووووووووووووووووووووووووووووووووووول تخررع القزمه

 

[Om Hayoon]

رد : رد: سامعه سالفه قديمه؟في سالفه ودج تعرفين عنها وناسيتها؟دشوو بناات

بنات تعرفون البيت الابيض الكبير الي بالسره قبال الممشى

اذكر من زمااان جدتي الله يرحمها تروح الممشى مع جاراتها وطبعا انا رازة الوجه اروح امشي والعب بالديارف والزحلاقيااات


وطبعا هالبيت مسبب لي ازمة واموت خوووف منه


لان يقولون انه مهجووور ويخرررع


عاد المرشح نامي النامي اشتراه والحين ساكن فيه

وللحين كل ما اروح هالمنطق عشان اروح الجابريه ( بيتنا ) اتصدد عنه خخخخخخخخ

تصحيح حبي ....هذا اساسا بيت النامي اهمه اللي بانينا ..بس صاحب البيت اهو ابو نامي النامي المرشح ...و ماكان مهجور لا ...بس لان الريال كان متزوج ثنتين و كل وحده لها صوب من البيت و تالي لما توفى صار في لوية على الورث و هذي قصته حبيبتي ...لا ينانوه ولا شي

 

[Om Hayoon]

رد : رد: سامعه سالفه قديمه؟في سالفه ودج تعرفين عنها وناسيتها؟دشوو بناات

بنات تذكرون سالفة الذيب << لقبه

اللي كان يخطف البنات ويذبحهم ؟

الموضوع طويل مآلي خلق أفرفر قلتوآ سالفته أو لآ ؟

اييييي اذكره ...على ايامي كنت صغيره و امي ما تخلينا نلعب حتى بالحوش تخاف علينا ...واخر شي اهو خطف البنت الباكستانية و اعتدى عليها و حط تواير و حطها بالنص و شب فيها بالنار

 

[مزيـانه]

واااااو موضوعكم يوننننس




خل أقولكم سالفة صارت لنا ببيت يدي الله يرحمه

أذكرها بأول التسعينات

الله يسلمكم انا كل صيف و كل عطله متعوده أروح أنام عند بيت يدي مع خالاتي و يدتي الله يطول بعمرها .. بحكم ان خالاتي بنفس عمري تقريبا

المهم .. و الله أذكرها ذيك الليله جنها أمس

كنا ننام كلنا بغرفة وحده بالدور الثاني انا و خالاتي الثنتين و يدتي .. نستانس نتيمع مع بعض و نسولف بالليل ليما ننام

عاد الفير ذيك الليله .. و احنا بعز النوم .. ما وعينا الا و دريشتنا تنطق حيل .. دووووم دووووم دووووم (( مثل أصوات القنابل ))

فزينا و اخترعنا .. و الأصوات كل مالها و تزيد .. و احنا .. انا و خالاتي .. اللي تبجي .. و اللي تلزق بيدتي .. و يدتي على كلمة وحده (( أعوذ بالله من الشيطان الرجيم .. أعوذ بالله من الشيطان الرجيم ))

كل هذا و الأصوات ما سكتت .. كل مالها و تزيد و يدتي تستغفر و على كلمة ((أعوذ بالله من الشيطان الرجيم))

عاد الدريشه عليها حمايه من الألمنيوم (( اللي تصير مثل اسطوانات اسطوانات .. فهمتوا علي؟؟؟)) ساعات نسمع الأصوات تطق على الحماية الألمنيوم و مره على الجامه



المهم احنا ميتين خرعه .. و ما نبي حتى نفتح الستارة و نشوف اشصاير من الخووووف

و لا نبي نفتح باب الغرفة و نطلع .. ما ندري شنو بيكون بره الغرفة

اخر شي .. و الله جان تقوم يدتي و تستجمع قوتها و شجاعتها

و تفتح الستارة

شافت الدريشة متروووسه فيها أشياء

يوم فتحت الدريشة .. و لا اشطلع؟؟؟؟؟؟؟؟؟؟؟؟؟؟؟؟؟؟؟؟؟؟


























لقت 3 ارباع جواتي البيت (( و انتوا بكرامه )) متيمعه بين الدريشة و الحماية

اشوي و لا تسمع صوت واحد يكلمها و يصارخ من تحت بالحوش


جان يقولها: زيييين فتحتوا الدريشه صارلي اشكثر و انا أحذف عليكم من هالجواتي عشان تفتحون .. كل هذا نووووم؟؟؟


طلع منو؟؟؟؟

الله يسلمكم هذا خالي .. ما كان متزوج حزتها و طالع مع ربعه و متأخر لي الفير .. و يدتي اقفلت عنه بيبان البيت اللي يطلون على الحوش كلهم .. عبالها اليوم بينام عند واحد يصير له .. يوم رجع كان معاه مفتاح السكة .. بس ما عنده مفتاح البيت ((المبنى)) و يدتي حاطه كبت الجواتي ((كرمكم الله)) بره بالحوش

عاد الحبيب على بو بالحوش ماكو صخر و لا حصم ما لقى الا الجواتي يحذفنا فيهم :eh_s(13):

ههههههههههه
ههههههههههههههههههههههه

أمبيه و احنا ميتين من الخوف .. و ما كنا ندري شالسالفة

ما نسمع الا أصوات أشياء تطق بالدريشة (( عاد تصوروا الصوت انتوا اشلون صاير ))



ها .. اشرايكم؟؟؟

 

[Om Hayoon]

رد : سامعه سالفه قديمه؟في سالفه ودج تعرفين عنها وناسيتها؟دشوو بناات

لووووووووووووووووووووووووووووووول مزيانه حدها حلوة السالفة والله

سوالف قبل تحذف على الدرايش ....وناسه كا صارت ذكرى حلوة و لي ذكرتوها تستانسون على الموقف

سلامي للخال بوالجواتي هههههههههههههههه

 

[الــــغاليـــه]

رد : رد: سامعه سالفه قديمه؟في سالفه ودج تعرفين عنها وناسيتها؟دشوو بناات

بنات منو مره هني بالمنتدى بنيه قالتلي قصه عمتها تقول عمتها تحب الدببه الفرو وايد وريلها كله ايبلها وشقتها كلها دببه

تقول جم مرا تصير لها اشياء غريبه مثلن تلقا السفره جاهزه او حليبة البيبي مسوينها وماكو غيرها بالبيت بس تقول يمكن كنت انسى
لما بيوم دشت شقتها الظهر وله تشوف الدببه الي يخم والي ينضف :s

ذكرتيني بالدببه الحنونه الرسوم المتحركه لووول

 

[الــــغاليـــه]

رد : سامعه سالفه قديمه؟في سالفه ودج تعرفين عنها وناسيتها؟دشوو بناات

ـــــــــــــــــــــــــــبسم الله الرحمن الرحيــــــــــــــــــــــــــمــــــــــــــــــــــــــــــــــــ

 

[غربــــة اِحساس]

مزيانه ...

ههههههههههه عشتوا الرعب ليلتها واخرتها جواتي محذوفه




اما سالفة الدببه تنظف وترتب هههههههههههههه







عفيه بنات مانبي سوالف رعب

نبي احداث قديمة ..



مادري تذكرون رجوع الشيخ جابر الله يرحمه من العلاج بلندن اظن

والله متذكرة شكل السياره وحركته وشلون اغلب الكويت طلعت تستقبله

حتى في حمامه بيضاء قعدت على السياره واهو فيها

واااي ياحبي له الله يرحمه ويوسع له في قبره ويرزقه الجنة ..

 

[حرم القيصركمودس]

رد : سامعه سالفه قديمه؟في سالفه ودج تعرفين عنها وناسيتها؟دشوو بناات

ارحمو حالنا سوالفكم تخرع
بعد بعد بس مو رعب
تسلموون